მნიშვნელოვანი ინფორმაცია
19
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ისე გამომივიდა, ჭრიჭინაში რომ ამბობს მარინე, მეც აღმოვთქვი: ქაქუცას ფოტოები?!" - როგორ მიაკვლია ეროვნული ბიბლიოთეკის თანამშრომელმა ქაქუცა ჩოლოყაშვილის ნაკლებად ცნობილ ფოტოს
20:12 / 29-01-2023
საქართველოს პარლამენტის ეროვნული ბიბლიოთეკის საბიბლიოთეკო რესურსების დეპარტამენტის დირექტორი ლევან თაქთაქიშვილი სოციალურ ქსელში ქაქუცა ჩოლოყაშვილის ნაკლებად ცნობილ ფოტოს აქვყნებს და წერს როგორ მიაკვლია საქართველოს ეროვნული გმირის ფოტოს.
"პარიზიდან მოვფრინავ! კმაყოფილი ვარ.სულ მცირე, 6 წელი ველოდი ამ ფოტოს ნახვას! მეტიც! ყველაფერი იმით დაიწყო, რომ 10 წლის წინ ჩემმა მეგობარმა გიორგი მამულიამ მითხრა: დანა ამილახვრის ალბომები ვნახე და იქ იყო ქაქუცა ჩოლოყაშვილის ფოტოები, რომლებიც ერთმა რუსმა კოლექციონერმა ამოხია და დანა ამილახვარი ამ ფოტოებს აღარავის ანდობსო. იქ მაინც დარჩა ქაქუცას ფოტო, მაგრამ დანა უარზეაო. მას მერე ქალბატონი დანა გარდაიცვალა, დავიწყე მის შვილთან კავშირების გაბმა.
ცუდად იყო დანას ქალიშვილი. ისიც ისე გარდაიცვალა, რომ მხოლოდ წერილობითი ურთიერთობები დარჩა იმეილის არქივში.არ მოვეშვი და დავიწყე დანას შვილიშვილის მოძიება. ვის არ ვთხოვე-ქალბატონ მანანა თაქთაქიშვილს, ჩემს ნათესავს და ფიგურას საფრანგეთის ქართულ ემიგრაციაში, ქალბატონ სალომე ზურაბიშვილს, საქართველოს ელჩს საფრანგეთში ბატონ გოჩა ჯავახიშვილს, ბოლოს და ბოლოს გადაწყდა: დამპატიჟეს ამ არქივის სანახავად, მაგრამ... არ გქონდეს იმედიო, არაფერი მნიშვნელოვანი არ იქნება-ერთი პატარა ჩემოდანიაო.
მე მაინც იმედი მქონდა: პატარა ჩემოდანში შესაძლებელია, ყოფილიყო ალბომები, მაგრამ რა დაგემართება, როცა შეხვედრაზე გამოგიტანენ დიპლომატის ჩემოდანს, ხელის კანკალით გახსნი და... უმნიშვნელო დოკუმენტები. ფოტოები? ვკითხე პატრონს... ისე გამომივიდა, ჭრიჭინაში რომ ამბობს მარინე: ვაშლი, მიჩურინის ვაშლი! მეც აღმოვთქვი: ქაქუცას ფოტოები?
ბატონი გოჩა ჯავახიშვილი თანაგრძნობით მიყურებს, მირიან ხოსიტაშვილიც, ქალბატონი მანანაც, რომლებიც ესწრებიან ამ შეხვედრას, გუშინდელს! - სადმე ხომ არ შეიძლება გქონდეთ შენახული ქალბატონი დანას არქივი? ვეკითხები... ქალბატონი დანას შვილიშვილს! უთარგმნიან. სახეზე ვატყობ, შეყოვნდა... ბატონი გოჩა მეკითხება, დანამდვილებით იცი, რომ ჰქონდაო, მამულიამ ნახა-მეთქი და უცებ : სარდაფში მაქვს რაღაცები, მაგრამ ჭუჭყია იქო. ვნახავ მეთქი. ჩავედით სარდაფში მე და მირიანი. ჩანთები! ერთ ჩანთას აწერია: foto! ალბომებიც იქ არის! არის! არის!
დანა ამილახვრის შვილიშვილი ქალბატონი ღიმილით მიყურებს. არქივს გვაჩუქებს, დანა ამილახვრის ფოტოებს გვათხოვებს! ერთი სული მაქვს, სასტუმროში მივიდე!
შევრბივარ ოთახში და ვათვალიერებ ალბომს. აი, ქაქუცა! ალბომში სხვა ქართველებიც არიან -ალექსანდრე სულხანიშვილი, ბაგრატიონ-მუხრანელები. პირველი მამულიას ვურეკავ და ვაგებინებ ამ ამბავს, ფოტოსაც ვუგზავნი! დასტურია! ისაა! აბა გადაამოწმე - ამ ალბომში წულუკიძის ფოტოს ადგილი უნდა იყოს ფრანგული წარწერით, ფოტო კი ამოხეულიაო. ასეა!!
რა მეხსიერება აქვს ამ მამულიას! ეს იყო და ეს,.
ხვალ ეროვნულ ბიბლიოთეკაში მივიტან ამ არქივს. ვინ იცის, იქ რა დამხვდება! უპირველესი მადლობა დანა ამილახვრის შვილიშვილს, ქალბატონ ფლორანსს ნდობისათვის და ჩემს გამგებ და გვერდში მდგომ ყველა ადამიანს, რომელიც ამ საქმეში დამეხმარა! აი, ფოტოც!“ - წერს სოციალურ ქსელში ლევან თაქთაქიშვილი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს არ აჩვენოთ განათლების მინისტრს, თორე იტყვის ხომ ვამბობდი ხიხო ექვთიმეაო