მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პირადში დავუშვი მძიმე შეცდომა და დიდი ფასიც გადავიხადე" - ბესო კალანდაძე ოჯახსა და შვილზე, რომელიც დიპლომატიურ სამსახურში თანამდებობაზე დაინიშნა?
19:40 / 22-02-2023
ცოტა ხნის წინ, მომღერალ ბესო კალანდაძის უფროსი შვილი, მარიამ კალანდაძე, ჩინეთში საქართველოს საელჩოში პირველ მდივნად დაინიშნა. მუსიკოსს ორი შვილი ჰყავს, ბაჩი და მარიამი. წლების წინ კალანდაძე სკანდალში გაეხვა, მისი ქორწინება რუსეთში მოღვაწე პლასტიკურ ქირურგ ციცინო შურღაიასთან განქორწინებით დასრულდა. სასამართლო პროცესი და ურთიერთბრალდებების სერია წლები გაგრძელდა...
მომღერალი პირველ მეუღლეს, მედეა კალანდაძეს დაუბრუნდა და წყვილი წლებია ისევ ერთად ცხოვრობს. ჟურნალ „სარკესთან“ ბესო კალანდაძემ თავისი ცხოვრების ყველაზე რთული პერიოდი გაიხსენა და მისი თქმით, ეს ცხოვრების ყველაზე ბნელ და შავ ლაქად მიაჩნია. მუსიკოსმა ასევე შვილების წარმატებაზე ისაუბრა...
ბესო კალანდაძე:
- "თუ ანსამბლ „75“-ში ყოფნის წლები ჩემთვის ნათელი, ბედნიერი დროა, მოსკოვში ყოფნა და ის რამდენიმეწლიანი ურთიერთობა ჩემი ცხოვრების ყველაზე ბნელი, შავი ლაქაა. ყველას მოსდის შეცდომები და არც მე ვიყავი გამონაკლისი. არავის ვაბრალებ, არც იმ პიროვნებაზე ვილაპარაკებ. მე დავუშვი საკმაოდ მძიმე შეცდომა და შესაბამისად, დიდი ფასიც გადავიხადე.
როგორ შევიკარით ისევ ოჯახი? დავსხედით და ვისაუბრეთ. სასწორის მხარეზე იყო ჩვენი გაშორების მიზეზი, რომელიც უსაფუძვლო, თითქმის ბავშვური გაუგებრობა იყო, მეორე მხარეს კი – ერთად გატარებული წლები, შვილები, რომლებიც ჯერ კიდევ პატარები იყვნენ, სჭირდებოდათ მშობლები, ოჯახი, ყურადღება, ამიტომ გადავწყვიტეთ, კვლავ ერთი ოჯახი ვყოფილიყავით. მადლობა ღმერთს, ჩვენ ეს შევძელით! მადლობა ჩემს მეუღლეს, საუკეთესო შვილები გამიზარდა…
- ახლახან თქვენი გოგონა სერიოზულ დიპლომატიურ თანამდებობაზე დაინიშნა. რა გზა გაიარა ამ წარმატებამდე?
- ვერ ვიტყვი, რომ მარიამი ვუნდერკინდი იყო. ჩვეულებრივი ბავშვი გახლდათ. უყვარდა ბავშვები, გართობა, მაგრამ სწავლაზე არასოდეს სჭირდებოდა შეხსენება, ყოველთვის ყველაფერს ასწრებდა. თავად აირჩია, სად ჩაებარებინა. შემდეგ, როცა საგარეო საქმეთა სამინისტროში დაიწყო მუშაობა, თავისი კეთილსინდისიერი შრომით გამოიჩინა თავი.
ზოგიერთები ამბობენ, რომ მე დავეხმარე წინსვლაში, რაც აბსურდია. იქ არის კომისია და ის განიხილავს თითოეული კანდიდატის საკითხს. მარიამსაც დიდხანს აკვირდებოდნენ, რის შემდეგაც ანდეს ასეთი საპასუხისმგებლო მისია.
ჩინეთი დღეს ერთ-ერთი წამყვანი ქვეყანაა მსოფლიოში, როგორც ეკონომიკით, ისე პოლიტიკით. ჩვენ საელჩოში, ჩინეთში მარიამი პირველ მდივნად დაინიშნა და იმედი მაქვს წარმატებით გაართმევს თავს.
ბიჭი მაგისტრატურაში სწავლობს, ეკოლოგია აირჩია და მალე ეკოლოგიის მაგისტრი გახდება. დაოჯახებას არ ჩქარობენ, ჩვენ კი შვილიშვილები გვინდა უკვე.
მკითხველის კომენტარები /
27 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საპროტესტო აქციებზე დაკავებული მომიტინგეების ოჯახის წევრები 8 აპრილს დაგეგმილი დემონსტრაციისთვის ემზადებიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიან დიდი დიდსულოვნება რომ შვილების გამო პირადი წყენა თუ შეცდომა დათმეთ და ოჯახი არ დაანგრიეთ..მივესალმები ასეთ ადამიანებს.გაიხარეთ.წარმატებები.
იმდენად კარგი ხმა აქვს და ისეთი მომღერალი იყო ახალგაზრდობაში, რომ სიცუღლუტე მსმენელისთვის მეორეხარისხოვანია. გოგონას წარმატებები