მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
ორშაბათი, მთვარის მეექვსე დღე დაიწყება 10:53-ზე, მთვარე ქალწულშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. ნუ დალევთ ლუდს, ბევრ წყალს, რძეს. მოაგვარეთ მატერიალური და ფულადი საკითხები. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. არ არის რეკომენდებული ფულის გასესხება ან ვალის აღება. არ გადაიღალოთ, არ დარჩეთ სამსახურში გვიანობამდე. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ ეხმაურება მსოფლიო მედია თბილისში განვითარებულ მოვლენებს?
08:02 / 08-03-2023
თბილისის ცენტრში პოლიციამ ათასობით დემონსტრანტის დაშლის მცდელობისას წყლის ჭავლი და ცრემლსადენი გაზი გამოიყენა, - ამის შესახებ Reuters-ი წერს, რომელიც თბილისში მიმდინარე მოვლენებს ეხმაურება.
"დემონსტრანტები შიშობენ, რომ კანონპროექტმა, შეიძლება, ზიანი მიაყენოს სამხრეთ კავკასიის ქვეყნის ევროკავშირში გაწევრიანების იმედს“, -აღნიშნავს გამოცემა.
Reuters-ი წერს, რომ ბოლო წლების განმავლობაში, საქართველოს მთავრობა განიცდის დამკვირვებლების კრიტიკას, რომლებიც აცხადებენ, რომ ქვეყანა ავტორიტარიზმისკენ მიდის.
„ივნისში, ევროკავშირმა, პოლიტიკური და სასამართლო რეფორმების შეფერხების მოტივით, უარი თქვა, მოლდოვასა და უკრაინასთან ერთად საქართველოსთვის კანდიდატის სტატუსი მიენიჭებინა“, - აღნიშნულია ინფორმაციაში.
თბილისში მიმდინარე მოვლენებს BBC-იც ეხმაურება და წერს, რომ საქართველოს დედაქალაქში აქციის მონაწილეებსა და პოლიციას შორის შეტაკება მოხდა მას შემდეგ, რაც პარლამენტმა მხარი დაუჭირა „საკამათო კანონპროექტს, რომელიც, კრიტიკოსების თქმით, ზღუდავს პრესის თავისუფლებას და თრგუნავს სამოქალაქო საზოგადოებას.“
„სპეცრაზმმა გამოიყენა წყლის ჭავლი და წიწაკის სპრეი პარლამენტის შენობის წინ შეკრებილი ხალხის დასაშლელად“, - აღნიშნულია ინფორმაციაში.
გამოცემა წერს, რომ აქციის მონაწილეთა და ქვეყნის ოპოზიციის უმეტესობას შიშობს, რომ კანონის მიღება დაასრულებს საქართველოს მრავალწლიან ამბიციას ევროკავშირში გაწევრიანების შესახებ.
„საქართველოს მოსახლეობის 80%-ზე მეტი მხარს უჭერს საქართველოს ევროპულ პერსპექტივას, რაც ასევე ქვეყნის კონსტიტუციაშიც არის გათვალისწინებული. ბრიუსელი ამჟამად განიხილავს საქართველოს განაცხადს ევროკავშირის კანდიდატის სტატუსის მისაღებად. ევროკავშირის უმაღლესმა წარმომადგენელმა საგარეო პოლიტიკისა სა უსაფრთხოების საკითხებში, ჟოზეფ ბორელმა განაცხადა, რომ კანონპროექტი არ შეესაბამება ევროკავშირის ღირებულებებსა და სტანდარტებს“, - წერს BBC-ი.
თბილისის საპროტესტო აქციებს გამოცემა Guardian-იც ეხმაურება და წერს, რომ „„უცხოური აგენტების“ კანონის კრიტიკოსების განცხადებით, მან შეიძლება გაანადგუროს თბილისის იმედები ევროკავშირში გაწევრიანების შესახებ.“
„პარლამენტის შენობის წინ შეკრებილ მომიტინგეებს საქართველოს, ევროკავშირისა და აშშ-ის დროშები ეჭირათ და საკანონმდებლო ორგანში მყოფ პოლიტიკოსებს უყვიროდნენ: „არა რუსულ კანონს.“ ბევრი ქართველი რუსეთს მტრად განიხილავს მას შემდეგ, რაც მოსკოვმა მხარი დაუჭირა სეპარატისტებს აფხაზეთისა და სამხრეთ ოსეთის რეგიონებში, რის შედეგადაც ასიათასობით ქართველი იძულებით გადაადგილებული რჩება“, - წერს გამოცემა.
გამოცემა „დოიჩე ველე“ წერს, რომ, ბრიუსელისა და ვაშინგტონის მხრიდან კრიტიკის მიუხედავად, საქართველოს ხელისუფლება მხარს უჭერს "უცხოელი აგენტის" კანონპროექტს.
„კანონპროექტი ფართოდ განიხილება, როგორც რეპრესიული რუსული კანონის მიბაძვა, რომელიც კრემლს საშუალებას აძლევს გაანადგუროს თავისი კრიტიკოსები. საქართველოს მთავრობის მიერ გამოქვეყნებული ანტიდასავლური ნარატივები და უკრაინაში შეჭრის შემდეგ რუსეთის წინააღმდეგ საერთაშორისო სანქციების შეერთებაზე უარის თქმა ქმნის შთაბეჭდილებას, რომ საქართველო რუსეთის ორბიტისკენ იხრება“, - წერს გამოცემა.
ფოტო: : ვანო გორგიშვილი/"ინტერპრესნიუსი"
ნახეთ ასევე:
- "მე ამ კანონს დავადებ ვეტოს, არ მაინტერესებს მისი მუხლობრივი განხილვა.. თქვენს გვერდით ვარ, ჩვენს ქვეყანას ევროპაში გავიყვანთ" - პრეზიდენტის მიმართვა
- უმძიმესი კადრები აქციიდან, სადაც წყლის ჭავლი და ცრემლსადენი გაზი გამოიყენეს - "ექიმებო, აქციაზე ვინც ხართ... დახმარება გვჭირდება" (ფოტო, ვიდეო)
- "შეჩერდით! წინ მართლა უფსკრულია!" - ნაირა გელაშვილი ხელისუფლებას მიმართავს
მკითხველის კომენტარები /
33 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი და მისი ტრანსფორმაციული ეფექტი თანამედროვე ბიზნესებზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მეტი პრობლემა ქვეყანაში არ არის ?რა აუცილებელი იყო ამ კანონის დღის წესრიგში დაყენება არც ნაცი ვარ და არც ქოცი ნაცებს რომ აბრალებენ ყველაფერს რატომ მისცეს საბაბი დაილია პრობლემები ქვეყანაში სირცხვილია ეს იყო ბიძოს დაპირებები? ბოლო- ბოლო 10 წელი გავიდა ბიძოს ფულები არ უნდა ქართველ ხალხს , არამედ უნდა ღირსეული ცხოვრება და ქვეყანა
ევროპა და მხოლოდ ევროპა, ანუ სინათლე! ესაა ჩემი მოთხოვნაც. ეს ერთი. ახლა მთავარი - რადიკალური ოპოზიციის ლიდერებიდან (დანარჩენზე აღარ ვსაუბრობ), რამდენიმემ იცის ეს კანონპროექტი რას შეიცავს და მასში რა წერია. დანარჩენებმა არც იციან და არც აინტერესებს. აქ მთავარია მათი სახელისუფლებო ამბიციის გაუმჯობესებისათვის, არსებული მმართველი გუნდის თავს მაქსიმალური სიმყრალის ლაფის დასხმა და შედეგად მისი დასუსტება. მათგან ნაწილმა არც იცის ევროპის საზღვარი სად გადის. რუკასთან რომ დააყენო ზოგიერთი ლიდერი, შეიძლება ჩაიფსას პატარა მოსწავლესავით, გაკვეთილი რომ არ იცის. ასე, რომ ხალხის გრძნობებზე თამაშს თავი გაანებეთ, თქვენს უგრძნობელობას მიხედეთ. ხალხი თავად გაიკვლევს გზას ნათელი ევროპისაკენ. რუსეთი წარსულია და ეს არ ეშლება იმ ხალხს, ვისზეც ზრუნვაშიც ღამე არ გძინავთ თქვენ, თქვე ძილის გუდა ნაცრის მქექავებო!