მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უნივერსიტეტ ალტერბრიჯის მაგისტრანტებმა იაშვილის ცენტრალური საავადმყოფოს ონკოპაციენტებს საახალწლო საჩუქრები გადასცეს
13:51 / 13-01-2023
საახალწლო საჩუქარი ონკოპაციენტ ბავშვებს უნივერსიტეტ ალტერბრიჯის მაგისტრანტებისგან და ბედნიერი ადრესატები - ყველაფერი ინტეგრირებული მარკეტინგული კომუნიკაციების ლექტორის - მარიამ გიორგაძის ლექციაზე უბრალოდ დავალდებით დაიწყო და და ჯადოსნურ ამბად გადაიქცა.
ლექტორმა მაგისტრანტებს სოციალური პროექტების მომზადების დავალება მისცა, იდეების წარდგენის შემდეგ კი გაჩნდა იდეა, ერთ-ერთი აერჩიათ და განეხორციელებინათ.
„ალტერბირჯის სივრცე არის ალტერნატიული შესაძლებლობების ადგილი და მიხარია, რომ ამ სივრცეში ეს ჯადოსნური ამბავი დაატრიალეს მაგისტრანტებმა. ამ პროექტის განხორციელებას სტუდენტები საკმაოდ სკეპტიკურად უყურებდნენ, ჩემი მიზანიც ეს იყო: ისინი თავად დარწმუნებულიყვნენ საკუთარ ძალებში და ენახათ თეორიულად ნასწავლი როგორ გამოეყენებინათ პრაქტიკაში. ვფიქრობ, ამას ერთობლივად მივაღწიეთ,“ - განმარტავს უნივერსიტეტ ალტერბრიჯის ლექტორი და გამომცემლობა პალიტრა L-ის პიარისა და მარკეტინგის დეპარტამენტის ხელმძღვანელი მარიამ გიორგაძე.
მაგისტრანტებმა ბავშვებს საჩუქრები წინასაახალწლოდ, 27 დეკემბერს მ. იაშვილის სახელობის ცენტრალურ საავადმყოფოში გადასცეს. კამპანია "საახალწლო ზღაპარი” სპონსორი კომპანიების დახმარებით შედგა. ადრესატთა ასაკისა და სურვილების გათვალისწინებით 30 ბავშვისთვის შეგროვდა სათამაშოები, ტკბილეული და წიგნები. საჩუქრები ანიმატორი თოვლის ბაბუის ხურჯინში მოექცა.
მარიამ გიორგაძის განმარტებით, სამომავლოდ მსგავსი აქციების განხორციელებისთვის სტუდენტებისა და ბიზნეს სექტორის ასეთი თანამშრომლობა მოტივაციის მომცემია:
„თეორიული ცოდნა და ლექციაზე განვლილ-განხილული თემები ერთია, თუმცა პრაქტიკაში ამ ყველაფრის განხორციელება და გადმოტანა კიდევ უფრო დიდი გამოცდილებაა, რაც სტუდენტებს სხვადასხვა უნარის გაუმჯობესებაში ეხმარება. უამრავი კომპანია თავისი ინიციატივით უკავშირდებოდა მათ, სთავაზობდა დახმარებას და კამპანიაში ჩართვას. ჩვენს საზოგადოებას განსაკუთრებით სჭირდება ერთობის შეგრძნება და ერთი იდეის ქვეშ გაერთიანებული საქმის ბოლომდე მიყვანა. მსგავსი პატარა ნაბიჯები საბოლოოდ დიდ ცვლილებებს გამოიწვევს, ამის ძალიან მჯერა,“ - განაცხადა მარიამ გიორგაძემ.
საქველმოქმედო აქციასთან დაკავშირებით თავიანთი ემოციები ალტერბრიჯის მაგისტრანტებმაც გაგვიზიარეს:
ანანო სირბილაძე: „როდესაც "საახალწლო ზღაპარზე” ვფიქრობ, ჩემს გონებაში პატარა მეგობრების ციმციმა თვალები იხატება, რომლებიც ამ ამბის მთავარი გმირები არიან. მთლიანი პროცესი სავსე იყო ენთუზიაზმით, სიკეთით, მიზანდასახულობითა და სიხარულით, რომელმაც მთელი ჯგუფი ერთ მუშტად შეგვკრა, შედეგმა კი, მოლოდინებს გადააჭარბა. განსაკუთრებულად ემოციურად მახსენდება ჩვენი ზღაპრის გმირებთან, პატარებთან შეხვედრის დღე, მ. იაშვილის კლინიკის ონკოგანყოფილებაში სტუმრობა“.
ანი ჯეირანაშვილი: „მიუხედავად ჩვენი უდიდესი სურვილისა და ენთუზიაზმისა, რა თქმა უნდა, ეს ინიციატივა მხოლოდ იდეად დარჩებოდა რომ არა ჩვენი სპონსორი კომპანიები და მათი მზაობა ჩართულიყვნენ ამ უმნიშვნელოვანეს და სიკეთით სავსე საქმიანობაში. ყველა იდეასა და ინიციატივას ბიზნესპარტნიორების მხრიდან ფინანსური მხარდაჭერა თუ ემოციური თანადგომა სჭირდება და ეს არის ფაქტი იმისა, რომ კეთილი საქმეები ერთი მიზნის ირგვლივ კრებს განსხვავებულ ადამიანებს“.
გვანცა გიანაშვილი: „პროექტმა შესაძლებლობა მომცა, ჩემს ჯგუფელებთან ერთად ბავშვებისთვის შეგვექმნა ჯადოსნური ამბავი. ერთი მიზნის გარშემო გაერთიანებულმა ჯგუფმაპარტნიორ კომპანიებთან ერთად შევძელით ყველაზე გულწრფელი და ბრჭყვიალა ემოციები გვეჩუქებინა პატარებისთვის. კიდევ ერთხელ დავინახე თუ რამდენის მიღწევაა შესაძლებელი ერთმანეთის გვერდით დგომითა და გუნდური მუშაობით“.
ღონისძიების მხარდამჭერი კომპანიები იყვნენ: პალიტრა L, ბიბლუსი, პეპელა, გუდვილი, სანდომი, მინისო, კულა, ნევერლენდი, ჩემპი, ალტერბრიჯი და Total Courage - Georgia, Sunann's accessories.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
