14
მარტიდღის ზოგადი ასტროლოგიური პროგნოზი
POSTV- ის ხელმძღვანელსა და წამყვანს შალვა რამიშვილს სექსუალურ შევიწროებაში ისევ ადანაშაულებენ, ამჯერად, ჟურნალისტები - გვანცა ბუდაღაშვილი და მაკო ჯაბუა. ისინი წლების წინ მომხდარ ფაქტებს იხსენებენ.
ჟურნალისტი გვანცა ბუდაღაშვილი "ფეისბუქში" წერს:
"თუ სწორად მახსოვს, 2018 წელი იყო. შალვა რამიშვილმა მომწერა გადაცემისთვის ახალ სახეებს ვეძებ და გასაუბრებაზე მოდიო. მეც, როგორც ყოველთვის, ძალიან მჭირდებოდა სამსახური. (მაშინ “პოსტვი” მხოლოდ ონლაინ ტელევიზია იყო) მივედი და რაც შემდეგ მოხდა, არავის, უკვე აღარავის გაგაოცებთ. ვისაუბრეთ ყველაფერზე - პოლიტიკაზე, ჭამაზე, გართობაზე და მიადგა სექსუალურ საკითხებსაც. მითხრა, რომ განსაკუთრებული შარმი მაქვს და შემიძლია ჩემი შარმის წყალობით ბევრ რამეს მივაღწიო. (ზუსტად არ მახსოვს როგორ თქვა და ამიტომ ვერ ვციტირებ) უხერხულობა ვიგრძენი და წამოვედი. რამდენიმე დღეში ისევ მომწერა ან დამირეკა. სამსახურის დაწყება თუ გინდა, მოდი რაღაცები გავარკვიოთო.
მივედი. უკვე ნასვამი იყო და მთელი არსებით პირდაპირ მოითხოვდა, რომ ჩემ ფეტიშებზე მელაპარაკა. რა თქმა უნდა, რამდენიმე წუთში წამოვედი და უკვე ნათელი იყო ვისთანაც მქონდა საქმე და მივხვდი, რომ ამ “სამსახურის” გზა საწოლზე გადიოდა.
მითხრა, რომ ზოგადად ეგეთი არაა და უბრალოდ მე ვარ განსაკუთრებული ტასო ბარნოვას ამბავიც გავუხსენე და რა თქმა უნდა, სისულეებით სცადა თავის მართლება. ამ ამბიდან მალევე ”ევოში” დავიწყე მუშაობა და მწერდა, რომ პირდაპირ საცოდაობაა, როცა ჩემნაირი ნიჭიერი გოგო ღამეებს კაზინოში ათენებს და მერე ”შემახარბა” რომ “პოსტ ტვ” უკვე ნამდვილი ტელევიზია გახდა. ესეთი ადამიანები გვკიცხავენ ახალგაზრდებს და მთელი გულით მჯერა, რომ ძალიან ძალიან მალე გაჰყვებიან კოლექტიური შალვა რამიშვილები იმ ცნობილ გემს (ზოგიერთი სქრინი შეიძლება კონტექსტიდან ამოვარდნილი იყოს, მაგრამ ვინმეს თუ სრული ჩათის ნახვა სურს, არც ეგაა პრობლემა)".
გვანცა ბუდაღაშვილი სოციალურ ქსელში რამიშვილთან მიმოწერის "სქრინშოტებსაც" აქვეყნებს.
სოციალურ ქსელში მაკო ჯაბუაც სწორედ სამსახურის თაობაზე გასაუბრებისას, რამიშვილის მხრიდან სექსუალურ შევიწროვებაზე ყვება.
"ზუსტად არ მახსოვს, რომელი წელია. 7-8 წლის წინ დაახლოებით. ძალიან რთული იყო სამსახურის შოვნა, არავინ მყავდა, ვინც ხელს შემიწყობდა ამ კუთხით. დროებით ხან სად ვმუშაობდი და ხან სად. ჟურნალისტობა მინდოდა მუდამ და სამწუხაროდ, უშედეგო იყო მაშინ ყველა მცდელობა. ჩემი ახლო მეგობარი მუშაობდა შალვა რამიშვილთან (მას ცუდი გამოცდილება არ ჰქონია, თორემ მგლის ხახაში არ შემაგდებდა) მითხრა, რაღაც ტელევიზიის გაკეთებას აპირებს და კადრებს ეძებს, ვეტყვი შენზე და დაგიბაროს იქნებ გასაუბრებაზეო. მეც გამიხარდა, შანსი დავინახე, დავთანხმდი. დამიბარა, მაგრამ ვაჟაზე, ოფისად ქცეულ ბინაში. მივედი. (შალვაზე რაღაცები მსმენია, მაგრამ მე თამამი და გამბედავი ადამიანი ვარ, ჩემი თავის იმედი ყოველთვის მაქვს, ამიტომ "არ შემშინებია" მასთან მარტო დარჩენის). გასაუბრება ნორმალურად დაიწყო. გამომკითხა რაღაცები, მიხვდა, რომ "ცოცხალი" გოგო ვარ და შემდეგ დაიწყო: შენ ისეთი არასტანდარტული და თამამი გარეგნობა გაქვს (წითელი თმები და პირსინგი მქონდა) დარწმუნებული ხარ, რომ უბრალო ჟურნალისტი გინდა იყო?
- მეთქი, რავი, ახალი ამბების ჟურნალისტობა მინდა
- ხო, გასაგებია, მაგრამ იქნებ რამე შენი გადაცემა გავაკეთოთ. საცურაო კოსტიუმში როგორ გამოიყურები? (ეს ცოტა მეუხერხულა, მაგრამ არ დავბნეულვარ)
- კარგად, ალბათ.
- ჰოდა, ასეთი იდეა მაქვს, აუზში ვიღაცები რომ მოიწვიო და უხერხული კითხვები დაუსვა. მაგალითად, რა პოზაში მოსწონთ, ფეილები რა ჰქონიათ, რომელ პორნოს უყურებენ... და ისე, შენ როგორ პორნოს უყურებ? გიყვარს?
აი, მანდ უკვე გადაჭრით ვიცოდი, ვისთან მქონდა საქმე. არ ვიცი, ჩემს თავში გადავწყვიტე, რომ არ უნდა შემშინებოდა, სიმშვიდე შემენარჩუნებინა, რაღაც გადამიტრიალდა, თან გავქვავდი (თავდაცვის ინსტინქტი იყო, ალბათ) ვიფიქრე, იქნებ თემა შემიცვალოს და მეთქი "გეი პორნოს, ალბათ".
- ხო, ახლა რომ ჩაგირთო, რას იგრძნობ?
- არ ვიცი
- მოდი, ვნახოთ, უხერხულ სიტუაციებს როგორ უმკლავდები (ამის მერე რთავს პორნოს).
- რას გრძნობ?
- უხერხულობას (თან არ ვიცი, როგორ შევძელი, მაგრამ საერთოდ არაფერს ვგრძნობდი, ერთი ის იყო, რომ ვერ ვდგებოდი ადგილიდან)". - ეს არის ფრაგმენტი მაკო ჯაბუას პოსტიდან.
მისი თქმით, ასეთი ისტორია ბევრია:
"სახლში მისულმა კიდევ აბაზანაში ვიტირე დიდი ხანი. იმ საღამოსვე მომწერა, არ ვუპასუხე. რამდენიმე დღე მწერდა და მერე ჩემს მეგობარს მიწერა, არ მპასუხობს და რა გითხრა, რას აპირებსო? ეს ამბავი ძალიან ცოტა ადამიანმა იცოდა აქამდე. ერთხელ ერთ კოლეგას ვუთხარი, რომელიც მასთან მუშაობდა და მე ვმეგობრობდისავით - მას შემდეგ წამყვანიც გახდა იმ ტელევიზიაში. აი, ეს არის შალვა რამიშვილი, აი, ასეთი ისტორია არის ძალიან, ძალიან ბევრი და ამ ნაძირალა, ბინძურმა არსებამ მე ვერაფერი დამიშავა, იმიტომ რომ "ძლიერი" აღმოვჩნდი და არ შემეშინდა მისი, მაგრამ რამდენია, ვისაც უდიდესი ტრავმა მიაყენა?! აი, ამ კაცთან მუშაობთ და ამ კაცს უსმენთ და მოგწონთ".
ambebi.ge დაუკავშირდა შალვა რამიშვილს, რომელიც მის მიმართ გამოთქმულ ბრალდებებს სიცრუეს უწოდებს და აღნიშნავს, რომ აღნიშნული ბრალდებები POSTV- ის წინააღმდეგ გაჩაღებული კამპანიის ნაწილია.
"ჩვენ გვერდზე გავავრცელეთ განცხადება და ერთიანად ვპასუხობთ იმ განცხადებით ამ ბრალდებებს. ეს არის სიყალბე და კამპანიის ნაწილია. კიდევ ველოდები ასეთი მბრალდებლების გამოჩენას" - გვითხრა რამიშვილმა.
POSTV- ის "ფეისბუქის" გვერდზე გამოქვეყნებული განცხადება:
"ბოლო დროს განსაკუთრებით გამძაფრდა თავდასხმა ტელეკომპანია POSTV-ზე. ამ კამპანიაში აქტიურად არიან ჩართულნი ის ე.წ. ლიბერალური ჯგუფები, რომლებსაც ტელეკომპანია POSTV-ის არსებობა მოსვენებას არ აძლევს. ჩვენი ტელევიზია უკვე წლებია ებრძვის საქართველოში დამკვიდრებულ ნეოლიბერალიზმს, რომელმაც ბოლო დროს ლიბერალური ფაშიზმის სახე მიიღო. POSTV-ი მისი შექმნის დღიდან დგას ისეთი კონსერვატიული ღირებულებების სადარაჯოზე, როგორიცაა სამშობლო, ეკლესია, ოჯახი და ღირსება. სწორედ ეს ღირებულებებია ქართველი ლიბერალ-ფაშისტების სამიზნე. მათი იარაღი კი სიცრუე, მანიპულაცია და აგრესიული ბულინგია. სწორედ ზემოაღნიშნულის გამოვლინებაა POSTV-ის წინააღმდეგ მიმართული ცილისმწამებლური და მადისკრედიტირებელი კამპანია. როგორც მოგეხსენებათ, უკვე პოლიტიკაში გადაბარგებულმა ყოფილმა სახალხო დამცველმა, ნინო ლომჯარიამ ჩვენი ტელეკომპანია რუსულ პროპანაგდისტულ საშუალებად გამოაცხადა და არსებობა აუკრძალა. ნინო ლომჯარიას ამ განცხადებას ჟურნალისტური ეთიკის ქარტიის სრულიად გაუგონარი განცხადება მოჰყვა, სადაც POSTV-ი რუსული მიზნების მთავარ განმახორციელებელ მედიასაშუალებად მოიხსენიეს და სიძულვილის გაღვივებასა და საზოგადოების პოლარიზებაში დაადანაშაულეს. პარალელურად, გახშირდა პერსონალური თავდასხმები არხის მენეჯმენტზე და სახეებზე. ავრცელებენ ბინძურ ჭორებს, პრინციპით - „მე დაგაბრალებ და შენ თავი იმართლე“. ამ კამპანიას აქვს ერთადერთი მიზანი, როგორმე ხელი შეუშალონ განვითარებაში POSTV-ის, რომლის რეიტინგიც სწრაფი ტემპით იზრდება და შესაბამისად, იზრდება ტელეკომპანიის გავლენა სატელევიზიო ბაზარზეც. ლიბერალი ფაშისტების კიდევ ერთი მიზანია, დააბულინგონ და შეაშინონ ჩვენი გუნდის წევრები, ხელი ააღებინონ იმ ბრძოლაზე, რომელსაც ეს არხი ბოლო წლებია წარმატებით ეწევა. ტელეკომპანია POSTV-ის დიდი გუნდის სახელით, ღიად ვაცხადებთ, რომ ლიბერალ-ფაშისტების ამ ამოცანას შესრულება არ უწერია და ფეიკების მამხილებელ ტელევიზიას ფეიკებით ვერ შეაშინებენ. ჩვენი ბრძოლა გრძელდება და ბინძური კამპანია ამ ბრძოლას ვერ გააჩერებს." - წერია განცახდებაში.
ცნობისთვის, შალვა რამიშვილს სექსუალური შევიწროებისთვის ტელეკომპანია "იმედის" ყოფილმა თანამშრომელმა 2016 წელს უჩივლა. 2018 წლის იანვარში თბილისის საქალაქო სასამართლომ თათია სამხარაძის სარჩელი დააკმაყოფილა და შალვა რამიშვილს მორალური ზიანის - 2 000 ლარის ანაზღაურება დააკისრა. გადაწყევტილება სააპელაციო სასამართლოში შალვა რამიშვილმა გაასაჩივრა, თუმცა იქაც წააგო.
ამ სქრინ შოტებიდან მარტო მე წავიკითხე , რომ გოგო ამბობს სამსახურისათვის ( ანუ ვნებისათვის) ყველაფერზე ვარ წამსველიო? შალვამაც "შეამოწმა" რაზე იყო წამსავლელი და რაზე არა.. ჩვენ აქ მრუში დიაცების პრობლემა გვაქვს ხალხო და არა საცოდავი მანიკი შალვასი , თავისი თავი მაჩო რომ ჰგონია და ჩვეულებრივი იმპოტენტია სინამვილეში. მეტი ისწავლეთ გოგოებო, მეტად დაკავდით საქმით, დამიჯერეთ . თვქნი ცოდნით მიღწეულს სხვა ფასი და გემო აქვს. სექსითაც დაკავდით , ოღონდ სიყვარულით
მე ვფიქრობ ეს სულ ყვითელი სპექტაკლია, ის რომ ესენი მრუშებია ეჭვიც არ მეპარება, როგორც იმაში, რომ სააკაშვილი 21 დეკემბერს არ არის დაბადებული და მრუშობენ ურთიერთთანხმობთ, მერე სექსძალადობად აფორმებენ, რისი დამტკიცება არდამტკიცება დაცვა მოსამართლის და კანონის კისერზეა, 2 000 ლარი ჯარიმა -ესეც პრეცენდენტი, ამაში კეზერბანკი 20 ათასს გადაიხდის , ეთერის დაკავება მეტი დაუჯდებოდა , და მიდი გაართვე ცხვარი, აინტერესებს ნიფხვის ფერი ფარას, ზოგს წამომხობილიც აქვს, ნიფხავი, თავზე, კი!