მეფე ჩარლზმა Queen-ის გიტარისტი ბრაიან მეი რაინდად აკურთხა

წელიწადზე ნაკლებია გასული მას შემდეგ, რაც აწ გარდაცვლილი დედოფალი ვიდეოკლიპში დათუნია პადინგტონთან ერთად გამოჩნდა. ის Queen-ის უკვდავი სიმღერის, We Will Rock You-ს ფონზე ჩაის მიირთმევდა. ახლა კი მუსიკოსი, რომელმაც ეს სიმღერა დაწერა, ბუკინგემის სასახლეში მიიწვიეს, რათა რაინდის წოდება მიენიჭებინათ.

Queen-ის გიტარისტი, ბრაიან მეი მუსიკალური და საქველმოქმედო საქმიანობებში წვლილის შეტანისთვის რაინდად 14 მარტს აკურთხეს. ბრაიან მეი ცხოველების უფლებებზე ზრუნვის კამპანიასაც ხშირად ეწევა. წესისამებრ, როგორც ამას რიტუალი მოითხოვს, მას მეფე ჩარლზმა მხრებზე ხმალი დაადო. მთელი ცერემონიის განმავლობაში მუსიკოსიც და მეფეც მხიარულად იღიმოდნენ. მეის რაინდად კურთხევას მისი მეუღლე, მსახიობი ანიტა დობსონიც დაესწრო.

წყარო: bbc

მოამზადა: ანა სიბოშვილმა