"ვინც არ დაგვემორჩილა, შესაბამისად ვიმოქმედეთ" - რას ამბობს ვაჟა სირაძე აქციაზე განვითარებულ მოვლენებზე: დაკავებულია 4 პირი
შინაგან საქმეთა სამინისტროს ინფორმაციით, საქართველოს პარლამენტთან მიმდინარე აქციაზე 4 პირია დაკავებული. უწყების ინფორმაციით, აქციის მონაწილეები ადმინისტრაციული სამართალდარღვევის ფაქტზე არიან დაკავებული.
აქციაზე განვითარებულ მოვლენებზე კომენტარი გააკეთა საპატრულო პოლიციის უფროსმა ვაჟა სირაძემ.
"ამ დროისთვის ადმინისტრაციულად დაკავებულია 4 პირი, წვრილმანი ხულიგნობისა და პოლიციის მიმართ დაუმორჩილებლობის ფაქტზე. ადგილზე მიმდინარეობდა აქცია, რომელიც გადაიზარდა პარლამენტის უკანა შესასვლელის ბლოკირებაში. არაერთხელ მოუწოდა მათ პოლიციამ, გზის გახსნისა და წესრიგისაკენ.
ვინც არ დაგვემორჩილა შესაბამისად იმოქმედეს. ამიტომ მოვუწოდებთ, რომ საკუთარი პროტესტი გამოხატონ მშვიდ ვითარებაში და დაემორჩილონ პოლიციის კანონის მოთხოვნებს" - აღნიშნა ვაჟა სირაძემ.
შეგახსენებთ, საქართველოს პარლამენტის მიმდებარე ტერიტორიაზე ხმაური მას შემდეგ დაიწყო, რაც აქციის მონაწილეთა ნაწილი პარლამენტის შესასვლელისკენ გაემართა, სადაც მათი თქმით, უმრავლესობის დეპუტატებისთვის „სირცხვილის კორიდორის“ მოწყობა იგეგმებოდა.
აქციის მონაწილეები ე.წ. უცხოური გავლენის აგენტების თაობაზე კანონპროექტს აპროტესტებენ, რომელსაც გაერთიანებული კომიტეტის სხდომაზე განიხილება.
ნახეთ ასევე:
ნახეთ ვიდეო: