მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 01:14-ზე, მთვარე მერწყულშია – რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. ეგოიზმის და საკუთარი შესაძლებლობების გადაჭარბებული შეფასება. გაუფრთხილდით ხერხემალს. დღე კარგია მარხვისთვის. კარგია რომანტიკული შეხვედრა წყნარ ატმოსფეროში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ამბობენ, რომ ასეთი რამ მხოლოდ ფილმებში ხდება... არავის ვუნდოდით, დამცინოდნენ" - გზა ლტოლვილობიდან ოსკარამდე: ვიეტნამელი მსახიობის ახდენილი "ამერიკული ოცნება"
12:23 / 14-03-2023
2023 წლის ოსკარით დაჯილდოების რიგით 95-ე ცერემონია ვიეტნამური წარმომავლობის ამერიკელი მსახიობისთვის, კე ვი ჩიუანისთვის ამერიკული ოცნების ახდენა აღმოჩნდა. მან მიიღო ოსკარი ფილმ Everything Everywhere All At Once-ში საუკეთესოდ შესრულებული მეორეხარისხოვანი როლისთვის.
ამაღელვებელი იყო სცენაზე ჯილდოს მისაღებად ასული მსახიობის სიტყვა. მან ცრემლები ვერ შეიკავა.
"ამბობენ, რომ ასეთ ისტორიებს მხოლოდ ფილმებში ნახავთ. არ მჯერა, რომ ეს ყველაფერი ჩემ თავს ხდება, ეს ამერიკული ოცნებაა. დედაჩემი 84 წლისაა და ახლა სახლიდან მიყურებს. დე, "ოსკარით“დამაჯილდოვეს. ჩემი ისტორია ნავზე დაიწყო. ერთი წელი გავატარე ლტოლვილთა ბანაკში და როგორღაც ჰოლივუდის ყველაზე დიდ სცენაზე მოვხვდი. ოცნებების უნდა გჯეროდეთ. მე ლამის უარი ვთქვი ჩემს ოცნებაზე. ყველას მოგმართავთ, არ ჩაკლათ თქვენი ოცნებები", - თქვა მსახიობმა.
კე ვი ჩიუანი ბავშვობიდან მონაწილეობდა 80-იანი წლების ცნობილ ფილმებში, თუმცა მისი კარიერა ისე ვერ განვითარდა, როგორც სურდა, ჰოლივუდმა მას არაერთხელ უთხრა უარი, რის გამოც, საბოლოოდ, ხელი ჩაიქნია მსახიობის კარიერაზე. თუმცა დიდ კინოს 50 წლის ასაკში დაუბრუნდა და თან ხმაურიანად - მოიპოვა უდიდესი აღიარება და კინოს სამყაროს მთავარი ჯილდო.
მისი ცხოვრება ფილმის სიუჟეტს ჰგავს. კე ვი ჯერ კიდევ ბავშვი იყო, როცა ვიეტნამიდან ჰონგ-კონგში წავიდა და იქ ლტოლვილის სტატუსი მიიღო. მოგვიანებით ამერიკის შეერთებულ შტატებში გადავიდა.
1984 წელს Indiana Jones and the Temple of Doom-ის კასტინგზე შემთხვევით მოხვდა. სტივენ სპილბერგის წარმატებული ფილმის შემდეგ კი, რეჟისორის მეორე ფილმში, 1985 წლის The goonies-ში ითამაშა.
ასაკის მატებასთან ერთად, საინტერესო როლებზე შეთავაზებებმა იკლო და ჩიუანი კამერის მიღმა ტრიუკების კოორდინატორად და რეჟისორის დამხმარედ აგრძელებდა მუშაობას.
გავიდა წლები და მსახიობს კვლავ გაუჩნდა კინოინდუსტრიაში ბედის კიდევ ერთხელ ცდის სურვილი და შესაძლებლობა, რათა დიდი ხნის ოცნება აესრულებინა. მას მეგობარმა დაურეკა და ფილმ Everything Everywhere All At Once-ის შესახებ შეატყობინა. მსახიობმა როლი მიიღო.
ჩიუანი 7 წლის იყო, როცა ვიეტნამი მამასთან ერთად, ხალხით სავსე ნავით დატოვა, მისი სამი დედმამიშვილი და დედა კი მალაიზიაში წავიდნენ. ოჯახი მაშინ გაერთიანდა, როცა 1979 წელს ყველანი ერთად, ამერიკაში გადავიდა საცხოვრებლად.
ეს კე ვისთვის ტრავმული პერიოდი იყო: "არავის ვუნდოდით... ლტოლვილები ვიყავით. ადამიანები "ნავიდან ახლადგადმოსულებს“ გვეძახდნენ, სკოლაში კი თანატოლები დაგვცინოდნენ. ადვილი წარმოსადგენია, რა გავლენა უნდა ჰქონოდა ამას ბავშვების ფსიქოლოგიურ მდგომარეობაზე."
კე ვი ჩიუანის ცხოვრება 12 წლის ასაკში შეიცვალა, როცა ის ძმას "ინდიანა ჯონსის“ კასტინგზე გაჰყვა. საერთოდ არ აპირებდა მონაწილეობას, თუმცა კასტინგის უფროსმა ურჩია, მასაც ეცადა. 3 კვირის შემდეგ ჩიუანი შრი-ლანკაში გაემგზავრა, რათა ფილმის გადაღებები დაეწყოთ.
'სპილბერგი პირველი ადამიანი იყო, ვინც ჰოლივუდის ბლოკბასტერში აზიელი სახე გამოაჩინა“,- ამბობს მადლიერებით სავსე მსახიობი ფილმის რეჟისორზე.
მოგვიანებით, მას სტერეოტიპულ და პატარა როლებს სთავაზობდნენ, რამაც იმედები გაუცრუა:
“ყოველთვის რთულია ბავშვი მსახიობიდან ზრდასრული მსახიობი გახდე, მაგრამ როცა აზიელი ხარ, ეს 100-ჯერ უფრო ძნელია. 100 სცენარი რომ აგეღო, დიდი შანსი იყო, რომ არცერთ მათგანში ყოფილიყო სერიოზული და აზრიანი აზიელი პერსონაჟი. უმეტესად, ხუმრობის საგანი ვიყავით", - ამბობს მსახიობი.
ამ მიზეზით, კე ვი ჩიუანმა ჰოლივუდზე ხელი ჩაიქნია:
"20 წლის ასაკი ყველაზე კარგი პერიოდი უნდა იყოს ადამიანის ცხოვრებაში, მაგრამ ეს წლები მხოლოდ ტელეფონის ზარის ლოდინში გავატარე“, - იხსენებს მსახიობი.
მოგვიანებით, მან საერთოდ შეწყვიტა ლოდინი, მანამ სანამ Crazy Rich Asians-ის წარმატება არ იხილა. მსახიობმა თქვა, რომ ფილმს 3-ჯერ უყურა კინოთეატრში და ყოველ ჯერზე ტიროდა. "მხოლოდ იმიტომ არ ვტიროდი, რომ ლამაზი ფილმია, შიში მქონდა, რომ რაღაც მნიშვნელოვანს ვაკლდებოდი. მეც მინდოდა ჩემი კოლეგა აზიელი მსახიობების გვერდით ყოფნა. სწორედ მაშინ გადავწყვიტე, კინოს დავბრუნებოდი“.
როცა მსახიობმა Everything Everywhere All at Once-ის სცენარი მიიღო, ალბათ არც კი წარმოედგინა, რომ ეს ოსკარს მოუტანდა.
ფილმმა სულ 7 ოსკარი აიღო და მათ შორის, წლის საუკეთესო ფილმის წოდებაც მიენიჭა. კე ვი ჩიუანი კი დასავლელი მსახიობებისთვის ერთ-ერთი ყველაზე სასიხარულო სტუმარი აღმოჩნდა. "ოსკარებზე“ კე ვის "ინდიანა ჯონსის“ კოლეგა მსახიობ ჰარისონ ფორდთან ყველაზე ემოციური შეხვედრა ჰქონდა.
წყარო: bbc
- ნახეთ ასევე:
- ვინ როგორ გამოიყურებოდა "ოსკარის" რიგით 95-ე დაჯილდოებაზე?
- "იყავი ძლიერი, ჩემო სიყვარულო" - "ოსკარი" "ნავალნის" და რუსი პოლიტპატიმრის ოჯახი სცენაზე
მოამზადა: ანა სიბოშვილმა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
