"ევროპელობა მხოლოდ დროშის ფრიალი არაა... ნუ აძლევთ თავს უფლებას, შეურაცხყოთ ადამიანი, რომელიც ყველა არხზე გასართობ გადაცემას აკეთებს" - რას წერს ნანუკა გულუა?
"სხვა არხზე რომ ვმუშაობდი ჩემი პეპლები და ყვავილები არ შეგიმჩნევიათ ან ძაანაც გეფერადებოდათ! ნუ გავხდებით კაციჭამიები ვინ რომელ არხზე და რომელ ჟურნალში მუშაობს. ამისთვის ნუ აძლევთ საკუთარ თავს უფლებას, შეურაცხყოთ ადამიანი, რომელიც ყველა არხზე და ყოველთვის მხოლოდ გასართობ და განსატვირთ გადაცემას აკეთებს!!!
ევროპელობა მხოლოდ დროშის ფრიალი არაა, ადამიანის პატივისცემა და ჰუმანურობაა… მე ვარ “მეგრელი” და მაშასადამე ევროპელი, ახალი ამბავია ეს?! ყველა რუსი ბლოგერი მიწასთან მყავს გასწორებული პმ და საერთოდ მართობს ამ მძიმე ჟამს ჩემი კანდიდატურა რომ რუსეთის მეგობრად მოგაგონდათ! ცოტა საკუთარ პოზიციებს გადახედეთ და ფსიქიკას მიხედეთ!" - ამ შინაარსის სტატუსს მსახიობი და ტელეწამყვანი ნანუკა გულუა სოციალურ ქსელში აქვეყნებს. პოსტთან ერთად აქტივისტის, ნენე დალაქიშვილის სტატუსს აზიარებს, სადაც ქალს მსახიობი მონიშნული ჰყავს და წერს, "მეგრულად მაინც შეაგინეთ ამათ. სულ პეპლები და ყვავილები არ მოგბეზრდათ?".
ნანუკა გულუას პოსტის კომენტარებში სხვადასხვა ცნობილი ადამიანები აკომენტარებენ. მათ შორის არის ამერიკაში მყოფი ქართველი პროდიუსერი დავით იმედაშვილი, რომელიც პოსტზე დაწერილი კომენტარის გამო ნანუკა ჟორჟოლიანმა გააკრიტიკა:
დავით იმედაშვილი: ავხსნა რას ნიშნავს გასართობი კონტენტის შექმნა არხისთვის, რომელიც რუსულ პროპაგანდას ეწევა, თუ თავად მიხვდებით?
ნანუკა ჟორჟოლიანი: რას ვთხოვთ ხალხს? მართლა ვეღარ გეწევით, რა დამუნათებაა ეს და ზუსტად ჩვენი თანამოაზრეების?! კახა კინწურაშვილს თუ ტაშს ვუკრავთ და სწორადაც, ბახვას და სხვებს, ვისაც საჭირო დროს სწორი პოზიცია აქვთ, ნანუკას რას ვთხოვთ. დეკლარირებული როცა აქვს ევროპა თუ რუსეთი. თავი დავანებოთ სწორი პოზიციის მქონე ადამიანების დამუნათებას! მივხედოთ რუსებს
დავით იმედაშვილი: ცხოვრებაში ტაში არ დამიკრავს და მეტიც, ტაშის დამკვრელების ორმაგი სტანდარტი არ მომწონს. მაგ წარმატებით მე დღემდე ნადეჟდას კონტენტს უნდა ვაკეთებდე.
ნანუკა ჟორჟოლიანი: შენი არჩევანი არ ნიშნავს, ყველამ იგივე უნდა აკეთოს. როცა ადამიანი იმედის ეთერიდან ამბობს, გაუმარჯოს უკრაინას, უკრაინამ უნდა გაიმარჯვოს, ვირჩევთ ევროპას, არა რუსულ კანონს, არის დასაფასებელი. უმუშევრად სახლში ჯდომას ნუ ვთხოვთ ადამიანებს, როცა ჩვენმა არჩეულმა დეპუტატებმა ვერასოდეს თქვეს უარი მანდატებზე, სწორედ რომ ხელფასების გამო.