მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ომბუდსმენის შეფასებით, 7 მარტს, შსს-ს მხრიდან გაფრთხილებისას, აქციას მშვიდობიანი ხასიათი ჰქონდა და არ არსებობდა მის წინააღმდეგ ძალის გამოყენების საფუძვლები
13:17 / 13-03-2023
სახალხო დამცველის შეფასებით, საქართველოს შინაგან საქმეთა სამინისტროს მხრიდან 7 მარტს, საღამოს საათებში გაფრთხილების თაობაზე განცხადების გაჟღერების დროისთვის, აქციას მშვიდობიანი ხასიათი ჰქონდა და არ არსებობდა მისი შეწყვეტის და მის წინააღმდეგ ძალის გამოყენების საფუძვლები, - ამის შესახებ სახალხო დამცველმა, ლევან იოსელიანმა ბრიფინგზე განაცხადა, სადაც 7-9 მარტს გამართულ აქციებთან დაკავშირებით ანგარიში წარადგინა.
მისივე თქმით, აქციის იმ მონაწილეების მიმართ, რომელთა მხრიდან ძალადობის შემთხვევებს ადგილი ჰქონდა, უნდა გატარებულიყო ინდივიდუალური აუცილებელი და პროპორციული ღონისძიებები, თუმცა სამართალდამცველებმა შეკრების მონაწილეების, მათ შორის, მშვიდობიანი მანიფესტანტების მიმართ, სპეციალური საშუალებების გამოყენება დაიწყეს, რაც უფლებაში აუცილებელი და პროპორციული ჩარევის სტანდარტს ეწინააღმდეგება.
იოსელიანის განცხადებით, აქციებზე სამართალდამცველები აქტიურად მიმართავდნენ შეკრების მონაწილეების ადმინისტრაციული წესით მასობრივი დაკავების პრაქტიკას და ცალკეულ შემთხვევებში, მსგავსი ღონისძიება მიმდინარე სამართალდარღვევის აღკვეთის ზომას არ წარმოადგენდა.
"პარლამენტის უკანა შესასვლელთან შეკრებილთა ნაწილის მიერ დაწყებული ძალადობრივი მოქმედებები საფუძვლად დაედო სამართალდამცველების მხრიდან მთელი შეკრების ძალის გამოყენებით გაუმართლებელ შეწყვეტას 8 მარტსაც. მას შემდეგ, რაც შეკრების მონაწილეთა ნაწილმა დაიწყო საქართველოს პარლამენტის შენობის უკანა შესასვლელის მხარეს შენობის დაზიანება, მინების ჩამტვრევა, პოლიციის მხრიდან შესაბამისი რეაგირების განხორციელება დაიწყო, თუმცა აღნიშნული ძალის გამოყენება სრულიად არალეგიტიმურად გაგრძელდა საქართველოს პარლამენტის წინ მდგომი შეკრების მშვიდობიანი მონაწილეების მიმართ.
შეკრების მართვის მიზნით, სამართალდამცველთა მიერ გამოყენებული ღონისძიებების შედეგად, დაშავდნენ ადგილზე მოვალეობის გაშუქების მიზნით მყოფი მედიის წარმომადგენლებიც. გავრცელდა ინფორმაცია მათი საქმიანობის ხელშეშლის შესახებაც, მაშინ, როდესაც აქციის მიმდინარეობისას, კანონმდებლობა მათ განსაკუთრებულ დაცვის ქვეშ აქცევს.
ამავდროულად, სამართალდამცველები აქტიურად მიმართავდნენ შეკრების მონაწილეების ადმინისტრაციული წესით მასობრივი დაკავების პრაქტიკას. გავრცელებული კადრები ცხადყოფს, რომ ცალკეული შემთხვევებში მსგავსი ღონისძიება არ წარმოადგენდა მიმდინარე სამართალდარღვევის აღკვეთის ზომას. შესაბამისად, ვერ პასუხობდა აუცილებლობის მოთხოვნას და უფლებაში დაუსაბუთებელი ჩარევის სახე ჰქონდა,“ - განაცხადა იოსელიანმა.
ამასთან, როგორც სახალხო დამცველი აცხადებს, აქციაზე დაკავებულებს რიგ შემთხვევაში დაზიანებები აღენიშნებოდათ. მისი თქმით, რამდენიმე დაკავებულის შემთხვევაში, სახალხო დამცველის აპარატმა სპეციალურ საგამოძიებო სამსახურს გამოძიების დაწყების მიზნით მიმართა.
"7-9 მარტს აქციების მიმდინარეობის პარალელურად, სახალხო დამცველმა და რწმუნებულებმა მოვინახულეთ 96 დაკავებული პირი. რწმუნებულები დაკავებულებთან შეხვედრის მიზნით, ინტენსიურად მუშაობენ არა მხოლოდ თბილისში, არამედ რეგიონებში. ამასთან, რამდენიმე დაკავებულმა პირმა აპარატს მომართა მათი დაკავების კანონიერების შესწავლის მოთხოვნით. დაკავებულები მიუთითებენ დაკავების უხეშ ფორმაზე და რიგ შემთხვევაში, აღენიშნებოდათ დაზიანებები. რამდენიმე დაკავებულის შემთხვევაში, მათივე სურვილით და თანხმობით სახალხო დამცველის აპარატმა მიმართა სპეციალურ საგამოძიებო სამსახურს გამოძიების დაწყების მიზნით. განსაკუთრებით ხაზგასასმელია ზურაბ ჯაფარიძის შემთხვევა. მისი და მოწმის განმარტებით, შინაგან საქმეთა სამინისტროს რამდენიმე წარმომადგენელი მას ფიზიკურად გაუსწორდა, სცემეს ხელებით, ფეხებით, ხელკეტებით. აღენიშნება დაზიანება თავისა და კისრის არეში. ასევე ხელის მტევნის არეში,“ -განაცხადა იოსელიანმა.
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შენ, ბიძია, ზურგსქვევით რამე ხომ არ გაწუხებს?
ეს კაცი ციდან ჩამოვარდა? როგორ წარმოუდგენია, რომ 30 ათასიან თავყრილობაზე პოლიციამ შეძლოს და სათითაოდ დაინახოს ვინ მშვიდად იდგა და ვინ წესრიგს არღვევდა?! და თან თითოეული მომიტინგე სახლში მკლავგაყლილი მიაცილოს?! პოლიციას ყვავილები და ტორტიც ხომ არ მიერთმია?! ხალხს დაშლისკენაც იმიტომ მოუწოდეს, რომ პოლიციას ექნებოდა ინფორმაცია, რომ ვიღაცეები მოლოტოვის კოქტეილს გამოყენებას აპირებდნენ. ხალხი უხეშად დააკავესო. დაფიქრდით, ამხელა უწესრიგობების დროს პოლიცია როგორ დაიწყებდა გენაცვალე-ძვირფასოს ძახილს?! ზოგიერთისა გამკვირვებია, მომიტინგეების მხრიდან პარლამენტის შენობის ძალისმიერი პიკეტირება რომ ხდება, და იქ თუნდაც უბრალოდ დგახარ, არ უნდა იცოდე, ეს რას გამოიწვევს?! რა არის აქ მიუხვედრელი და გაუგებარი?!