"არჩევანი ამ ქვეყნის მოსახლეობამ დიდი ხნის წინ განსაზღვრა. რა გამოწვევაც არ უნდა იდგეს, სხვა გზა არ გაგვაჩნია" - რას წერს თეა სიჭინავა
ტელეკომპანია "იმედის" ჟურნალისტი, ტელეწამყვანი თეა სიჭინავა საქართველოში მიმდინარე მოვლენებს ვრცელი პოსტით ეხმიანება.
"საქართველოს ისტორიული და ბუნებრივი არჩევანი ამ ქვეყნის მოსახლეობამ დიდი ხნის წინ განსაზღვრა. რა გამოწვევაც არ უნდა იდგეს, სხვა მოცემულობა და სხვა გზა არ გაგვაჩნია.
ამ გზაზე მოკავშირეების გარეშე ვერც ვივლით და არც შეიძლება. არ მეგულება არც ერთი კანონი და არც ერთი კანონის მიზანი თუ შედეგი, რომელიც ქვეყნის ევროპულ პერსპექტივას გაუთანაბრდება.
არ მეგულება არც ერთი კანონი, რომელიც პოლარიზაციისა და დაპირისპირების ასეთ ფასად შეიძლება ღირდეს. მე სოხუმში დაბრუნების ერთადერთ გზად, ძლიერ და განვითარებულ საქართველოში ვხედავ, რომელიც მიმზიდველი უნდა გახდეს აფხაზებისთვის.
ამის შესაძლებლობის ერთადერთი გზა ევროპულ ინტეგრაციაზე გადის. ამიტომ ყველა სხვა ამოცანა ჩემთვის მეორეხარისხოვანია, ევროპულ მიზანთან შედარებით.
ამიტომ არ დავუშვათ და არ გავუშვათ შანსი ჩვენი მომავლისთვის", - წერს სიჭინავა.
- ნახეთ ასევე:
- "ევროპული მომავალი ქართველი ხალხის თავისუფალი არჩევანია! შეწუხებული ვართ თუ როგორ პასუხობს მთავრობა საზოგადოების მშვიდობიან პროტესტს" - "სუხიშვილების" განცხადება
- "საქართველოს წარსული, აწმყო და მომავალი ევროპისკენ სწრაფვაა!" - ზაზა ფაჩულია