მადონა 41 წლით უმცროს ბოიფრენდს დაშორდა - რას პასუხობს მომღერალი მათ, ვინც გარეგნობის გამო გააკრიტიკეს?

მადონა 23 წლის მოდელ ენდრიუ დარნელს დაშორდა, იუწყება Page Six პოპ დივას დაახლოებულ წყაროზე დაყრდნობით.

ინსაიდერის თქმით, მომღერლის ურთიერთობა დარნელთან არასერიოზული იყო, თუმცა პოპდივა მაინც მოწყენილია, ძირითადად იმის გამო, რომ ბოლო დროს მას საკუთარ თავში ეჭვი ეპარება.

"მას აქვს ნდობის კრიზისი, ეს ართულებს ყველაფერს. ენდრიუსთან ერთად ძალიან მხიარულობდა, მაგრამ ეს სიყვარული არ იყო. ეს მხოლოდ მსუბუქი რომანი იყო, ასე რომ, მისი გული არ სწყდება, ”- ამბობს წყარო.

ფაქტია, რომ ცოტა ხნის წინ ფართო საზოგადოებამ აქტიურად განიხილა მადონას გარეგნობა გრემის დაჯილდოების ცერემონიალზე გამოჩენის შემდეგ. სოციალურ ქსელებში ვარსკვლავი კრიტიკის ქარ-ცეცხლში გაეხვა, რადგან ის საკუთარ თავს არ ჰგავდა.

მოგვიანებით მადონამ განაცხადა, რომ ბოდიშის მოხდას არ აპირებდა გარეგნობისა და მისი ქცევის გამო. პირიქით, ის „მოუთმენლად ელის კიდევ მრავალი წლის მანძილზე პროვოკაციული ქცევების ჩადენას, საზღვრების გადალახვას, პატრიარქატთან დაპირისპირებას და, უპირველეს ყოვლისა, ცხოვრებით ტკბობას“.

მადონა ბოლო დროს ტკბება ცხოვრებით, ხვდება ახალგაზრდა ბოიფრენდებს. რამდენიმე წლის განმავლობაში ის მასზე 36 წლით უმცროს მოცეკვავესთან აჰლამალიკ უილიამსთან ჰქონდა ურთიერთობა და გასული წლის დასაწყისში მასთან ურთიერთობის გაწყვეტის შემდეგ დარნელთან გააბა რომანი. ის მომღერალზე 41 წლით უმცროსია.