მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
პარასკევი, მთვარის მეათე დღე დაიწყება 16:04-ზე, მთვარე მორიელში გადავა 13:33-ზე – გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. ჩაერთეთ შემოქმედებით და ინტელექტუალურ საქმიანობაში. ფრთხილად იყავით ემოციებთან. ხელსაყრელი დღეა რთული პრობლემების გადასაჭრელად. კარგია ჭურჭლისა და სარეცხის გარეცხვა. მორწყეთ მცენარეები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
14 წლით უმცროსი მეუღლე და მოდელი შვილი, რომელიც პოპულარული "ინფლუენსერია" - ცნობილი ადვოკატის უცნობი ოჯახი: რატომ ჩამოაკითხა ჰოლივუდის ვარსკვლავმა ხაჭაპურიძის ქალიშვილს?
14:19 / 05-01-2023
ლიკუნა ჭანტურია ცნობილი მოდელი და ინფლუენსერია. რამდენიმე წელია უკვე, რაც მოახერხა, რომ საკუთარი ჰობი პროფესიად ექცია. წლების წინ "ინსტაგრამზე" შექმნილი პროფილი, მომავალში შემოსავლის წყაროდ აქცია. ამჟამად 145 ათასი გამომწერი ჰყავს, მუშაობს როგორც ქართულ, ისე უცხოურ ბაზარზე. "ტიკტოკზე" ლიკუნას 61.8 ათასი გამომწერი ჰყავს, პოპულარულია მისი ვიდეო კონტენტიც.
ყველაზე მოთხოვნადი და გამორჩეული ფოტომოდელი და "ინფლუენსერი" ლიკუნა ხაჭაპურიძე სანდრო ჭანტურიაზე დაქორწინების შემდეგ, მალევე საცხოვრებლად გერმანიაში გადავიდა, სადაც კარიერაში ახალი და წარმატებული ნაბიჯები გადადგა, გარდა უამრავი მაღალი კლასის ბრენდისა, ის "პრადასთან" და The KARL LAGERFELD-თან თანამშრომლობს. მაგრამ მალე ისევ სამშობლოში დაბრუნდა...
ვინ არის ლიკუნა ჭანტურია, რომელიც წლების წინ საზოგადოებამ ლიკუნა ხაჭაპურიძეთი გაიცნო?
ის ცნობილი ადვოკატის, ამჟამად ექსპრეზიდენტ მიხეილ სააკაშვილის უფლებადამცველის შალვა ხაჭაპურიძის შვილია. დაოჯახების შემდეგ ლიკა მეუღლის გვარზე გადავიდა.
შალვა ხაჭაპურიძე 1966 წელს ქუთაისში დაიბადა და გაიზარდა სასულიერო პირის - მღვდელ ისაია ხაჭაპურიძის ოჯახში. როგორც მის მიერ შევსებული დეკლარაციიდან გავარკვიეთ, მეუღლე დიანა ხოფერია, შალვაზე 14 წლით უმცროსია, ქალი 1980 წელს დაიბადა. პირველი შვილი ლიკუნა ხაჭაპურიძე 1996 წელს შეეძინათ. წყვილს ლიკუნას გარდა კიდევ ორი შვილი ჰყავს - გურამი და მარიამი.
"დიანა ხოფერია "KH & PARTNERS“-ს ასოცირებული პარტნიორია. დიანას აქვს იურისტად მუშაობის 20 წელზე მეტი ხნის გამოცდილება, იგი სპეციალიზირდება კორპორატიული და სახელშეკრულებო სამართლის დარგში" - ვკითხულობთ შალვა ხაჭაპურიძის იურიდიული კომპანიის ვებგვერდზე. როგორც ჩანს, ის მეუღლის კომპანიაში მუშაობს.
რაც შეეხება ლიკუნას, Ambebi.ge-სთან ინტერვიუში ამბობდა, რომ 1 წლის წინ გერმანიაში გადავიდა საცხოვრებლად. მანამდე კი დაოჯახდა. მისი მეუღლე სანდრო ჭანტურია სასწავლებლად საზღვარგარეთ წავიდა. თუმცა ცოტა ხნის წინ წყვილი ისევ საქართველოში დაბრუნდა.
"ახლა საქართველოში ვართ, სახლი განვაახლეთ და ჯერ აქ ვაპირებთ ყოფნას, სამომავლოდ კი შეიძლება, წავიდეთ. რომ მივდიოდი, ყველაფრის ძალიან მეშინოდა, ცხოვრება ნულიდან უნდა დამეწყო და ამან მართლა ძალიან შემაშინა. თუმცა, იქ რომ ჩავედი, ერთდროულად იმდენი კარგი რამ მოხდა, იმდენ კარგ ბრენდთან დავიწყე თანამშრომლობა და ისე წინ წავიდა ჩემი საქმიანობა, ისე განვვითარდი პიროვნულად და კარიერულად, რომ ძალიან ბედნიერი ვიყავი.
გერმანიის მადლიერი ვარ. მანამდე დეპრესიული პერიოდები მქონდა, მიჭირდა შეგუება, იყო სირთულეებიც, მაგრამ საბედნიეროდ, ყველაფერი დალაგდა...“ - ამბობს ლიკუნა თბილისელებთან ინტერვიუში. ერთ-ერთი მიზეზი, რის გამოც წყვილი თბილისში დაბრუნდა, მამამთილის გარდაცვალება გახლდათ.
- ლიკუნა დაოჯახებამდე ყოველთვის მედიის ყურადღების ცენტრში იყო. შეგახსენებთ, რომ საქართველოში სტუმრად სერიალ გაქცევის გმირი დომინიკ პარსელი ჩამოვიდა. თავდაპირველად გავრცელდა ინფორმაცია, რომ ის გადაღებებზე იყო ჩამოსული, მოგვიანებით კი გაირკვა, რომ ის ექსკლუზიურად ლიკუნას სტუმრობდა.
- დომენიკი ხუთი წლის წინ „ინსტაგრამით“ გავიცანი. ზუსტად მაშინ ვუყურებდით „გაქცევას“ და მისი ფანი ვიყავი. მივწერე: „ჰაი“, მიპაუხა. ძალიან გამიხარდა, გავგიჟდი... ვლაპარაკობდით და მერე მითხრა: უეჭველი ფეიკ-ინსტაგრამი არის, ასეთ გოგოს ბევრი გამომწერი უნდა გყავდეს, არ მჯერა, რომ ნამდვილი ხარო და სკაიპში დამირეკა. მერე დავმეგობრდით, ხშირად ვკონტაქტობდით. ამასობაში ხუთი წელი გავიდა. გადაწყვიტა, ჩამოსულიყო და პირადად ვენახე.
ერთი კვირა იყო საქართველოში. ჩემს დაბადების დღეზე უნდა ჩამოსულიყო, მერე მისი დაბადების დღე დაემთხვა და „სტამბაში“ მეგობრებთან ერთად, კოქტეილებით და არატრადიციულად აღვნიშნეთ. მოთხოვნა ჰქონდა: თბილისზე მეტად შენი გადაღებები მაინტერესებს და იქ წამიყვანეო. იმის გამო, რომ ჩემს გადაღებებზე გამომყვა, გავრცელდა ინფორმაცია, რომ გადაღებების გამო იყო.
- უბრალოდ, მეგობრები ვართ, მაგრამ ეს ხმები იმიტომ გავრცელდა, რომ თვითონ ამბობდა გადამღებ ჯგუფთან: მინდა, ლიკუნა იყოს ჩემი ცოლიო. ძალიან ბევრ ადამიანს უთხრა - ხალხს რომ ვაცნობდი: გაიცანით, ჩემი მეგობარია-მეთქი, ეუბნებოდა, რომ მისი ცოლი უნდა ვყოფილიყავი. მერე შევუსწორე, რომ მსგავსი არაფერია. ჩვენ, უბრალოდ, მეგობრები უნდა ვიყოთ-მეთქი. დამპატიჟა, რომ მასთან წავსულიყავი დუბლინში და მისი მშობლები გამეცნო, მაგრამ ამ ეტაპზე თავი შევიკავე. მეც მთხოვა მშობლები გამაცანიო, მაგრამ უარი ვუთხარი და არ გავაცანი. წასვლაზე დავფიქრდი, მას სურვილი ჰქონდა, რომ ჩვენ ერთად ვყოფილიყავით და მერე მეგობრებად დავრჩენილიყავით. მე ეს ამბავი უფრო მეგობრობისკენ წავიყვანე. ალბათ, უფრო ასაკობრივი ზღვარის გამო. აქ რომ იყო, 49 წლის გახდა, მე - 23-ის. ჰოროსკოპით ორივე მერწყულები ვართ და ერთმანეთს ვგავართ, მაგრამ ალბათ, ეგეც ასაკის ბრალია, ცოტა სიგიჟეები აკლდა.
ამ ამბიდან რამდენიმე თვეში ლიკუნამ ოფიციალურად იქორწინა და გვარიც შეიცვალა. ამბობს, რომ ამჟამად ფოტოების 90 პროცენტს მეუღლე უღებს და ქორწინებაში ბედნიერია.
მამის, შალვა ხაჭაპურიძის შეცვლილ იმიჯზე კი ჩვენთან ინტერვიუში ამბობდა:
- ძალიან სიმპათიურია და ძალიან კარგი გემოვნება აქვს. ადრე ასე არ იცვამდა. თავისით გადაწყვიტა შეეცვალა სტილი, თმა, წვერი, ჩაცმულობა. ძალიან მომწონს და სულ ვეუბნები - ყოჩაღ, მამა.
მკითხველის კომენტარები /
61 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საინტერესოა ფოტოში გოგონა გუგაღეღილი სასმელი ბოთლით ხელში ლიკუნაა თუ სხვა ვიღაც
ადვიკატობის რა მოფგახსენოთ და არტისტი მაგარია