მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მართველი პარტია თუ ვერ გრძნობს, რომ პასუხისმგებელია მოსახლეობის წინაშე, მისი პრობლემაა" - რა თქვა საქართველოს პრეზიდენტმა CNN-ის ეთერში?
00:55 / 09-03-2023
ძალიან ცხადია, რომ რომ ქვეყანას, მოსახლეობას არ სურს არადემოკრატიული გზის არჩევა, ყოველ ჯერზე საქართველოს უკანასკნელ ისტორიასა და თუნდაც გრძელვადიან ისტორიაში, არჩევანთან დაკავშირებულ კითხვაზე, საქართველოს მოსახლეობის პასუხი იყო და ეს ძალიან ბევრჯერ ქუჩის გზით მომხდარა, რომ ჩვენ გვსურს ევროპა, ევროპა არის ჩვენი მომავალი და არის ჩვენი ღირებულებები, - ამის შესახებ საქართველოს პრეზიდენტმა სალომე ზურაბიშვილმა CNN-ისთვის მიცემულ ინტერვიუში განაცხადა.
მისი თქმით, ე.წ. აგენტების შესახებ კანონპროექტი, რომელზეც მან განაცხადა, რომ ვეტოს დაადებდა, ეწინააღმდეგება ევროკავშირის პრინციპებს და მათი დაინიცირება მოხდა მაშინ, როდესაც საქართველო ევროკავშირის კანდიდატის სტატუსის მინიჭებას ელის.
"ცხადია, რომ საკანონმდებლო პროექტი, რომელიც იქნა წარდგენილი და რომელზეც განვაცხადე, რომ ვეტოს დავადებდი, არის კანონი, რომელიც ეწინააღმდეგება ყველა პრინციპს, რომელსაც ევროკავშირი იცავს და ეს ხდება, მაშინ, როდესაც ჩვენ ველით კანდიდატის სტატუსის მინიჭებასთან დაკავშირებულ გადაწყვეტილებას, რომლის მინიჭებაზეც საქართველოს რამდენიმე თვის წინ უარი უთხრეს, როდესაც ის მისცეს უკარაიანსა და მოლდოვას. აქედან გამომდინარე, საქართველოს მოსახლეობამ იცის, რომ ჩვენ ძალიან მნიშვნელოვან გზაგასაყარზე ვართ ჩვენი მომავლისთვის. მოსახლეობამ იცის, რომ ახლა ჩვენი ბავშვების მომავალი განისაზღვრება იმით, თუ რას გავაკეთებთ მომავალი კვირებისა და თვეების განმავლობაში და ისინი ძალიან ცხადად ამბობენ, რომ მათ სურთ ევროპაში ყოფნა“,- განაცხადა პრეზიდენტმა.
მისი თქმით, საქართველოს ხელისუფლება არჩეულ იქნა პროგრამით, რომელიც საქართველოს ევროკავშირთან დაახლოებას გულისხმობდა და თუ ახლა უმრავლესობა ვერ გრძნობს პასუხისმგებლობას ქართული საზოგადოების წინაშე, ეს მათი პრობლემაა.
"ისინი იყვნენ არჩეულები, ისევე როგორც მე ვიყავი არჩეული, პროგრამის მიხედვით, რომელიც გულისხმობდა საქართველოს მიყვანას ევროკავშირთან, სწორედ ეს გვიწერია კონსტიტუციაში, რომლის გარანტორიც ვარ მე. მიუხედავად იმისა, რომ მე არ მაქვს აღმასრულებელი ძალაუფლება, მე აქ ვარ იმის უზრუნველყოფისთვის, რომ რასაც დავპირდით ჩვენს ამომრჩეველს, ის იქნება შესრულებული. პარლამენტი, უმრავლესობა, მმართველი პარტია თუ ვერ გრძნობს, რომ ის პასუხისმგებელია მისი მოსახლეობის წინაშე, ეს მათი პრობლემაა. მე ვგრძნობ, რომ არა მხოლოდ პასუხისმგებელი ვარ, არამედ ვფიქრობ, რომ ერთადერთი მიზეზი, რის გამოც გადავწყვიტე მონაწილეობა მიმეღო საპრეზიდენტო არჩევნებში, რის გამოც მსურდა ვყოფილიყავი ამ ქვეყნის პრეზიდენტი, არის ის, რომ დავეხმარო ამ ქვეყანას, მივიდეს რაც შეიძლება ახლოს და საბოლოო ჯამში, შევიდეს ევროკავშირში. ეს ნამდვილად ისტორიული არჩევანია, რაც შეიძლება აღარ დაგვიდგეს. ძალიან კომპლექსურ მდგომარეობაში ვართ, სულ მცირე გეოპოლიტიკური თვალსაზრისით და ჩვენ მოგვენიჭა ევროპული პერსპექტივა, და ევროპული პერსპექტივა ნიშნავს, რომ წინააღმდეგობა, რომელიც აქამდე არსებობდა ჩვენი გეოგრაფიული მდებარეობიდან გამომდინარე, ვართ თუ არა ნამდვილად ევროპა, ახლა გვერდით არის გადადებული. ეს არის ახალი შანსი ჩვენს უკრაინელ და მოლდოველ მეგობრებთან ერთად შევუერთდეთ ევროკავშირს და ეს იქნება ადგილი, სადაც საქართველო საბოლოოდ შეძლებს დასვენებას, მრავალი საუკუნის განმავლობაში ჩვენს ქვეყანაში შემოჭრისა და ზოგჯერ ოკუპაციის შემდეგ“, - განაცხადა სალომე ზურაბიშვილმა.
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რამდენი ეს გამოჩნდება იმდენი ბორინკა ალბათ იპუტავს ყველაფერს:)) ხო ხედავს რო პოლიტიკა მაგის საქმე არაა და შეეშვას მარგველამ ხასიათი გამლუვლინა გახარიაში შეცდა ამან სულ გადაუარა და მეტი ეხლა, წადი ბორინკა რაშისტანში და აკეთე იქ ფულები:)) ისე ბორინკას ლაქიებს ერთ რამეს შევახსენებ ასლან ბაბუ რო გააპარეს მარტო თავის ძაღლზე დავრდობა( რაც მართალია მაგარი ძაღლი ყავდა) დანარჩენი შეატოვა ნაცისტანს იგივე გაიმეორა მიშა მიუნაუზერამ თვითონ გაიქცა და დანარჩენები ციხეში და ბიჭო რით ვეღარ მიხვდით რა არავინ დაგიფასებთ? ეხლა ორივე ქოცისტანის და ნაცისტანის შემოსევა იქნება ამ კომენტარზე მაგრამ ეს უბრალოდ ფაქტები მოვიყვანე უახლესი ისტორიიდან:) ხო გიორგი - ედუარდმაც მემუარების წერა რო დაიწყო სხვები იმანაც დაიკიდა და რავიცი აბა
შენ საერთოდ რომ ჩაიგდო ენა არააააა?თუ "მარგველა" გადაგედოოოო?ვინ ხართ საერთოდ.მართლა აგენტები ხართ შემოგზაცნილი.დამანახეთ ერთი ქვეყანა მაინც რომელიც ასე ქვეყან-ქვეყან დაწრწოდეს და საკუთარ ქვეყანას საქვეყნოდ ლაფს ასხავდეს.თუ რამის თქმა გინდა შე ოჯახდანგრეულო ჩამოეთრიე აქ და აქ იქადაგე.ან და იქ რომ გდიხარ რა საქმეს აკეთებ ისეთს რომ საქართველოს გამოადგეს.