"არ ვიცი, რამდენად შეესაბამება სიმართლეს, თუმცა, გავიგე, რომ "ქართული ოცნების" დეპუტატების საცხოვრებელი მისამართების გამოქვეყნებას აპირებენ" - ეკა ხერხეულიძე

"ერთიანი ნაციონალური მოძრაობის“ წევრი ეკა ხერხეულიძე სოციალურ ქსელში წერს, რომ გავრცელებული ინფორმაციით, "ქართული ოცნების" იმ დეპუტატების საცხოვრებელი მისამართების გამოქვეყნებას აპირებენ, რომლებმაც მხარი დაუჭირეს ე.წ. აგენტების კანონპროექტებს, რასაც ემიჯნება.

ეკა ხერხეულიძე:

"არ ვიცი, რამდენად შეესაბამება სიმართლეს, თუმცა, გავიგე, რომ "ქართული ოცნების" დეპუტატების საცხოვრებელი მისამართების გამოქვეყნებას აპირებენ. მინდა ვირწმუნო, რომ ეს გაუაზრებელი მოწოდება უმართავი ემოციების ბრალია. ერთმნიშვნელოვნად ვემიჯნები მსგავს ყველაფერს, რაც თავად "ქართულ ოცნებას" დაგვამსგავსებს. ამ ხალხს ოჯახები ჰყავთ, სადაც არაფერი გვესაქმება. მათი სამუშაო ადგილი ყველასთვის ცნობილია და პროტესტი გამართლებულია იქ, სადაც ახლა მიმდინარეობს".

აღსანიშნავია, რომ მსგავსი ინფორმაცია 7 მარტსაც გავრცელდა, მაგრამ მისამართები არავის გაუვრცელებია.