"ბუბა თურმე პარლამენტში ხელფასს არ იღებდა და ერთ დღეს აღმოაჩინა, რომ 30 ათასი ლარია მის ბალანსზე... ასე გახდა ბუბა კიკაბიძე თოვლის ბაბუა" - რას წერს ნანუკა ჟორჟოლიანი

ტელეწამყვანი ნანუკა ჟორჟოლიანი ბუბა კიკაბიძესთან დაკავშირებულ აქამდე ნაკლებად ცნობილ ემოციურ ისტორიას იხსენებს. ამის შესახებ ის სოციალურ ქსელში წერს.

"2022 წელი დგებოდა, დამირეკა ბუბას მეგობარმა და პროდიუსერმა სოსო აბზიანიძემ. ბუბა თურმე პარლამენტში ხელფასს არ იღებდა შესაბამისად, ერთ დღეს აღმოაჩინა რომ 30 ათასი ლარია მის ბალანსზე და გადაწყვიტა ეს თანხა გადაანაწილოს ბავშვებზე, რომლებთანაც თოვლის ბაბუა არასოდეს მისულა მთხოვეს სწორედ ასეთი ბავშვების მოძებნა და ასე გახდა ბუბა კიკაბიძე თოვლის ბაბუა. თავად ბუბა, ყოველი ახალი წლის წინ, საახალწლო საჩუქარს ფეხსაცმელში ეძებდა." - წერს ნანუკა ჟორჟოლიანი "ფეისბუქში".

15 იანვარს, ქართული ესტრადისა და კინოს ვარსკვლავი, ვახტანგ (ბუბა) კიკაბიძე 84 წლის ასაკში გარდაიცვალა. დიდ ქართველ ხელოვანს ხვალ, ვერის სასაფლაოზე, მეუღლის გვერდით დაკრძალავენ. მანამდე მისი სამოქალაქო პანაშვიდი ქაშვეთის ტაძარში მიმდინარეობს.

ასევე იხილეთ:

• "მეუბნებოდა, - შინ რომ ჩავჯდე, არ მინდა, რა მნიშვნელობა აქვს, სად მოვკვდები, სახლში თუ გადასაღებ მოედანზეო" - ბუბა კიკაბიძის უკანასკნელი როლი: ფილმის პრემიერა მარტში იგეგმება