მნიშვნელოვანი ინფორმაცია
26
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა არის ცნობილი ომიკრონის ახალ, უფრო გადამდებ შტამზე - რამდენად მძიმეა დაავადების მიმდინარეობა და მოსალოდნელია თუ არა ვირუსის კიდევ ერთი "აფეთქება"
15:05 / 04-01-2023
ამერიკის შეერთებულ შტატებში COVID 19-ის ახალი ვარიანტი ვრცელდება, რაც მეცნიერთა შეშფოთების მიზეზი გახდა. საქმე შეეხება ომიკრონის უახლეს ქვეშტამს, რომელიც ამ დროისთვის გავრცელებულ ვარიანტთან შედარებით, კიდევ უფრო გადამდებ შტამად სახელდება და ინფექციის ახალი ტალღის საფრთხეს აჩენს.
ვნახოთ, რა არის ამ დროისთვის ცნობილი ომიკრონის ახალი ვარიანტის შესახებ.
- რა ჰქვია ახალ ვარიანტს და რამდენად სწრაფად ვრცელდება?
მედიცინაში მას უწოდებენ XBB.1.5. ვარიანტს. ეს არის ომიკრონის ერთ-ერთი უახლესი შტამი და ხასიათდება, როგორც ძალიან გადამდები. ის წარმოიშვა ომიკრონის ორი განსხვავებული შტამის შერწყმის შედეგად.
ამ ვარიანტის გაჩენის არეალად ნიუ იორკის შტატი მიიჩნევა და პირველად ის გასული წლის ოქტომბერში გამოავლინეს. დეკემბრის ბოლოს კორონავირუსის შემთხვევების რაოდენობა აშშ-ში გაორმაგდა და რაც ყველაზე საყურადღებოა, იქ გამოვლენილი კოვიდის შემთხვევების 40%-ს სწორედ ეს ახალი ვარიანტი წარმოადგენს.
ნიუ იორკში გარზდილია ჰოსპიტალიზაციის მაჩვენებელიც, რაც აჩენს შიშს, რომ XBB.1.5-ს შეუძლია კოვიდის ახალი ტალღები გამოიწვიოს. ვრცელდება ორჯერ უფრო სწრაფად, ვიდრე BQ.1.1 ვარიანტი (მსოფლიოში ამჟამად ყველაზე გავრცელებული შტამი).
რაც შეეხება სხვა ქვეყნებში გავრცელებას, ამ დროისთვის გაერთიანებულ სამეფოში კვლევა მიმდინარეობს და წინასწარი მონაცემებით, კოვიდის შემთხვევების სულ მცირე 4% აღნიშნულ შტამს უკავშირდება.
- რამდენად მძიმე მიმდინარეობა ახასიათებს დაავადებას?
კარგი ამბავი ისაა, რომ არ არსებობს მტკიცებულება იმისა, რომ XBB.1.5, ომიკრონის სხვა შტამებთან შედარებით უფრო მძიმედ მიმდინარეობს. ის დაახლოებით იგივე სირთულისაა, როგორც ომიკრონის ვარიანტი, რომელიც ამჟამად ცირკულირებს.
- მოსალოდნელია თუ არა ინფექციის კვლავ აფეთქება და ახალი ტალღა?
ჯერჯერობით მეცნიერები ვერ ამბობენ, იქნება თუ არა მასშტაბური ზრდა კორონავირუსით ინფიცირებულთა რაოდენობის, თუმცა "გარკვეულ ზრდას“ პროგნოზირებენ.
შეიძლება იყოს შემთხვევების ზრდა, მაგრამ არ ვარ დარწმუნებული, რომ აუცილებლად იქნება ფეთქებადი ტალღა. არ მგონია, რომ იყოს პანიკის საფუძველი. მთავარია, არ არსებობს მტკიცებულება, რომ ამ ვარიანტს უფრო მძიმედ მიმდინარეობა ახასიათებდეს,- ამბობს კემბრიჯის უნივერისტეტის პროფესორი, მიკრობიოლოგიის სპეციალისტი, რავი გუპტა.
- რას გვირჩევენ ვირუსოლოგები?
ვაქცინები კვლავ საუკეთესო საშუალებაა კოვიდისგან დასაცავად, როგორც გლაზგოს უნივერსიტეტის ვირუსოლოგი, პროფესორი სემ უილსონი ამბობს, თავის დასაცავად უნდა მიიღოთ უკვე კარგად ნაცნობი ზომები, რაც გულისხმობს დისტანციის დაცვას, ჰიგიენის ნორმების დაცვას, პირბადის ტარებას ხალხმრავალ ადგილებში და დახურულ სივრცეში და სიმპტომების გამოვლენის შემთხვევაში, იზოლაციას.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აბა დააყენეთ ცხვრის ფარა რიგში. აგვცერით ბეეეე!
აღარ გამოგივათ