ესპანეთში, ქურდობის ბრალდებით, საქართველოს სამი მოქალაქე დააკავეს - რას წერს ესპანური მედია
ესპანეთში, სევილიაში სამართალდამცველებმა საქართველოს მოქალაქეები დააკავეს, რომლებიც ბრალდებულნი არიან სადღესასწაულო პერიოდში რამდენიმე სახლის ძარცვაში.
გამოძიების ინფორმაციით, ერთ-ერთმა დაკავებულმა ტრიანას რაიონში მონიშნა 100-ზე მეტი სახლი გასაძარცვად. ჯგუფის სამიზნე ძირითადად ის სახლები იყო, სადაც მოხუცები ცხოვრობდნენ.
- მედიის ინფორმაციით, დაკავებულია საქართველოს სამი მოქალაქე, რომელთა შორის ორი მამაკაცი, ხოლო ერთი ქალია. ისინი მოქმედებდნენ ყველა ძარცვაზე ერთნაირი სქემით - სახლებს კაცები ძარცვავდნენ, ხოლო ქალი ნაძარცვ ნივთებს ყიდდა. მათი ნაძარცვი ძირითადად ძვირფასი სამკაული იყო, რომელსაც შემდეგ ყიდდნენ.
აქამდე ისინი დაკავებულები არ ყოფილან. დაკავების ოპერაცია შობის ღამეს ჩატარდა. პოლიციამ ასევე აღმოაჩინა მოპარული ძვირფასეულობა, რომლებიც ჯერ არ ჰქონდათ გაყიდული.
ესპანური მედიის ცნობით, დაკავებულ ორ მამაკაცს სასამართლომ წინასწარი პატიმრობა შეუფარდა, ამავე ჯგუფის წევრი ქალი კი გირაოთი გაათავისუფლეს.