ტრაგედია იტალიის სამხრეთ სანაპიროსთან, სადაც მიგრანტების გემი ჩაიძირა: გარდაიცვალა 30-ზე მეტი ადამიანი - მაშველები ადამიანებს ზღვაში ჯერ კიდევ ეძებენ

30-ზე მეტი მიგრანტი დაიღუპა სამხრეთ იტალიის სანაპიროსთან, მათ შორის იპოვეს გარდაცვლილი ჩვილიც, ისინი შტორმის შედეგად ჩაძირული გემზე იმყოფებდნენ.

იტალიამ მასშტაბური სამაშველო-სამძებრო ოპერაცია დაიწყო, მოხერხდა 40-მდე ადამიანის გადარჩენა.

ტრაგედია კალაბრიის სანაპიროს სიახლოვეს დატრიალდა. მაშველები ჯერ კიდევ ეძებენ ადამიანებს ზღვაში.

გავრცელებული ინფორმაციით, გემი, რომელზეც დაახლოებით 100 ადამიანი იმყოფებდა, იმ დროს ჩაიძირა, როდესაც ნაპირთან მიახლოებას ცდილობდა.

სამაშველო ოპერაციას ხელს უშლის ცუდი ამინდი. იტალიის პრემიერ-მინისტრმა ჯორჯია მელონიმ მომხდარის გამო ღრმა მწუხარება გამოთქვა და პასუხისმგებლობა იმ ადამიანებს დააკისრა, ვინც მისი თქმით, "ადამიანების სიცოცხლით ვაჭრობენ". "არაადამიანურია გაცვალო მამაკაცების, ქალების და ბავშვების სიცოცხლე იმ ბილეთის ფასში, რომელიც ამ ადამიანებს გადაახდევინეს უპრობლემო მოგზაურობის ტყუილ დაპირებაში", - ვკითხულობ პრემიერის ადმინისტრაციის გავრცელებულ ინფორმაციაში.

სააგენტო Adnkronos -ის ცობით ბორტზე იმყოდებიდნენ მიგრანტები ირანიდან, ავღანეთსა და პაკისტანიდან.