უმძიმესი კადრები აქციიდან, სადაც წყლის ჭავლი და ცრემლსადენი გაზი გამოიყენეს - "ექიმებო, აქციაზე ვინც ხართ... დახმარება გვჭირდება" (ფოტო, ვიდეო)
ამ დრომდე უკიდურესაც დაძაბულია ვითარება პარლამენტთან. შინაგან საქმეთა სამინისტროს წარმომადგენლები ადგილზე წყლის ჭავლს და ცრემლსადენ გაზს იყენებენ. აქციაზე არიან დაშავებულები. პროტესტის მონაწილეები, ძირითადად ცრემლსადენის გაზის გაშვების შედეგად დაშავდნენ.
მათ ადგილზე მობილიზებული სასწრაფო დახმარების ბრიგადები უწევენ დახმარებას. როგორც "ინტერპრესნიუსს“ სასწრაფო სამედიცინო დახმარების ცენტრში განუცხადეს, ამ დროისთვის აქციიდან საავადმყოფოში არც ერთი აქციის მონაწილე არ გადაუყვანიათ.
სამსახური ინფორმაციას იმის შესახებ, თუ რამდენ ადამიანს გაეწია ადგილზე დახმარება, მოგვიანებით გაავრცელებს.
ადგილიდან უმძიმესი ფოტო და ვიდეოკადრები ვრცელდება:
"სტუდენტები უმოწყალოდ სცემეს და ცრემლსადენი გაზით ფილტვები გაუვსეს. ამას ქვია ერის ღალატი!" - წერს ადგილიდან აქციის მონაწილე ნიკა რომანიძე.
"ერთიანი ნაციონალური მოძრაობის“ წევრმა სოფო ჯაფარიძე სოციალურ ქსელში მოუწოდებს მედიკოსებს, რომ მივიდნენ რუსთაველის გამზირზე, რადგან დაშავებულებს დახმარება ესაჭიროებათ.
"ექიმებო, აქციაზე ვინც ხართ სასწრაფოდ მოდით პირველი სკოლის მხარეს დახმარება გვჭირდება" - წერს სოფო.
ნახეთ ფოტოები ადგილიდან: : გიორგი ჟამერაშვილი/"ინტერპრესნიუსი"
