"ერთი-ორი პანჩური იყო, ალბათ" - რას აცხადებს "უცნობი" მის სიძესა და ვანო მერაბიშვილს შორის მომხდარ ინციდენტზე
"უცნობი" საკუთარი სიძის მიერ ვანო მერაბიშვილზე ფიზიკური ძალადობის ფაქტს არ უარყოფს.
"გაიგებთ ყველაფერს, მე რა უნდა გითხრათ?! დაპირისპირება ალბათ, მისმა (ვანო მერაბიშვილის) პიროვნებამ გამოიწვია. თავდასხმა არ ყოფილა, ერთი-ორი პანჩური იყო ალბათ, შეიძლება. კანონის შესაბამისად იქნება ყველაფერი. თუ ერთწლიან პატიმრობას ითვალისწინებს, დააკავებენ"- უთხრა "უცნობმა" "ტვ პირველს".
ცნობისთვის, საქართველოს შინაგან საქმეთა სამინისტრომ შს ყოფილ მინისტრ, ვანო მერაბიშვილთან დაკავშირებით მედიაში გავრცელებული ინფორმაციის საფუძველზე გამოძიება 126-ე მუხლით დაიწყო, რაც ძალადობას გულისხმობს.
"უცნობის" სიძე, გიგიშა შარაშიძე ადასტურებს, რომ მასსა და შინაგან საქმეთა ყოფილ მინისტრს შორის დაპირისპირება მოხდა. ჟურნალისტის კითხვაზე, "შეეხო თუ არა მერაბიშვილს ხელით“, შარაშიძემ დადებითად უპასუხა და აღნიშნა, რომ პასუხისმგებლობას არ გაურბის.
რამდენიმე საათის წინ თბილისის პოლიციის მთავარ სამმართველოში შარაშიძე ადვოკატ გელა ნიკოლეიშვილთან ერთად გამოცხადდა.
ასევე იხილეთ: