"ძალიან ბევრი რაღაც დგას საფრთხის წინაშე..." - კახა კინწურაშვილი

მსახიობი და ტელეწამყვანი კახა კინწურაშვილი, დღეს რუსთაველზე ე.. რუსული კანონის წინააღმდეგ მიმართულ პროტესტს შეუერთდა. მსახიობი ტელეკომპანია "ფორმულასთან“ კომენტარში ამბობს, რომ ამ ქვეყნის მომავალი საფრთხის წინაშე დგას.

კახა კინწურაშვილი:

"მარტივად რომ ვთქვა, ძალიან ბევრი რაღაც დგას საფრთხის წინაშე. დგას სამოქალაქო საზოგადოების ერთობა, მომავალი და ა.შ. და ამ ქვეყნის მომავალი დგას საფრთხის წინაშე. რაც მე და ჩემი თანატოლები და უფრო პატარა თაობის წარმომადგენლები დავიბადეთ, რაც დავითმინეთ ამდენი ხნის განმავლობაში ერთადერთი მიზეზი იყო, რომ ოდესღაც დავუბრუნდებოდით ჩვენს ფესვებს და ვიცხოვრებდით დემოკრატიულ საზოგადოებაში და, რა თქმა უნდა, ვიქნებოდით ისეთ ადამიანებთან და ისეთ კულტურებთან ერთად, რომლებიც აფასებენ ადამიანების უფლებებს. ეს კანონი ეწინააღმდეგება მომავალს და შეურაცხმყოფელია პირადად ჩემთვის და ჩვენი მოქალაქეებისთვის. იმიტომ, რომ ბევრი პირობა, რომელიც დაიდო თავიდან, ამ ადამიანებმა რეალურად საკუთარი ამომრჩეველიც მოატყუეს და ახლა უკვე მოტყუებაზეც აღარაა, ეს უკვე სხვა სფეროა".

შეგახსენებთ, რომ რამდენიმე საათის წინ, საქართველოს პარლამენტმა პლენარულ სხდომაზე პირველი მოსმენით დაუჭირეს მხარი რუსულ კანონს, რომელიც არასამთავრობო ორგანიზაციებსა და მედიასაშუალებების ნაწილს “უცხოური გავლენის აგენტებად” აცხადებს.

რუსულ კანონს მხარი 76-მა დეპუტატმა დაუჭირა, ხოლო წინააღმდეგი 13 წავიდა.

იხილეთ ასევე:

• "სხვა გზა არის რუსეთისკენ, რომელიც ეწინააღმდეგება ქართველი ხალხის სულისკვეთებას! საქართველოს ადგილი ევროპაშია!" - ქალ მოჭადრაკეთა ნაკრები განცხადებას ავრცელებს