"ყოველგვარი დაფიქრების გარეშე გადაგვსვეს საპატრულოს მანქანაში და გადამირჩინეს შვილი" - რას წერს მოქალაქე?

მოქალაქე მარი მანაგაძე სოციალურ ქსელში პოსტს აქვეყნებს და საპატრულო პოლიციის თანამშრომლებს მადლობას უხდის.

როგორც ის წერს, სამართალდამცველებმა მას შვილი გადაურჩინეს.

არსებული ინფორმაციით, მცირეწლოვანმა მედიკამენტები დალია, რის შემდეგაც შეუძლოდ გახდა და ოჯახმა მისი კლინიკაში გადაყვანა საკუთარი ძალებით სცადა. გზაში მარი მანაგაძე' საპატრული ეკიპაჟს სთხოვა, რომ მისი მეუღლე სწრაფად ვერ ივლიდა და სამედიცინო დაწესებულებამდე დროულად მისვლაში დახმარებოდნენ.

"მინდა მოკლედ მოგიყვეთ გუშინდელ დღესთან დაკავშირებით და დიდი მადლობა გადავუხადო შინაგან საქმეთა სამინისტრო / Ministry of Internal Affairs of Georgia იმ ეკიპაჟს, რომელიც გუშინ პატრულირებდა 15:38 საათზე დახლოებით, ქუთაისი-სამტრედიის გზაზე სოფელი იანეთი გუბისწყლის ხიდთან, როცა გადავწყვიტე გამეჩერებინა და დახმარება მეთხოვა... დაუყოვნებლივ და ყოველგვარი დაფიქრების გარეშე გადაგვსვეს მათ საპატრულო ეკიპაჟის მანქანაში და გადამირჩინეს ჩემი შვილი.

უღრმესი მადლობა მინდა გადაგიხადოთ ბიჭებო, ჩემთვის საერთოდ უცნობები, მაგრამ ამავდროულად ნაცნობები. ისე მედექით გვერდში, ჩვენი ქვეყანა იმსახურებს ასეთ ვაჟკაც ბიჭებს. ჩემი ბიჭი დღეს ძალიან კარგად გრძნობს თავს. მინდა, რომ მიაღწიოს ამ პოსტმა თქვენამდე. კიდევ ვერ გამოვხატავ აქ ჩემს მადლიერებას, რაც თქვენს მიმართ გამაჩნია. უდიდესი მადლობა თქვენ" - წერს მოქალაქე.