"მოვუწოდებ საქართველოს ხელისუფლებას, მიხეილ სააკაშვილი დაუყოვნებლივ გადაიყვანონ ინტენსიური თერაპიის განყოფილებაში" - რასა იუკნევიჩიენე
ევროპარლამენტარი რასა იუკნევიჩიენე საქართველოს ხელისუფლებას მოუწოდებს, რომ საქართველოს ყოფილი პრეზიდენტი მიხეილ სააკაშვილი ინტენსიური თერაპიის განყოფილებაში გადაიყვანონ.
იუკნევიჩიენეს თქმით, სააკაშვილის მდგომარეობამ კრიტიკულ ნიშნულს მიაღწია და შესაბამისად, პოლიტიკური განხილვის დრო აღარ არის.
"პრეზიდენტ სააკაშვილის მდგომარეობამ კრიტიკულ ნიშნულს მიაღწია და ყოველწუთიერად უარესდება.
მოვუწოდებ საქართველოს ხელისუფლებას, უფლება მისცენ, რათა ის დაუყოვნებლივ იქნას გადაყვანილი ინტენსიური თერაპიის განყოფილებაში, რომ მიიღოს საჭირო მკურნალობა. პოლიტიკური განხილვისთვის მეტი დრო აღარ არის“, - განაცხადა იუკნევიჩიენემ.