ჯორჯიის შტატი რაგბის მსოფლიო ჩემპიონატზე საქართველოს უგულშემატკივრებს - რა განცხადებას ავრცელებს აშშ-ის საელჩო
აშშ-ის გუნდი 2023 წლის რაგბის მსოფლიო ჩემპიონატზე არ ითამაშებს. ამერიკელებმა საკვალიფიკაციო ეტაპი ვერ გადალახეს. ამიტომაც, ჯორჯიის შტატის გუნდმა გადაწყვიტა, რომ მსოფლიო ჩემპიონატზე საქართველოს ეროვნულ ნაკრებს უქომაგოს.
შესაბამის განცხადებას საქართველოში ამერიკის შეერთებული შტატების საელჩო ავრცელებს. საელჩო აქვეყნებს ჯორჯიის შტატის რაგბის კავშირის პრეზიდენტის, სტივ მეისის სიტყვებს:
"თქვენი ქვეყნის ერთგულება რაგბისადმი. ყველაზე ახალგაზრდა მოთამაშეებიდან დაწყებული, მათი ჩათვლით, ვისაც აქვს პატივი, წარმოადგენდეს თქვენს ქვეყანას. თქვენი დამოკიდებულება და თავდადება ჩვენი საყვარელი სპორტისადმი, გასაოცარია და პატივისცემას იმსახურებს.
ამ თავდადებას, გაზარდოთ თამაში ფესვიდან ხის კენწერომდე, რაგბის ყველა ერი უნდა სწავლობდეს.
უზომოდ ამაყნი ვართ, რომ შეგვიძლია გიწოდოთ ჩვენი მეგობრები. იმედი გვაქვს, რომ ბორჯღალოსნებსა და ჩვენს მეგობრებს საქართველოს რაგბის კავშირში ოკეანის გაღმა მისწვდებათ ჩვენი გულშემატკივრობის ხმა მსოფლიო ჩემპიონატის თამაშებისას.
სტადიონსა და სახლებში. ჯორჯიიდან საქართველოში. წინ ბორჯღალოსნებო!" - ჯორჯიის შტატის რაგბის კავშირის პრეზიდენტი სტივ მეისი.
"ჯორჯიის შტატის გუნდი 2023 წლის რაგბის ჩემპიონატს გამოეთიშა და მიიღო გადაწყვეტილება, უგულშემატკივროს საქართველოს ნაკრებს" - რა განცხადებას ავრცელებს აშშ-ის საელჩო