სანდრო ბაზაძე ტუნისის გრან პრის გამარჯვებული გახდა და ხმლით მოფარიკავეთა მსოფლიო რეიტინგში პირველ ადგილზეა
სანდრო ბაზაძე ტუნისის გრან პრის გამარჯვებული გახდა. ამის შესახებ ინფორმაციას საქართველოს ფარიკაობის ფედერაცია ავრცელებს. მათივე ცნობით, ბაზაძე მსოფლიოს N1 ხმლით მოფარიკავეა! ფარიკაობის საერთაშორისო ფედერაციამ ტუნისის გრან პრის შემდეგ, რეიტინგი განაახლა და სანდრო ბაზაძე 233 ქულით პირველ ადგილზეა. სანდრო 7 ქულით უსწრებს, სამგზის ოლიმპიურ ჩემპიონ, უნგრელ არონ სილაგის.
ზედიზედ მეორე წელია სანდრო ბაზაძე წელს ოქროს მედლით იწყებს! ზუსტად ერთი წლის წინ, 2022 წლის 16 იანვარს სანდრო თბილისის მსოფლიო თასის გამარჯვებული გახდა!