მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
ხუთშაბათი, მთვარის მეცხრე დღე დაიწყება 14:46-ზე, მთვარე სასწორშია – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. კარგი დღეა მარხვისთვის. საკვები უნდა იყოს მარტივი და მსუბუქი. არ მიირთვათ ხელოვნური პროდუქტები, ნამცხვრები, სოკო და ხორცი. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება. პრეზენტაციებსა და გასართობ ღონისძიებებზე დასწრება. ხელშეკრულებების გაფორმება. საბუთების შედგენა. ეს დღე ყველაზე არახელსაყრელია ქორწინებისა და საქორწილო ღონისძიებებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა არის ცნობილი თურქეთში, მიწისძვრით დანგრეული არაერთი შენობის კონტრაქტორ ცოლ-ქმარზე: ისინი საქართველოში გაქცევის მცდელობისას დააკავეს - კიდევ ვისზე "ნადირობს" თურქეთის პოლიცია
14:37 / 16-02-2023
თურქეთს დამაგრეველი მიწისძვრის უმძიმეს შედეგებთან უწევს გამკლავება. დანგრეული ინფრაქტრუქტურა და ათიათასობით გარდაცვლილი - 6 თებერვალს მომხდარი მიწისძვრის მსხვერპლი უდიდესია.
მაშველები ჯერ კიდევ აგრძელებენ მუშაობას, საზოგადოება კი ცდილობს იპოვოს პასუხი კითხვაზე, თუ რატომ იყო მიწისძვრა ასეთი დამანგრეველი, რადგან ექსპერტთა შეფასებით, მიუხედავად იმისა, რომ მისი სიმძლავრე 7.7 მაგნიტუდს შეადგენდა, ასეთი ნგრევა მაინც არ უნდა გამოეწვია.
მით უფრო, რომ სტიქიის ზონაში, ჰათაის პროვინციაში არსებობს ქალაქი, სადაც ერთი სახლიც კი არ დანგრეულა.
ასეთ ნგრევას საზოგადოება, ექსპერტები, სეისმოლოგები არასწორად, უხარისხოდ და დარღვევებით აშენებულ ნაგებობებს უკავშირებენ. სწორედ ამის გამო თურქეთის სამართალდამცავმა ორგანოებმა 131 პირის დაკავების ორდერი გასცეს, ბოლო ცნობების მიხედვით, მათ შორის 12 დაკავებულია.
დაკავებულებს შორის არიან იმ ნაგებობების კონტრაქტორებიც, რომლებიც მიწისძვრის დროს დაინგრა. მედიის ცნობით, მოსალოდნელია უფრო მეტი პირის დაპატიმრება.
- კონტრაქტორები, თურქი ცოლ-ქმარი, რომლებიც გამოქცევას საქართველოში ცდილობდნენ
სტამბოლის აეროპორტში დააკავეს ცოლ-ქმარი იავუზ ქარაქუში და მისი მეუღლე სევილაი ქარაქუში. ისინი იყვნენ ადიამანში მიწისძვრის შედეგად დანგრეული მრავალი შენობის კონტრაქტორები და თურქული მედიის ცნობით, საქართველოში გაქცევას გეგმავდნენ.
დაკავებულებს თან ჰქონდათ 16 000 დოლარი და 20 ათასი ლირა. აეროპორტში სამართალდამცავებმა შესაბამისი პროცედურები და ჩხრეკა ჩაატერეს, ცოლ-ქმარს ჩაუტარდა სამედიცინო შემოწმებაც, ხოლო შემდეგ იზოლატორში გადაიყვანეს.
დაკავების დროს იავუზ ქარაქუშმა ჟურნალისტებთან კომენტარი გააკეთა და თქვა, რომ მას სინდისი სუფთა აქვს.
"მე სინდისი სუფთა მაქვს, ყველაფერი სწორად გავაკეთე. 44 შენობა ავაშენე, მათგან ოთხი დაინგრა, ყველაფერი რიგზეა“, - განაცხადა პრესასთან იავუზმა.
ის ბრალდებას უარყოფს და ამბობს, რომ მისი ოჯახიც იმ შენობაში ცხოვრობდა, რომელიც თვითონ ააგო.
- თურქეთის იუსტიციის მინისტრის, ბექირ ბოზდაგის განცხადებით, 131 ადამიანის წინააღმდეგ დაწყებულია გამოძიება და საქმე ეხება იმ შენობების კონტრაქტორებს, რომლებმაც ვერ გაუძლეს მიწისძვრას.
აღსანიშნავია, რომ თურქეთის სამშენებლო კოდექსი შეესაბამება მიწისძვრის საინჟინრო სტანდარტებს, ყოველ შემთხვევაში ქაღალდზე, მაგრამ იშვიათად აღსრულდება, სწორედ ამით ხსნიან იმას, რომ ასობით შენობა მიწისძვრის შედეგად დაინგრა.
- ცნობისთვის, ბოლო ინფორმაციით, თურქეთსა და სირიაში მიწისძვრის მსხვერპლთა რიცხვმა 37 000-ს გადააჭარბა.
თურქეთის კატასტროფისა და საგანგებო სიტუაციების მართვის სამსახურის ინფორმაციით, ქვეყანაში სტიქიის შედეგად მინიმუმ 31 643 ადამიანი დაიღუპა, სირიაში კი მიწისძვრის მსხვერპლთა რიცხვი 5 714-მდე გაიზარდა.
იხილეთ ასევე:
- ქალაქი თურქეთში, სტიქიის ზონაში, სადაც არცერთი შენობა არ დანგრეულა - რა გახდა ამის მიზეზი და ვინ არის ერზინის მერი, რომელიც ადგილობრივებისთვის გმირად იქცა
- "ეს ეხმარება იაპონიას, გაუმკლავდეს არაერთ ძლიერ მიწისძვრას, რომელიც გამანადგურებელი იქნებოდა ნაკლებად მომზადებული ქვეყნებისთვის" - როგორ აგებენ იაპონიაში მიწისძვრისადმი გამძლე შენობებს
- "მიწისძვრა ძლიერი იყო, მაგრამ მხოლოდ მისი ძალა არ იწვევს ამგვარ განადგურებას" - რატომ იყო თურქეთის მიწისძვრა ასეთი დამანგრეველი?
00:00 / 00:00
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კარგიტ რა 8 ბალიან მიწისზვრას რომელი შენობა გადაურჩებოდა! უფალმა დაგვიფაროს!
ყველა უგზო-უკვლო საქართველოში გამორბის, ჩვენ კი სხვაგან გავრბივართ