მოლდოვის საჰაერო სივრცეში არსებული რისკის გამო Wizz Air-ი კიშინიოვში ფრენას აჩერებს - რას აცხადებენ ავიაკომპანიაში
ავიაკომპანია Wizz Air-ის განცხადებით, 14 მარტიდან კიშინიოვში, მოლდოვის საჰაერო სივრცის უსაფრთხოებასთან დაკავშირებული საკითხის გამო, ფრენებს შეაჩერებს.
ავიაკომპანიაში აცხადებენ, რომ მოლდოვას საჰაერო სივრცეში ფრენების შეჩერების შესახებ მიიღო "რთული, მაგრამ საპასუხისმგებლო" გადაწყვეტილება, რაც "მაღალი, მაგრამ არა გარდაუვალი" რისკის შედეგადაა გამოწვეული.
"მგზავრების და ეკიპაჟის უსაფრთხოება Wizz Air-ის ნომერ პირველ პრიორიტეტად რჩება. ბოლო დროს მოლდოვაში განვითარებული მოვლენებისა და ქვეყნის საჰაერო სივრცეში მაღალი, მაგრამ არა გარდაუვალი რისკის შედეგად, Wizz Air-მა მიიღო რთული, მაგრამ საპასუხისმგებლო გადაწყვეტილება, 14 მარტიდან შეაჩეროს ყველა ფრენა კიშინიოვში“, - აღნიშნულია ავიაკომპანიის განცხადებაში.