მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საყელოში ხელი წამავლო, იატაკზე დამაგდო..." - პრინცი ჰარი უილიამისგან ფიზიკურ თავდასხმას დეტალურად აღწერს: ძმებს შორის სკანდალური ჩხუბის უცნობი ამბავი
10:54 / 05-01-2023
დიდი ბრიტანეთის სამეფო ოჯახს რთული დღეები ელის - კვირას პრინც ჰარის ავტობიოგრაფიული წიგნი, სახელად "Spare" (“სათადარიგო.“) გამოვა, სადაც ჰარი ოჯახის წევრებთან ურთიერთობის სკანდალურ დეტალებზე წერს. ბრიტანულმა გამოცემამ the guardian ოფიციალურად წიგნის გამოცემამდე მოიპოვა მისი ასლი და მკითხველს უზიარებს იმ ნაწილს, სადაც ჰარი წერს, რომ თავისი ძმა, პრინცი უილიამი მას "ფიზიკურად დაესხა თავს."
როგორც ჰარი წერს, უილიამი თვლიდა, რომ მათი ურთიერთობა ჰარისა და მეგან მარკლის ქორწინების გამო დაინგრა. მემუარებში ჰარი 2019 წელს, ლონდონში, ჰარის სახლში მომხდარ დაპირისპირებას იხსენებს და წერს, რომ უილიამი მეგანს "რთულ", "უხეშ", "თავხედ" ქალს უწოდებდა, რაზეც ჰარიმ მიუგო, რომ ის "ბრიტანული პრესის ნარატივს" იმეორებდა მეგანის შესახებ.
"დაპირისპირება გამწვავდა. უილიამმა საყელოში მომიჭირა და იატაკზე დამაგდო“, - იხსენებს პრინცი. ის აღნიშნავს, რომ ამ ყველაფერს მოჰყვა ჰარის ზურგის თვალსაჩინო დაზიანება.
- პრინცის თქმით, უილიამს სურდა საუბარი მათ ურთიერთობაზე, პრესასთან ბრძოლაზე, თუმცა როცა ძმასთან მივიდა, უკვე საშინლად გაღიზიანებული იყო. მას შემდეგ, რაც უილიამმა მეგანი ცუდად მოიხსენია, ხოლო ჰარი ცოლს იცავდა, უილიამი ყვიროდა, ამბობდა, რომ ჰარი არ იყო რაციონალური. ძმები ერთმანეთს უყვიროდნენ.
გაცვალეს ერთმანეთის მიმართ შეურაცხყოფა. უილიამი ამტკიცებდა, რომ ძმის დახმარებას ცდილობდა. ჰარიმ კი უთხრა - "სერიოზულად ამბობ? მეხმარები? უკაცრავად - ამას ეძახი დახმარებას?!“
ამ სიტყვებმა, ჰარის თქმით, უილიამი კიდევ უფრო გააბრაზა და ძმისკენ წავიდა, ახლა უკვე შეშინებული ჰარი სამზარეულოსკენ გაიქცა, გაბრაზებული ძმა კი მისდევდა. ჰარი წერს, რომ მან ძმას ჭიქა წყალი მიაწოდა და უთხრა: "ვილი, არ შემიძლია დაგელაპარაკო, როცა ასეთი ხარ.“
- "წყალი დადო, ჩემთან მოვიდა... ეს ყველაფერი ისე სწრაფად მოხდა. საყელოში ხელი წამავლო, ყელსაბამი ჩამომგლიჯა და იატაკზე დამაგდო. ძაღლის საჭმლის თასზე დავარტყი ზურგი, რის გამოც ზურგი დამიზიანდა. ერთი წუთით იქ ვიწექი გაბრუებული, შემდეგ ფეხზე წამოვდექი და ვუთხარი, რომ გასულიყო", - იხსენებს პრინცი.
ჰარი წერს, რომ უილიამმა უთხრა, ახლა თვითონაც დაერტყა, ისე როგორც ბავშვობაში აკეთებდნენ. ჰარის თქმით, მან ამაზე უარი თქვა. უილიამი წავიდა, თუმცა შემდეგ დაბრუნდა და ძმას ბოდიში მოუხადა, რის შემდეგაც სახლი დატოვა.
მოგვიანებით, ძმას დაურეკა და ჰარისა და უილიამს შორის ასეთი დიალოგი შედგა:
- უილიამი: საჭირო არ არის რომ ამის შესახებ მეგს უთხრა.
- ჰარი: გულისხმობ იმას, რომ თავს დამესხი?
- უილიამი: მე თავს არ დაგსხმივარ, ჰაროლდ.
ჰარი ამბობს, რომ ცოლისთვის მაშინვე არ უთქვამს მომხდარის შესახებ, მაგრამ თერაპევტს დაურეკა და ყველაფერი უამბო. მოგვიანებით, მეგანმა ჰარის ზურგზე სისხლჩაქცევები და ნაკაწრები შენიშნა, სწორედ ამიტომ უამბო მომხდარის შესახებ. ჰარის თქმით, "მეგანი ამით არ იყო არც გაკვირვებული და არც გაბრაზებული.. ის საშინლად დასევდიანდა“
წიგნის სახელწოდებიდანვე, Spare – “სათადარიგო", ჩანს, თუ რის შესახებ იქნება მემუარები. პრინცი რამდენიმე ეპიზოდში საუბრობს თავის დამოკიდებულებაზე იმის შესახებ, რომ ტახტის მემკვიდრე მისი ძმაა, ხოლო თვითონ სათადარიგო და სამეფო ტახტს იმ შემთხვევაში დაიკავებს, თუ მის ძმას რაიმე შეემთხვევა.
დასაწყისში ჰარი ყვება იმის შესახებ, თუ როგორ უთხრა მამამისმა, ახლა უკვე მეფე ჩარლზმა მეუღლეს, პრინცესა დაიანას, ჰარის დაბადების დღეს: "მშვენიერია, ახლა შენ უკვე მომეცი როგორც მემკვიდრე, ასევე სათადარიგო - ჩემი საქმე დასრულებულია.“
ჰარი ასევე იხსენებს ჩარლზთან და უილიამთან მტკივნეულ შეხვედრა, დედოფლის ქმრის დაკრძალვის შემდეგ, 2021 წლის აპრილში. პრინცის თქმით, ის და უილიამი ჩხუბობდნენ, ჩარლზი კი მათ გაწითლებულ სახეებს უყურებდა და შვილებს ასე მიმართა: "გთხოვთ, ბიჭებო, ნუ აქცევთ ჩემს ბოლო წლებს უბედურებად."
წიგნი კვირას გამოვა, თუმცა მანამდე საზოგადოება ნახავს ჰარის ორ ინტერვიუს ITV -სა და CBS-ის ეთერში. მედია წერს, რომ ეს ყველაფერი სამეფო ოჯახის აღშფოთებას გამოიწვევს და მათ მოუწევთ კომენტარის გაკეთება იმაზე, რის შესახებაც დიდი ხანია დუმილს ამჯობინებენ.
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მერე შენ ვერ გაუყარე? ძმა არ არის?
ჰარი ყოველᲗვის დედის ერᲗგული იყო და Ძალიან გავს.დიანამ ვერ მოახერხა Თავი დაეხსნა არ აპატიეს Თავისუფლება და ბედნიერად ცხოვრება. იგივეს უკეᲗებენ ჰარის.ველი წიგნს ბევრი სიმარᲗლიᲗ დროა ამხილოს ბოროტების სავანე