მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გიგას ბრძოლა - “მეც ვიყავი ასე, არ არის ადვილი იყო გამოკეტილი, გარემოებებმა მაიძულა, რომ გამეღწია ამ სივრციდან..."
15:02 / 26-01-2023
როგორც ამბობს, აქვს მკაფიო მიზანი, რომელიც ყველა მის (და ბევრის) ოცნებას აერთიანებს, ამიტომ დაკარგულად მიიჩნევს ყოველ დღეს, საათსა და წუთს, რომელიც მიზანთან დაახლოებას არ ემსახურება. მიზანი კი ისაა, უნარშეზღუდული ადამიანებისთვის საქართველოში პირველი ცენტრი შექმნას, რომელიც ხელს შეუწყობს შშმ პირების საზოგადოებაში ადაპტირება-ინტეგრაციას და, უბრალოდ, ცხოვრების გალამაზებას. “მეც ვიყავი ასე, არაა ადვილი იყო გამოკეტილი, გარემოებებმა მაიძულა, რომ გამეღწია ამ სივრციდან და მერე მომეწონა“, - ამბობს ციფრული მარკეტინგის სპეციალისტი გიგა (გურამ) აბულაძე, რომელსაც ამ მნიშვნელოვანი ინიციატივის ხორცშესხმაში თანადგომა სჭირდება.
- მთელი ცხოვრებაა ვიბრძვი, რომ რაღაც შეიცვალოს და არა მარტო ჩემთვის, მინდა შშმ პირებისთვის ხელმისაწვდომი გარემო შევქმნა. 15 წელია, რაც ვმუშაობ, უკვე მანქანა ვიყიდე, ჩემი ნატვრები ჩემით ავიხდინე და ახლა მინდა, სხვებს შევუწყო ხელი განათლებაში, დასაქმებაში, შევქმნა გარემო, სადაც უნარშეზღუდული ადამიანები დამოუკიდებლად გადაადგილდებიან, იქნება შეკრებები, ერთად ვისწავლით, რაღაცას შევქმით, გვექნება ყოველდღიური კომუნიკაცია, უბრალოდ, ამ ადამიანებს სახლიდან გამოვიყვან. ზოგი დამოუკიდებლად ვერ გადაადგილდება, მშობელი, ან ახლობელი დაჰყვება, უჭირთ ფსიქოლოგიურად და მინდა, მათ ჩემი ტრანსპორტით, ჩემი ადაპტირებული გარემოთი და ასისტენტებით დავანახო, რომ ეს შეუძლიათ - მე რომ მათ 2-ჯერ მოვიყვან, მესამედ თვითონ მოვლენ, მიხვდებიან, რომ შეუძლიათ. მეც ვიყავი ასე, არაა ადვილი იყო გამოკეტილი, გარემოებებმა მაიძულა, რომ გამეღწია ამ სივრციდან და მერე მომეწონა...
ყველაფერი დაიწყო იდეით, სურვილით, მიზნით ჩემთვის და ჩემი პატარა ძმისთვის (იდენტური დაავადება აქვს) სრულიად ადაპტირებული სახლი ამეშენებინა.
მერე ჩაერთნენ ჩემი მეგობრები, დაიწყო ჩემი მიზნის გახმაურება და ფართო საზოგადოებაზეც გავედით. დღეს უკვე შეგროვებულია 48 000 ლარამდე, გვყავს 2000 მხარდმჭერი, მათი დახმარებით ავაშენებთ სხვადასხვა შეზღუდვის მქონე ადამიანებისთვის სრულიად ადაპტირებულ სახლს, რომელიც მოხმარდება შშმ პირების განათლების და დასაქმების ხელშეწყობას. ასეთი პროექტი საქართველოში პირველია და მინდა, ნებისმიერი უნარის შეზღუდულებისთვის მორგებული გარემო შევქმნა. ვიცი, რთულ საქმეს შევეჭიდე, ბევრი წინაღობა და პრობლემაა, მაგრამ როგორც იქნა, მივედით იმ ეტაპზე, რომ შეიძლება ეს საქმე მოგვარდეს.
- რაში მდგომარეობს სირთულე და როგორ შეიძლება მისი დაძლევა?
- პრობლემა ისაა, რომ როცა ჩემი დანაზოგით ლისზე მიწა შევიძინე, ბევრი დეტალი არ ვიცოდი, არ მქონია შეხება მასალებთან, სამწუხაროდ, აღმოჩნდა, რომ ეზო არ გვაქვს სათანადო, ამდენი პროექტირების შემდეგ მივედით იმ დასკვნამდე, რომ ლისზე, ჩემს ნაკვეთში არსებულ რელიეფზე (6 მეტრიანი დახრებით) შეუძლებელია სრულიად მისაწვდომი, ადაპტირებული გარემოს შექმნა, ეზოს უმეტესი ნაწილის ათვისებას ვერ ვახერხებთ. სწორედ ამიტომ მომიწევს მივიღო ჩემთვის ძალიან მტკივნეული გადაწყვეტილება და გავყიდო ეს მიწის ნაკვეთი, მით უმეტეს, რომ მეზობლად იყიდება პროექტისთვის გაცილებით შესაბამისი ზომისა და ფორმის ნაკვეთი, იდეალური რელიეფით. ამ პროექტის განხორციელება ჩემი პასუხისმგებლობაა, Giga's Hub მხარდამჭერებითა და შემოწირულობით აშენდება და აუცილებლად უნდა მივიღოთ უნივერსალური სივრცე, სადაც თითოეული ვიზიტორი იგრძნობს დამოუკიდებლობას, აღჭურვილი იქნება პანდუსებით, რომლის დახრაც არ აღემატება 1 შვეულ ერთეულს 12 თარაზულ ერთეულთან, გამოყოფილი ტაქტილური ბილიკები და სხვა… ცენტრში შშმ პირები რეგულარულად შეძლებენ შეკრებას, საკუთარი უფლებების გაცნობას და კოორდინაციას, უფასო მასტერკლასებით და ტრენინგებით სარგებლობას, მუდმივ განვითარებას, მიიღებენ ფორმალურ და არაფორმარული განათლებას, დასაქმდებიან…
დარწმუნებული ვარ, ამ პროექტის, იდეის და მიზნის გულშემატკივრები კიდევ ერთხელ გაერთიანდებიან და გვერდში დამიდგებიან ამ საქმეში, რომელსაც ბევრი განსხვავებული საჭიროების მქონე ადამიანი ელოდება. ჩემი ამოცანაა, რაღაც მინიმალური გავაკეთო, დავიწყოთ შავი კარკასით. რაც შეეხება სპონსორებს, არის რამდენიმე კომპანია, ვისთანაც მაქვს კომუნიკაცია და ისინიც ელოდებიან, რა და როგორ დალაგდება, მთავარია, ჯერ მიწა გაიყიდოს, რასაც დრო სჭირდება.
- თუ გაქვთ სტატისტიკა, რამდენი შშმ პირია საქართველოში და რა პრობლემების წინაშე დგანან ისინი?
- სახელმწიფო საერთოდ არ ითვლის, რამდენი შშმ პირია ქვეყანაში და ვის რა შეზღუდვა აქვს, ერთნაირად განიხილება ჩემნაირიც და ისიც, ვისაც ნეკა თითი აკლია. მე დახმარების გარეშე საერთოდ ვერ გადავაადგილდები და... ხედავთ, რამხელა სხვაობაა.
შშმ პირების დღევანდელ პრობლემებს ვერც კი შევადარებ თუნდაც იმას, რაც 5-7 წლის წინ იყო, როცა აბსოლუტურად ყველაფერი არაადაპტირებული იყო. დღეს, ელემენტარული, ავტობუსში მაინც შეგიძლია ახვიდე, ბევრგან - გაჩერებაზე, აფთიაქთან, ტროტუარზე პანდუსი გხვდება, რაც ადრე არ იყო. ვწუხვარ, რომ არაადაპტირებული არ არის სტომატოლოგიური კლინიკები, განათლება - უნივერსიტეტში რომ იარო, ზოგს დამხმარე არ ჰყავს, შშმ პირებისთვის ლიფტი არაა, ზოგს ტრანსპორტი არ ჰყავს და მარტო პანდუსი საკმარისია? არ არსებობს საშუალება, რომ ასეთებმა მშობლის, ახლობლის გარეშე შეძლონ გადაადგილება, ჩვენ კი ამას ვაპირებთ, თუმცა მარტო ამას ვერ მოვაგვარებ, მხარდაჭერა მჭირდება. კარგი იქნება, ამ ეტაპის გადალახვაში კომპანიებიც თუ დაგვეხმარებიან. უნარშეზღუდულ ადამიანებს ლისზე გაუჭირდებათ მოძრაობა, ახლა მიწის გაყიდვაა მოსაგვარებელი, რაც დროში იწელება. რომ გამოჩნდეს კომპანია, რომელიც ჩვენს მიწის ნაკვეთს შეიძენს (რა თქმა უნდა, ადეკვატურ ფასად), ეს ჩვენთვის დიდი დახმარება იქნება, მალევე შევიძენთ ტერიტორიას გზასთან ახლოს, მისადგომად ხელსაყრელს. ახლა მოდის შენების სეზონი და ძალიან არ მინდა ამის ხელიდან გაშვება, ზამთრამდე თუ არ ააშენე, მერე ისევ დროის გადაწევა მოგვიწევს. ასევე, ვეძებ დამატებით სამსახურს, რათა ჩემი შემოსავლები მთლიანად პროექტს მოხმარდეს.
- შშმ თემის თავისუფალი სივრცის შექმნა გულისხმობს, საქართველოში პირველ, სრულად მისაწვდომ გარემოს შექმნას, სადაც უნარშეზღუდული პირები რეგულარულად შეძლებენ შეკრებას - საკუთარი უფლებების გაცნობას და კოორდინაციას, უფასო მასტერკლასებით და ტრენინგებით სარგებლობას, მუდმივ განვითარებას, მიიღებენ ფორმალურ და არაფორმარულ განათლებას, პროფესიულ მომზადება-გადამზადებას, ექნებათ დასაქმების ხელშეწყობა, შეძლებენ ცნობიერების ამაღლებას, მამოტივირებელი და ინსპირაციული ისტორიების გაზიარებას, სასარგებლო რჩევების გაცვლას, შშმ პირების მშობლები მიიღებენ ფსიქოლოგიურ მხარდაჭერას და დასაქმების ხელშეწყობას. Giga’s Hub იქნება სრულიად არაკომერციული სივრცე, სადაც სხვადასხვა შეზღუდვის მქონე ადამიანი შეძლებს მოსვლას.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჭკვიანი და მიზანდასახული
ბრავო!!!! წარმატებები!!!.. რა საწყენია რომ ასეთ ადამიოანებს არანაირი ხელშეწყობა არ აქვს.პრიორიტეტები უნდა იყოს გადანაწილებული სწორად რისი დეფიციტიც სამწუხაროდ ძალიან დიდია ჩვენ ქვეყანაში.
ეს ხალხი საერთოდ ჩახსნილი ყავთ რეალური ცხოვრებიდან არადა არსებობენ ადამიანებო,არსებობენ!!!! და არავის არაფერი გარანტია არ აქვს რომ ხვალ ან ზეგ არ აღმოჩნდეთ მათ რიგებში,ამიტომ ამაზე უფრო მეტი დაფიქრებაა საჭირო