კრიშტიანუ რონალდუსა და ჯორჯინა როდრიგესს საუდის არაბეთის კანონი ერთ სახლში ცხოვრებას უკრძალავს - რას ამბობენ იურისტები ფეხბურთელის ახალ პრობლემაზე
არაბული საფეხბურთო კლუბის, "ალ ნასრის“ ახალწვეული კრიშტიანუ რონალდუ და მისი პარტნიორი ჯორჯინა როდრიგესი, თუ საუდის არაბეთში ერთად იცხოვრებენ, ამით ადგილობრივ კანონს დაარღვევენ.
რონალდუ და ჯორჯინა რამდენიმე წელია ერთად არიან, თუმცა ოფიციალურად არ არიან დაქორწინებულები. საუდის არაბეთის კანონმდებლობით, დაუქორწინებელ წყვილს ერთ სახლში ცხოვრების უფლება არ აქვს და მსგავსი ფაქტი არაკანონიერადაა მიჩნეული.
ამის მიუხედავად, საუდის არაბეთში არ აქვთ მოლოდინი, რომ პორტუგალიელი ფეხბურთელი და მისი პარტნიორი დაისჯებიან.
37 წლის ფეხბურთელი "ალ-ნასრს“ დეკემბერში შეუერთდა. მანამდე რონალდუს პრობლემები ჰქონდა "მანჩესტერ იუნაიტედთან“. არაბულ კლუბში რონი წელიწადში 200-მილიონ დოლარს გამოიმუშავებს.
საინფორმაციო სააგენტო EGE-ს მიხედვით, რონალდუ, როგორც მსოფლიოში ერთ-ერთი გაყიდვადი სპორტსმენი, კანონის დარღვევისთვის არ დაისჯება.
"მიუხედავად იმისა, რომ კანონი საქორწინო კონტრაქტის არ არსებობის შემთხვევაში თანაცხოვრებას კრძალავს, მთავრობა თვალს ხუჭავს და არავის დევნის. რა თქმა უნდა, ამ კანონებს მაშინ იყენებენ, როდესაც არსებობს პრობლემა, ან დანაშაული“, - აცხადებს ერთ-ერთი იურისტი.
"საუდის არაბეთის მთავრობა უცხო ქვეყნის მოქალაქეების შემთხვევაში არ ერევა ამ საკითხში, თუმცა კანონი თანაცხოვრებას მაინც კრძალავს“, - აღნიშნავს კიდევ ერთი იურისტი გამოცემასთან საუბრისას.
- რონალდომ და ჯორჯინამ ერთმანეთი 2016 წელს გაიცნეს, როცა პორტუგალიელი ჯერ კიდევ მადრიდის "რეალში“ თამაშობდა. მათ ორი შვილი ჰყავთ - ბელლა და ალანა.
რონალდუს ასევე სამი შვილი ჰყავს - კრიშტიანო რონალდო უმცროსი, ევა და მატეო - ტყუპები.
კრიშტიანუს დებიუტი "ან-ნასრში“ მას შემდეგ გადაიდო, რაც გუნდმა ვერ მოასწრო მისი რეგისტრაცია, რადგან კლუბში ბევრი უცხოელი ფეხბურთელი თამაშობს.
- ავტორი: ანრი კურტანიძე