მნიშვნელოვანი ინფორმაცია
22
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეშვიდე დღე დაიწყება 01:23-ზე, მთვარე კირჩხიბში გადავა 16:28-ზე –
რეკომენდებულია მედიტაცია, საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. გაზრდილია ემოციურობა, კარგია დიპლომატიის დემონსტრირება. გამოიძინეთ. აქტიური ორგანოებია გულმკერდი, ფილტვები, კუჭი, ღვიძლი, ნაღვლის ბუშტი, ნერვული სისტემა. დალიეთ სითხეები მცირე რაოდენობით. არ დალიოთ ალკოჰოლი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ქართველი ხარ, მერაბ, რა გინდა მაგათ გვერდით?! რანაირი ევროპელი შენ ხარ" - მერაბ დვალიშვილის კომენტარი UFC-ის გვერდზე და რეაქციები: რატომ გაიყო საზოგადოების აზრი
22:43 / 30-01-2023
ქართველი მებრძოლი მერაბ დვალიშვილი 12 მარტს კარიერის უმნიშვნელოვანეს შეხვედრას რუსი პიოტრ იანის წინააღმდეგ გამართავს. მერაბი და იანი სუპერმსუბუქი წონითი კატეგორიის მესამე და მეორე ადგილებს ინაწილებენ. შესაბამისად, გამარჯვების შემთხვევაში, დვალიშვილი ტიტულისთვის ბრძოლის რეალურ შესაძლებლობას მოიპოვებს. ნანატრ ოქროს ქამართან არც ერთი ქართველი ჯერ ასე ახლოს არ ყოფილა.
ქართველი მებრძოლი ოქტაგონზე უკომპრომისოა და ქართული საბრძოლო ხელოვნებების ელემენტებს ხშირად იყენებს. მოწინააღმდეგეზე გაუჩერებელი პრესინგი, დგომისა და "თეიქდაუნების" კომბინირებული შეტევები და კარგი ამტანობა მერაბის გამორჩეული მხარეა. 2018 წლიდან დვალიშვილი დაუმარცხებელია. მან ზედიზედ 8 მებრძოლი დაამარცხა. მათ შორის არიან ლეგენდარული ბრაზილიელი ჟოზე ალდო და სუპერმსუბუქი დივიზიონის ერთ დროს დაუნდობელი, მარლონ მორაესი, რომელსაც მერაბმა, სხვათაშორის, ნოკაუტით სძლია.
თუმცა მერაბ დვალიშვილი მხოლოდ მისი წარმატებული სპორტული კარიერის გამო არ უყვართ. დვალიშვილი ყოველთვის ძალიან ცდილობს საქართველოს, მისი წარსულის ღირსების ხაზგასმასა და ამჟამინდელი გამოწვევების აფიშირებას. მერაბი ამას აკეთებს ოქტაგონზე, პრესკონფერენციებზე, სხვადასხვა ინტერვიუებში. ასევე დვალიშვილი უკრაინის დიდი მხარდამჭერია და პარალელებს ავლებს საქართველოსა და უკრაინაში რუსეთის აგრესიას შორის. ის რუსულ ოკუპაციაზე სასაუბროდ ყველა შესაძლებლობას იყენებს და ცდილობს მთელ მსოფლიოს გააგონოს ხმა.
- ისტორიული და პოლიტიკური კონტექსტის გარდა, მერაბი ყოველთვის აქცენტს აკეთებს კულტურულ ნაწილზე. ფაფახი და ჩოხა მისი მებრძოლი ტიპაჟის დამახასიათებელი ატრიბუტებია. ჟოზე ალდოსთან ბრძოლისწინა პრესკონფერენციაზე დვალიშვილი ჩოხით გამოცხადდა და განაცხადა:
მადლობა UFC-ის, რომ ჩოხის ჩაცმის უფლება მომცა. ჩოხა - ქართული ტრადიციული ტანსაცმელია. ქართველი მოცეკვავეები ჩოხით ცეკვავენ.
მოგვიანებით, დვალიშვილმა საქართველოს ფორმის კულონი დაანახა ჟურნალისტებს და უთხრა:
"ეს ჩემი ქვეყანა საქართველოა. 2008 წელს რუსეთმა სამაჩაბლოს ნაწილი წაგვართვა. როცა მე დავიბადე 1991 წელს, მათ ეს ნაწილი (რუკაზე აფხაზეთს აჩვენებს) აფხაზეთი წაგვართვა. კიდევ ერთხელ გავიმეორებ, რუსეთს საქართველოს 20% აქვს ოკუპირებული. ახლა რუსეთი იგივეს ცდილობს უკრაინაში. იმედია, ეს მალე დასრულდება, ეს სიგიჟეა. ხალხი კვდება და ვერაფერს აკეთებ.“
რამდენიმე თვის შემდეგ, მებრძოლს სტალინზეც მოუწია საუბარი.
"იოსებ სტალინის პოლიტიკა არასწორი იყო. ის ცუდი ადამიანი იყო, ხოცავდა ხალხს. მე ის არ მიყვარს, არ ვამაყობ სტალინით", - თქვა სპორტსმენმა.
- მერაბმა უკრაინის ომი სულ ახლახან, კიდევ ერთხელ გაიხსენა, როდესაც High Rollerz BJJ ტურნირზე გამარჯვება მოიპოვა. მან უკრაინასა და საქართველოს შორის პარალელი კვლავ გაავლო.
"მინდა უბრალოდ ვთქვა - მშვიდობა. დღეს ყველამ ვიცით, რომ რუსეთი უკრაინის აღებას ცდილობს. ისინი იმავეს აკეთებენ, რაც ჩემს ქვეყანას, საქართველოს გაუკეთეს.
21-ე საუკუნეში ჩვენ გვინდა მშვიდობა და არა ომი. არ გვინდა უკან საბჭოთა კავშირში დაბრუნება. ჩვენ გვჭირდება თავისუფლება. საქართველო და უკრაინა ევროპისა და აშშ-ის მეგობრები არიან. ჩვენ დამოუკიდებელი ქვეყნები ვართ, გვაქვს ჩვენი კულტურა და ტრადიციები. არ გვინდა ომი.
ჩვენ ახლა აქ ვართ შეკრებილები, კარგი საღამო გვაქვს, ვშრომობთ, ვერთობით, უკრაინაში კი ადამიანები კვდებიან, ამ ყველაფერს რუსეთის მთავრობა აკეთებს. რუსეთი კორუმპირებული ქვეყანაა. ამის თქმა მინდოდა, ეს მაწუხებდა", - აღნიშნა დვალიშვილმა.
- 24 დეკემბერს UFC-იმ "ფეისბუქის" გარეკანი განაახლა, სადაც ევროპელი მებრძოლები იყვნენ გამოსახული. აღსანიშნავია, რომ ქართველი მებრძოლებიდან არავინ იყო. სურათზე კი მერაბმა რამდენიმე დღის წინ კომენტარი დატოვა და ორგანიზაციას დაუწერა, რომ ისიც ევროპელია და სადმე მისი ფოტოც უნდა იყოს.
მერაბ დვალიშვილის კომენტარის თითქმის 5 ათასი მოწონება აქვს. თუმცა ქართულ საზოგადოებაში მაინც გამოჩნდნენ ადამიანები, რომლებმაც დვალიშვილის კომენტარი დაიწუნეს.
მერაბ დვალიშვილო, ქართველები არ ვართ ევროპელები, ჩვენ კავკასიელები ვართ უფრო!
შენ კარგი მებრძოლი ხარ, მერაბ, მაგრამ ჯერ კარგი ქართველობა ჯობია. მაგ ჩოხას და ქართულ სამოსს ევროპელის რა უნახე?! კავკასიელი ხარ შენ. ვანელო, უძველესი რასა და მოდი, ნუ იევროპელებ, კაი?! წარმატებებს გისურვებ, იანი შუაზე გააპე... აი, ეგაა ევროპელი
მერაბ, თქვენ ქართველი ხართ და ეს უფრო მეტია, ვიდრე ევროპელობა
შენ ქართველი ხარ, მერაბ. რა გინდა მაგათ გვერდით?! შენ მაგათგან ცალკე და მაღლა უნდა იდგე ყოველთვის
რანაირი ევროპელი შენ ხარ?! ქართველი, კავკასიელი, ქართველობა საამაყოა და არა სათაკილო. გახსოვდეს, ვისი გორისა ხარ
გამოჩნდნენ ისინი, ვინც მომხმარებლებს უხსნიდნენ, რომ საქართველო ნამდვილად ევროპაა:
"ამდენი უცოდინარი თუ იყო საქართველოში, არ მეგონა! კავკასია რეგიონია და ევროპის ნაწილია! სწორედ თქვენნაირი უცოდინრები არიან ადვილი სამართავნი, რომელთაც რუსული პოლიტიკის გატარება სურთ! ახლა ალბათ, ამაზეც გაიცინებთ, ალბათ ესეც არ იცით, რომ ევროპაში უმაღლეს მწვერვალად იალბუზის მთას მოიაზრებენ და აბა გამოიცანით, სად მდებარეობს?! დიახ, კავკასიაში...ყაბარდო-ბალყარეთში.“
"ხალხს კავკასია კონტინენტი ჰგონია."
"ევროპის ხსენებაზე როგორ აქტიურდებიან ეს ორკები", - წერენ კომენტარებში.
ცნობისთვის, მერაბ დვალიშვილი მომავალ ბრძოლას 12 მარტს, რუსი პიოტრ იანის წინააღმდეგ გამართავს.
ავტორი: ანრი კურტანიძე
მკითხველის კომენტარები /
54 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
თბილისის საკრებულოსთან ავტომობიკებისა და ბაიკების მძღოლებმა საპროტესტო აქცია გამართეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კონსტანტინე გამსახურდიამ ეგ ციტატა 100 წლის წინ დაწერა, და თუ რომელიმე ქართველი მაშინდელ და ეხლანდელ სიტუაციას ვერ ანსხვავებს ერთმანეთისაგან ეს ამ ქართველის პრობლემაა, მაგრამ მოდით ვიყოთ გულახდილი, რატომ დასჭირდათ ამ ქართველებს თავისი იდენტობის დამტკიცება ევროპისაგან განდგომით იმიტომ, რომ რუსეთი დარჩეს მხოლოდ არჩევანისთვის და სხვა არაფერი. ეს რუსოფილური პოლიტიკის ძველი ხერხია. ქართველთა იდენტობას ბოლო 200 წელია მხოლოდ რუსეთი ემტერება და არა ევროპა და დასავლეთი, იგივე გამსახურდიას ნაწერები კარგად წაიკითხეთ და ამას ადვილად დაინახავთ.
კავკასია არის ევროპის ფუძე. მარტო ბასკები რომ ავიღით მათ სხვებთან შედარებით შეინარჩუნეს იდენტობა და ძალიან გვა