მნიშვნელოვანი ინფორმაცია
20
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პრიგოჟინი და უკრაინული საბადოები - რატომ არის პუტინის "მზარეული" ბახმუტით შეპყრობილი და რატომ ცდილობს განსაკუთრებულად მის ხელში ჩაგდებას
15:08 / 07-01-2023
აშშ-ის სახელისუფლებო წრეებში აცხადებენ, რომ რუსეთის პრეზიდენტის ერთგული თანამოაზრე, "პუტინის მარჯვენა ხელი" და "მზარეული" ევგენი პრიგოჟინი, რომელიც პუტინის სპეცშეკვეთების შემსრულებლად არის ცნობილი, დონეცკის ოლქში, ბახმუტთან ახლოს, მარილისა და თაბაშირის მაღაროების ხელში ჩაგდებით არის დაინტერესებული.
თუ გავითვალისწინებთ, რომ რუსეთის შეიარაღებული ძალებიდან წასული, შემდეგ კი, "ვაგნერელებად" წოდებული სამხედროები ცენტრალური აფრიკის რესპუბლიკაში, მალიში, სუდანსა და სხვა ქვეყნებში, ბუნებრივი რესურსებით იყვნენ დაინტერესებულნი, რასაც რამდენიმე წლის "ნოვაია გაზეტას" ჟურნალისტებიც შეეწირნენ, პრიგოჟინისგან გასაკვირი არაფერია. მით უფრო, რომ რუსული მედია ბახმუტის გარშემო "ვაგნერელების" დიდი ძალის თავმოყრაზე წერს.
Reuters-ის ცნობით, "ვაგნერის" დამფუძნებელი ამიტომაც არ შორდება დონეცკის ოლქს და ცდილობს, შტურმით აიღოს ქალაქი ბახმუტი. აღსანიშნავია, რომ უკრაინის ომამდე არც ისე დიდი ხნით ადრე, პრიგოჟინი სამხედრო დაჯგუფებასთან ყველანაირ კავშირს კატეგორიულად უარყოფდა.
"ამერიკელი ჩინოვნიკის თქმით, ვაშინგტონს აქვს ინფორმაცია, თუ რატომ არის შეპყრობილი პრიგოჟინი ბახმუტით - მისი ინტერესი მატერიალური მოტივებით არის გამოწვეული.
ევროპაში მარილის ყველაზე დიდი მაღარო - არტემოვსკოე, ბახმუტის რაიონშია და "Артёмсоль -ის" ყველაზე დიდი მწარმოებელია. ის ბახმუტსა და სოლედართან ახლოს მდებარეობს. ეს ადგილი ფრონტზე ახლა ცხელ წერტილად ითვლება, რადგან რამდენიმე კვირაა რუსეთის შეიარაღებული ძალები, "ვაგნერელებთან" ერთად, ამ მიმართულებით შტურმს არ წყვეტენ", - წერს გამოცემა.
სტატიაში აღნიშნულია, რომ თეთრი სახლის წარმომადგენლის შეფასებით, "ვაგნერელებს" ძალიან დიდი დანაკარგი აქვთ. ამერიკელი მაღალჩინოსნის თქმით, სამხედრო დაჯგუფებაში 50 ათასამდე ადამიანი ირიცხება, მათგან 4 ათასზე მეტი მოკლულია, 10 ათასზე მეტი კი, დაჭრილი. ათასზე მეტი "ვაგნერელი" მხოლოდ ერთი თვის განმავლობაში, ბახმუტისა და მის გარშემო ბრძოლების დროს დაიღუპა.
ცნობისთვის, "ვაგნერში" არმიასა და კონტრაქტორებთან შედარებით უკეთესი პირობები და უკეთესი ანაზღაურებაა. რის გამოც, მის მიმართ ინტერესი მეტია, მაგრამ თუ ადრე ამ დაჯგუფებაში, სამხედრო გამოცდილების მქონე პირები ირიცხებოდნენ, ახლა იქ სამხედრო საქმეში გამოუცდელი, ყოფილი პატიმრებიც არიან, რომლებიც სხვადასხვა დაწესებულებებიდან წამოიყვანეს, ზოგიც, ნებაყოფლობით ჩაირიცხა.
როგორც რუსი ინტერნეტმოხმარებლები წერენ, - "ბევრმა სავალდებულო ჯარის აუტანელ პირობებს, სადაც ზედამხედველებად "კადიროველები" ჰყავთ, ისევ "ვაგნერელბთან" ყოფნა არჩია, სადაც კვებისა და ამუნიციის დეფიციტი მაინც არ არის."
- პრიგოჟონი გავრცელებული ცნობების შესახებ კომენტარს ჯერჯერობით არ აკეთებს, თუმცა, ის ცდილობს, რუსეთის ხელოსუფლება, მედია და მოსახლეობა, დარწმუნოს, რომ საბრძოლო მოქმდებებში, ბახმუტი მნიშვნელოვან როლს თამაშობს.
"ბახმუტი დღეს არის ადგილი, სადაც ორი ქვეყნის შეიარაღებული ძალები ხვდებიან ერთმანეთს. ისე, როგორც კულიკოვოს ველზე, ბოროდინოში და სხვა ადგილებში, რომელიც შემდეგ ისტორიას შემორჩა. აქ ერთმა არმიამ მეორე უნდა გაანადგუროს", - აცხადებს მისი პრესსამსახური.
ekhokavkaza.com-ის ცნობით, მიუხედავად იმისა, რომ რუსული არმია უკვე "ვაგნერელების" დახმარებით ცდილობს ბახმუტის აღებას, მას მნიშვნელოვანი წინსვლა ჯერჯერობით არ აქვს, უკრაინული მედიის ცნობით, ქალაქის 60 % მთლიანად განადგურებულია. რუსულ მედიაში დროდადრო ჩნდება ინფორმაცია იმის შესახებ, რომ მათმა არმიამ უკრაინული თავდაცვის ძალების ზღუდის გარღვევა შეძლეს. ვოლოს ასეთი ცნობა გასულ ხუთშაბათს გავრცელდა, თუმცა, ოფიციალურად არ დადასტურებულა.
გამოცემის ცნობით, ამერიკაში ფლობენ ინფერმაციას იმის შესახებ, რომ "ვაგნერის დაჯგუფებამ" იარაღი ჩრდილოეთ კორეიდან მიიღო, რასაც პრიგოჟინი უარყოფს. რუსი ინტერნეტმომხარებლების მოსაზრებით, იმისთვის, რომ რუსეთი შესუსტდეს, ამისთვის საჭიროა "ის თავის თავთან დამარცხდეს, ანუ გააქტიურდნენ პარტიზანები, რომლებიც მხოლოდ ახლა იწყებენ მოქმედებას. წინააღმდეგ შემთხვვაში, ქვეყანას, პუტინისა და პრიგოჟინის კოლონიაში მოუწევს ცხოვრება..."
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სახლი ქონია ასაშენებელი და მოუნდა მუქთი გიბსოკარდონი
ბახმუტში მაცხოვრებელი ადამიანი,სადაურია?