მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
პარასკევი, მთვარის მესამე დღე დაიწყება 06:24-ზე, მთვარე ლომში გადავა 10:09-ზე – ენერგიული დღეა. მოქმედების დროა, ხელსაყრელია ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. აქტიური ორგანოებია გული, სისხლის მიმოქცევის სისტემა, არტერიები, ზურგი, დიაფრაგმა. ცილები და ხილი კარგად შეიწოვება. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მთელი ოჯახი გაიყინა, მათ შორის ბავშვები... ადამიანები ფაქტობრივად, მიწაზე ცხოვრობენ" - შიმშილი და ყინვა ავღანეთში, რომელმაც ათობით ადამიანი იმსხვერპლა
09:30 / 29-01-2023
ვითარებას, რომელიც ავღანეთში "თალიბანის" ხელისუფლებაში მოსვლის შემდეგ შეიქმნა, სულ უფრო მეტი ადამიანის სიცოცხლე ეწირება. ბოლო ხანებში კი ამ ყველაფერს თან ერთვის შიმშილი, ავადმყოფობა და ანომალიური სიცივეც.
დასავლური მედიის ცნობით, 10-26 იანვრამდე, ავღანეთში ტემპერატურა მინუს 34 გრადუსამდე დაეცა, რასაც 162 ადამიანი შეეწირა. რამდენიმე დღით ადრე თალიბები იტყობინებოდნენ, რომ ყინვებს 70 ათასამდე სული საქონელი ემსხვერპლა, რაც ნიშნავს, რომ ქვეყანაში საკვების დეფიციტი კიდევ უფრო გამწვავდება.
სიცივით დაღუპულთა უმრავლესობა მწყემსები და სოფლად მცხოვრები ადამიანები არიან, რომლებსაც უმძიმეს პირობებში უწევთ ცხოვრება და ვერ სარგებლობენ სამედიცინო მომსახურებით.
"მთელი ოჯახი გაიყინა, მათ შორის მცირეწლოვანი ბავშვები... უამრავი ოჯახი ფაქტობრივად, გადაუხურავ შენობებში, პირდაპირ მიწაზე ცხოვრობს. საცხოვრებელი სახლების უმეტესობა ისეთია, რომ სითბოს არ ინარჩუნებს", - წერს დასავლური მედია.
news.zerkalo.io-ს ცნობით, ადგილობრივები ტექნიკის არარსებობის გამო, ვერაფერს უხერხებენ მოყინულ ქუჩებს. სატრანსპორტო ტრასაზე ვერ გადაადგილდებიან ავტომანქანები და ქვეითები. უამრავი ადამიანი, რომლებსაც სხვა გამოსავალი არ ჰქონდა და ამ გზაზე სიარული გარისკა, დაიმტვრა.
მოსახლეობას, ასევე სასიცოცხლოდ მნიშვნელოვან ობიექტებს, მათ შორის სამედიცინო დაწესებულელებს, არ მიეწოდება წყალი. ადგილობრივები იძულებულნი არიან, სასმელი წყალი შეიძინონ, მაღაზიებში შეხვდებით ცოცხალ რიგს, სადაც ბიდონებს ავსებენ, თუმცა წყლის ყიდვისთვის საჭირო თანხაც ყველას არ აქვს.
"ტრაგედია ამით არ ამოწურულა - დიდთოვლობის გამო, ავღანეთის არაერთი რაიონი მოწყვეტილია გარესამყაროს. იყო შემთხვევები, როცა მანქანები თოვლში ეფლობოდა და გზად ჩარჩენილი ხალხი იყინებოდა. მთავრობის განცხადებით, მათ სამხედრო ვერტმფრენები გაგზავნეს მოქალაქეთა გადასარჩენად, მაგრამ მთიან რეგიონებში ვერტმფრენების მუშაობა შეუძლებელი აღმოჩნდა.
პროვინციების გარდა, უმძიმეს მდგომარეობაშია ქაბულის მოსახლეობაც. მათ არ აქვთ გათბობა, ვერ ყიდულობენ შეშას და პურს. ამიტომ ქუჩებში აგროვებენ პლასტმასის ნივთებს, ნაგვის ურნებში ეძებენ საკვებს და ისეთ საგნებს, რომელთა დაწვაც შეიძლება. ასეთ დროს, ყველაზე დაუცველი ბავშვები და მოხუცები არიან", - წერს BBC.com.
გამოცემის ინფორმაციით, საერთაშორისო ჰუმანიტარულმა ორგანიზაციებმა შეწყვიტეს ავღანეთში ფუნქციონირება იმის გამო, რომ "თალიბანის" ხელისუფლებამ ქალებს უმაღლეს სასწავლებლებში სწავლა და არასამთავრობო ორგანიზაციებში მუშაობა აუკრძალა. რამდენიმე დღის წინ, ასევე ცნობილი გახდა, რომ ქალებს პარკებში სიარულიც აეკრძალათ.
"რაც შეეხება უმაღლეს სასწავლებლებს, "თალიბანმა" მის შესასვლელებთან დაცვა დააყენა, რათა გოგონებმა უნივერსიტეტში შესვლა ვეღარ შეძლონ. ყველაფერი იმისკენ მიდის, რომ მალე სახლიდან გამოსვლას აგვიკრძალავენ. რაც დრო გადის, ვითარება სულ უფრო აუტანელი ხდება. იზრდება ლუკმა-პურისთვის ბავშვების გაყიდვის შემთხვევები, რათა ოჯახებმა თავი გაიტანონ", - წერს გამოცემა.
ადგილობრივი გოგონების თქმით, "თალიბანის" მთავრობისთვის უმძიმესი სოციალური ფონი არ არის პრობლემა, მათთვის მთავარია, გოგონების სწავლა არ დაუშვან. ამის ასაკრძალად სამხედრო მანქანები ჰყავთ ქუჩებში გამაგრებული, რათა ქალები ლექციაზე არ შეიპარონ.
"სამხედროები უხეშად გვეუბნებიან - ქალებო, დაბრუნდით სახლებში, თქვენ უკვე აღარ გაქვთ სწავლის უფლებაო. გოგონა, რომელმაც გაბედა და იმ კედელთან გადაიღო ფოტო, სადაც წერია, მე ვბრუნდები სასწავლებელში, რადგან განათლება ყველაფერზე მნიშვნელოვანია, ყველას თვალწინ გაროზგეს. ვცადეთ პროტესტი, მაგრამ ხელისუფლება უკვე რადიკალურ ზომებს მიმართავს და ხალხი შეშინებულია. რამდენჯერმე დაგვარბიეს, ამიტომ აქციაზე გამოსვლას ბევრი ვერ ბედავს. აქ მხოლოდ ქალების ეშინიათ, არა უშავს, თუ შიმშილი, სიცივე, ავადმყოფობა და უბედურება იქნება, მთავარია, გოგონებმა არ ისწავლონ", - ამბობს ადგილობრივი.
საგანგებო დახმარების საკითხებში გაეროს კოორდინატორმა, მარტინ გრიფიტსმა ავღანეთში ვიზიტისას განაცხადა, რომ ორგანიზაცია ცდილობს, გამონაკლისის დაშვებას, რადგან ქვეყანაში კატასტროფული კრიზისია და 28 მილიონამდე ავღანელი პირველადი მოხმარების სასიცოცხლო სურსათის გარეშეა, ექვსი მილიონზე მეტი კი, "შიმშილის ზღვარზეა“ და არ შეიძლება ასე გაგრძელდეს.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეხლა აღარ გინდათ ამერიკაააააა
არა და რა აწყობილი ქვეყანა დატოვა აშშ-მ, მედიცინა ,განათლება , კულტურა უმაღლეს დონეზე. რამდენი ავღანელი იყო დასაქმებული ამერიკულ საწარმოებში ,რამდენი ავღანელი სწავლობად ამერიკელების გახსნილ უნივერსიტეტებში. ვერ შეიშნოვეს. ჩვენც ვერ ვაფასებთ იმ 4 მილიარდს, 30 წლის განმალობაში რაც მოგგვცეს.