მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ დავუბრუნდეთ სამუშაოს დასვენების შემდეგ? – 5 რჩევა პროდუქტიულობის გასაზრდელად
10:28 / 30-01-2023
ყველაფერი კარგად მიდის, ვიდრე გააცნობიერებთ, რომ ეს თქვენი დასვენების ბოლო დღეა? თუ ეს დაგამშვიდებთ, გეტყვით, რომ თქვენ მარტო არ ხართ. შვებულებისა თუ დასვენების დღეების შემდეგ სამსახურში დაბრუნება ადამიანების უმეტესობას არ უყვარს და ეს უჩვეულო ფენომენი სულაც არაა.
აღნიშნული საკითხი მკვლევრებმა ბევრჯერ შეისწავლეს. ერთ-ერთი კვლევით დადასტურდა, რომ გონებრივად მომუშავე ადამიანების 87% შვებულების შემდეგ სამსახურში დაბრუნების პირველ დღეს სრულ გონებრივ გადაწვას განიცდის.
აღნიშნულის ახსნა რთული არაა. შვებულების დროს ხომ ადამიანს მეტი შესაძლებლობა აქვს, აკეთოს ის, რაც უყვარს და სურს, ხშირად არეული აქვს დღის განრიგი, გვიან იძინებს და გვიან იღვიძებს, იღებს ჩვეულზე მეტ ალკოჰოლს, ხარჯავს ბევრ ენერგიას. ამ ყველაფერთან გამომშვიდობება და სამსახურში დაბრუნება კი მარტივი ნამდვილად არ არის.
მდგომარეობას ისიც ამძაფრებს, რომ ამ მომენტში ადამიანი ფიქრობს, თუ რამდენი საქმე დაუგროვდა გასაკეთებელი შვებულების დროს, შვებულებამდე დაწყებული და დაუსრულებელი პროექტები წარმოუდგება გონებაში და მისთვის იმაზე ფიქრიც კი უსიამოვნოა, რომ სანაპიროზე ან სხვა მისთვის საყვარელ ადგილზე ყოფნის ნაცვლად მთელი დღე სამუშაო მაგიდასთან უნდა გაატაროს.
დასვენების შემდეგ სამსახურში დაბრუნების პირველი დღე რომ გაგიმარტივდეთ და უფრო სასიამოვნო გახდეს, რამდენიმე რჩევას გთავაზობთ:
წინასწარ დაგეგმეთ სამსახურში დაბრუნების პირველი დღე
მნიშვნელოვანი საქმეების დასრულება არ მოიტოვოთ შვებულებაში გასვლამდე ბოლო დღისთვის. ასე უზრუნველყოფთ, რომ დაბრუნების პირველ დღეს ნაკლები დაუსრულებელი საქმე გქონდეთ. შვებულების ბოლოს კი 15 წუთი დაუთმეთ შემდეგი დღის საქმეების დაგეგმვას. შეადგინეთ to-do-list - შესასრულებელი საქმეების სია - რომელშიც საქმეებს პრიორიტეტულობის მიხედვით ჩამოწერთ. პირველივე დღეს ნუ გააკეთებთ ისეთ საქმეებს, რომლებიც ძალიან აუცილებელი არაა. დაგეგმვით თქვენი გონება მეტ-ნაკლებად შეეჩვევა, რომ შემდეგ დღეს საქმე გაქვთ გასაკეთებელი და ნაკლებად დაგეზარებათ.
გამოიყენეთ მოტივაციის გასაზრდელი სხვადასხვა საშუალებები
მცირე დეტალები ხშირად დიდად ცვლის განწყობასა და მოტივაციას. მაგალითად, ასეთია სურნელი. ზოგადად, ყნოსვა ყველაზე ძლიერი შეგრძნებაა და სურნელი ტვინის ქმედებაზე გავლენის მოხდენის საუკეთესო საშუალებაა. სწორედ ამიტომ არომატი, რომელსაც შეიყნოსავთ, გაზრდის შრომისუნარიანობას, აგიმაღლებთ მოტივაციას და დაგეხმარებათ, თამამად დაისახოთ დიდი მიზნები როგორც საქმიანობაში, ისე პირად ცხოვრებაში. West Coast Institute of Aromatherapy-ის დამფუძნებელი ბევერლი ჰოპკინსი აღნიშნავს, რომ სურნელის ერთ ღრმა ინჰალაციასაც კი შეუძლია გონებასა და სხეულში ბევრი პოზიტიური ცვლილების გამოწვევა. მაგალითად, ის ააქტიურებს იმუნურ სისტემას, არეგულირებს წნევას და ასტიმულირებს საჭმლის მომნელებელ სისტემას.
იმისათვის, რომ დასვენების შემდეგ მეტი მოტივაციით შეუდგეთ საქმიანობას, მნიშვნელოვანია სწორად შეარჩიოთ არომატიც. ამ მიზნით ყველაზე ხშირად შემდეგ სურნელებს იყენებენ: ხის ნოტები, კედარის ხე, ციტრუსები, ციმბირის ფიჭვი,ამბერი, ევკალიპტი და ა.შ.
მათ შორის ყველაზე პოპულარული ციტრუსების სურნელი ზრდის კონცენტრაციის უნარს ხოლო ევკალიპტს აქვს დამამშვიდებელი მოქმედება. მაგალითად, როდესაც სამსახურებრივ გამოწვევასთან გამკლავება გიჭირთ, ჩართეთ სურნელის გამაფრქვეველი მოწყობილობა [mt1] ზემოთ ჩამოთვლილი ინგრედიენტების ერთობლიობით და სურნელი მღელვარებისა და ბრაზის დარეგულირებაში დაგეხმარებათ.
სურნელის გამაფრქვეველი აპარატების, ასევე სურნელოვანი სანთლებისა და ჩხირების ყველაზე დიდი არჩევანი საქართველოში აქვს კომპანია „არომაკოს“, რომელიც დაგეხმარებათ თქვენთვის სასურველი სურნელის შერჩევაში როგორც სახლის, ასევე სამსახურისთვის.
ოფისში მიიტანეთ შვებულების სამახსოვრო ნივთი
როდესაც შვებულებიდან დაბრუნდებით, წამოიღეთ სამახსოვრო სუვენირი, რომელსაც ოფისში მიიტანთ. ეს შეიძლება იყოს პატარა პოსტერი, ჭიქა ან ჭიქის სადგამი, ფოტოკოლაჟი, კალამი ან ნებისმიერი სხვა რამ, რაც დასვენების სასიამოვნო მომენტებს გაგახსენებთ. კვლევებით დადასტურებულია, რომ დასვენებისა და თავგადასავლების გახსენება, სამახსოვრო ნივთების ხშირად შეხედვა განწყობას მნიშვნელოვნად ამაღლებს და მოტივაციასაც მატებს.
შვებულების დასასრულს მოიტოვეთ ერთი თავისუფალი დღე
შვებულების ან დასვენების დღეებში ქალაქგარეთ გასულები, სამსახურში დაბრუნების წინა ღამეს ნუ დაბრუნდებით სახლში. მოიტოვეთ ცოტა დრო სახლში დასასვენებლად, ნივთების ამოსალაგებლად, თავის მოსაწესრიგებლად, უბრალოდ იმის გასააზრებლად, რომ დასვენება დასრულდა და ახლა საქმეს განახლებული ძალებით უნდა შეუდგეთ.
შვებულების შემდეგ პირველივე დღეს სრული დატვირთვით ნუ იმუშავებთ
ფსიქოლოგები გირჩევენ, რომ შვებულების შემდეგ სამსახურში დაბრუნებულებმა პირველ დღეს სრული დატვირთვით არ იმუშაოთ. რელაქსაციისა და გართობის პერიოდიდან სრულად სამუშაო პერიოდზე გადასვლა რეკომენდებული არ არის. თუ სამსახური საშუალებას გაძლევთ, ნახევარი დღე იმუშავეთ. თუ აღნიშნულის შესაძლებლობა არ გაქვთ, ეცადეთ დღის განმავლობაში რამდენიმე შესვენება მოიწყოთ, ბევრი ეკონტაქტოთ კოლეგებს და შედარებით მარტივი დავალებები შეასრულოთ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
