პარლამენტთან ვითარება უკიდურესად დაიძაბა: დაპირისპირებაა აქტივისტებსა და პოლიციას შორის - ადგილზე მიიყვანეს სპეცრაზმი

პარლამენტთან ვითარება დაიძაბა, ადგილზე დაპირისპირებაა აქტივისტებსა და პოლიციას შორის. სიტუაცია მას შემდეგ გამწვავდა, რაც პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა.

ასევე ცოტა ხნის წინ პარლამენტში ავტობუსებით, სავარაუდოდ, სპეციალური დანიშნულების რაზმი შეიყვანეს. პარლამენტის ეზოში ამ ეტაპზე სამი ავტობუსი დგას.

მედიას კვლავ არ ეძლევა შენობაში, მათ შორის ეზოში თავისუფლად გაადგილების საშუალება.

ცნობისთვის, კანონპროექტის საარგებლოდ ხმა 76 დეპუტატმა მისცა, წინააღმდეგ კი 13 წავიდა. პროექტის განხილვა რამდენიმე საათის განმავლობაში ხმაურისა და დაპირისპირების ფონზე მიმდინარეობდა.

ნახეთ ასევე:

• "მოღალატეებო!" "რუსებო!" - ამ შეძახილების ფონზე მიიღო "ქართული ოცნების" უმრავლესობამ ე.წ. აგენტების შესახებ კანონპროექტები

ნახეთ ვიდეო: