მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ქართველები იმსახურებენ შესაძლებლობებს... არ მავიწყდება მიწები, რომლებიც ჯერ კიდევ წართმეული გაქვთ" - რა თქვა რომის პაპმა საქართველოზე და ქართველებზე
20:35 / 13-02-2023
"არ მავიწყდება ის მიწები, რომლებიც ჯერ კიდევ წართმეული გაქვთ", - ამის შესახებ პაპმა ფრანცისკემ საქართველოზე საუბრისას, ვატიკანში ვიზიტად მყოფ სულხან-საბა ორბელიანის უნივერსიტეტის დელეგაციას განუცხადა.
- პონტიფიკოსის მიმართვის სრულ ტექსტს წმინდა საყდრის ნუნციო საქართველოში, მონსინიორ ჟოზე აველინო ბეტანკური ავრცელებს.
"საქართველოს ისტორია აღსავსეა სიბნელიდან ნათელში გადასვლის ფაქტებით, რამეთუ თქვენი ქვეყანა ყოველთვის ახერხებდა ფეხზე წამოდგომასა და გაბრწყინებას, მაშინაც კი როცა საუკუნეების მანძილზე გამუდმებით ექცეოდა უცხოელი დამპყრობლების ბატონობის ქვეშ. არ მავიწყდება ის მიწები, რომლებიც ჯერ კიდევ წართმეული გაქვთ. მუდამ ხალისიანი და მამაცი, სტუმრისა და სიცოცხლის მოყვარე ერი, ყველაზე შავბნელ პერიოდებშიც კი, სწორედ რწმენისა და კულტურის წყალობით ინარჩუნებდა ოპტიმისტურ განწყობას. ამ მხრივ, მნიშვნელოვანია როლი კათოლიკური ეკლესიისა, რომელმაც ფასდაუდებელი ღვაწლი დასდო ქართველი ერის კულტურასა და ისტორიას”, - აღნიშნა პაპმა.
- შეხვედრისას, კათოლიკური ეკლესიის მეთაურმა განაცხადა, რომ "ქართველები, ახალგაზრდებით დაწყებული, იმსახურებენ ფართო გზასა და შესაძლებლობებს“.
პაპის თქმითვე, "ტიპური ქართული ჰუმანიზმი, მისი განუმეორებლობითა და მიმზიდველობით, ღირსია საყოველთაო დაფასებისა, თავისი ხელოვნებით, მუსიკით და სხვა გამომსახველობითი ფორმებით, რომლებიც კიდევ უფრო გამდიდრდება სხვა კულტურებთან პატივისცემით გამსჭვალული ურთიერთობის შედეგად”.
თბილისის სულხან-საბა ორბელიანის სახელობის უნივერსიტეტის დელეგაციის წევრებისადმი მიმართვისას, პაპმა ფრანცისკემ განათლების მნიშვნელობაზეც გაამახვილა ყურადღება.
- პონტიფიკოსის თქმით, "ხშირად სწორედ დავიწყება და გულგრილობა აბნელებს და განურჩეველს ხდის ყოველივეს ირგვლივ; ხოლო კულტურა და განათლება წარსულის ხსოვნას გვიბრუნებს და შუქს ჰფენს აწმყოს. ეს აუცილებელია ახალგაზრდის და, საერთოდ, მთელი საზოგადოების ზრდისთვის”.
"როგორც შევიტყვე, კეთილშობილ ქართულ ენაში ტერმინი "educazione“ (“აღზრდა”) ჟღერს როგორც "განათლება“. ეს ძალზე საინტერესოა, რადგან მომდინარეობს სიტყვიდან "ნათელი“ და გულისხმობს უვიცობის წყვდიადიდან ცოდნის სინათლისკენ სვლას. აღზრდა თქვენებურად ნათლისკენ მობრუნებაა, განათლების სინონიმია. ეს ძალზე ნიშანდობლივია - ბნელ ოთახში სანთლის ანთებას ჰგავს; არაფერი იქ არსებული არ იცვლება, მაგრამ ყოველი საგანი სხვაგვარად წარმოჩნდება. სწორედ ასეთია თქვენს უნივერსიტეტში მიღებული განათლება, რომელიც ყველაფრის შუაგულში ადამიანის პიროვნულ ღირსებას მოიაზრებს”, - განაცხადა პაპმა ფრანცისკემ.
- გარდა ამისა, პონტიფიკოსმა საქართველოს კათოლიკოს-პატრიარქთან შეხვედრაც გაიხსენა და აღნიშნა, რომ როცა სევდა შემოაწვება, მის მუსიკას უსმენს.
"მახსენდება პატრიარქი ილია - დიდი ადამიანი! როცა სევდა შემომაწვება, მის მუსიკას ვუსმენ, მის სიმღერებს და თავს უკეთ ვგრძნობ! ბრავო! - ღვთისკაცი, რომლის სახესაც ჩემს ლოცვებში ვატარებ და რომლის ძვირფას მუსიკალურ ქმნილებებსაც შთაგონებით ვუსმენ. გულში ვინახავ მასთან შეხვედრებს, განსაკუთრებით, საპატრიარქო ტაძარში, როცა ერთმანეთის გვერდით ვიდექით, ნიშნად ქრისტეს კვართისა, რომელიც სახარებაში აღწერილია, როგორც "არა ნაკერი, არამედ თავიდან ბოლომდე ნაქსოვი“ (იო 19, 23) და რომელიც გადმოცემისამებრ, ეკლესიის ერთიანობას, ქრისტეს სხეულს განასახიერებს. თქვენი უნივერსიტეტი ნათელი მაგალითია კათოლიკეებისა და მართლმადიდებლების ნაყოფიერი თანამშრომლობისა კულტურისა და განათლების სფეროებში. არ მავიწყდება ჩინებული ღვინო, პატრიარქმა ილიამ რომ გამასინჯა - მაგარი, მაგრამ ძალიან კარგი!“, - დასძინა პაპმა.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება იმ მამაკაცის დაკავების კადრები, რომელმაც სიმამრი მოკლა, სიდედრი კი სცემა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საქართლეოს გეო-პოლიტიკური რუქა არის ოდდიგანვე ნიკოფსიიდან დარუბანდამდე და ოვსეთიდან არაგაწამდე. ეს უდაოა და ცხადია. ცხოვრობენ ეთნიკური უმცირესობები ჩვენი ძმები აფხაზები და ოსები მაგრამ ეს საქართველოა.მათ არავინ აგდებს მაგრამ ჩვენი იურისდიქციაა. არაფარ შუაშია სხვა თუმდაც მეზობელი სახელმწიფოები. მათთან ჩვენ მზობლობა და ვფიქრობ სუყველას მეგობრული საქმიანი ურთიერთონბები გვაწყობს. აუცილებელია შეთანხმება ამის თაობაზე და კიდევ დოკუმენტურად დადასტურება. საქართველო მართალია პატარაა მაგრამ აუცილებლად უნდა იყოს ხელშეუხებელი. იმპერიები უნდა იყვნენ თავიანთ ტერიტორიებზე რუსეთი კავკადიონის იქეთ მთავრდება. მსოფლიო ასპარეზზე ყველას გვაწყობს ეკონომიკური მარჟის დასტაბილეტება. ცივილიზავია ასევე ღარიბ და ჩამორჩენილ ქვეყნებშიც ვფიქრობ კარგია. ჩვენ უნდა განვითარდეთ და არ შევწყოტოთ წინსვლა. იტალია ჩვენი მეგობრულად განწყობილი ქვეყანააა. ამავდროულად არსებობს მსგავსება ანუ ადასტურებს წინაპრის ერთობლიობას. ჩვენ უნდა დაიდგეთ ერთმანეთს გვერდით ყველა ობიექტურად, რეალურად და სამართლიანად მოაზროვნე ქვეყნები გვერდით. რათა კაცობრიობა არ გადაშენდეს და გაგრძელდეს ცხოვრება და წინსვლა. ვინაიდან ომში მოგებული არავინაა. ორივე მხარე თუ რამოდენიმე ომობს ყველა წაგებულია რადგან არის დანაკარგები.არ შეილება ჯარისკაცები ან თუნდაც უბრალო ადამიანები შევწიროთ უახროდ აზროვნებას იმის საფუძველზე რომ არის მოძველებული პოლიტიკის მექანიზმი.
ვნახოთ,როგორ გადამიხდი კომპენსაციას ....