ნეაპოლში არეულობაა - ცეცხლწაკიდებული მანქანები, დაპირისპირება "აინტრახტის" ფანებსა და იტალიელ სამართალდამცველებს შორის: რა ხდება ჩემპიონთა ლიგის მატჩამდე (ვიდეო)
ნეაპოლი დღეს ისტორიული მატჩის მოლოდინშია - თუ "ნაპოლი" ფრანკფურტის "აინტრახტს" დაამარცხებს, ისტორიაში პირველად ითამაშებენ ჩემპიონთა ლიგის მეოთხედფინალში.
ქალაქში ახლა დაძაბულობა და არეულობაა. ნეაპოლში იმყოფებიან "აინტრახტის" ფანები, ე.წ. ულტრასები და ისინი სამართალდამცველებს დაუპირისპირდნენ, რადგან მატჩზე დასწრება სურთ.
"აინტრახტის" ფანებს აკრძალული აქვთ მატჩზე დასწრება რადიკალური ქმედებების გამო.
იტალიურ მედიაში ვრცელდება კადრები თუ რა ხდება ამ დროისთვის ქალაქში - მედიის ცნობით, გერმანელმა ფანებმა ცეცხლი წაუკიდეს მანქანებს, მათ შორის, პოლიციის მანქანებს, ისმის აფეთქებების ხმაც.
<blockquote class="twitter-tweet"><p lang="en" dir="ltr">More scenes of what’s happening in Naples right now. <a href="https://twitter.com/hashtag/Napoli?src=hash&ref_src=twsrc%5Etfw">#Napoli</a> [<a href="https://twitter.com/serieAnews_com?ref_src=twsrc%5Etfw">@serieAnews_com</a>] <a href="https://t.co/E6ZtZCY8tc">pic.twitter.com/E6ZtZCY8tc</a></p>— Italian Football News 🇮🇹 (@footitalia1) <a href="https://twitter.com/footitalia1/status/1636043152179036160?ref_src=twsrc%5Etfw">March 15, 2023</a></blockquote> <script async src="https://platform.twitter.com/widgets.js" charset="utf-8"></script>ცნობისთვის, "აინტრახტის“ ფანებს იტალიის შინაგან საქმეთა სამინისტრომ ნეაპოლში მატჩზე დასწრება აუკრძალა. მიზეზი ისაა, რომ ამ გუნდებს შორის პირველი შეხვედრის დროს ფანებს შორის დაპირისპირება მოხდა.იტალიურმა პოლიციამ კი ინციდენტების თავიდან ასარიდებლად აღნიშნული გადაწყვეტილება მიიღო, თუმცა რეალურად, ეს გადაწყვეტილება უფრო მძიმე შედეგის მომტანი აღმოჩნდა.