7
მაისიდღის ზოგადი ასტროლოგიური პროგნოზი
არგენტინელმა ფეხბურთელმა, სერხიო აგუერომ საფეხბურთო კარიერა ერთი წლის წინ დაასრულა, თუმცა არ შეეძლო, რომ კატარში არ ჩაფრენილიყო და არგენტინისთვის არ ექომაგა.
აგუერომ გულშემატკივრობა თავდაპირველად ტრიბუნიდან დაიწყო, ფლეი-ოფის შემდეგ მოედანს სულ უფრო უახლოვდებოდა: ჯერ მატჩის საუკეთესო ფეხბურთელის ჯილდო მესის გადასცა, შემდეგ გუნდთან ერთად ივარჯიშა, ხოლო ფინალში გამარჯვების შემდეგ, გასახდელში ბოლომდე "აიშვა“.
სახლში დაბრუნების შემდეგ, აგუერომ Twitch-ში ზეიმის დეტალები მოყვა.
"მე ბევრს ვსვამდი და პრაქტიკულად, არაფერს ვჭამდი, მესი ამის გამო გამიბრაზდა. ჩვენ მსოფლიო ჩემპიონები გავხდით და სულ ერთი იყო რამე თუ დამემართებოდა. ლეო ძალიან მიბრაზდებოდა და მთხოვა, სმა შემეწყვიტა. მაგრამ როგორ უნდა გაჩერდე ასეთ დროს?! ჩვენ - მსოფლიოს ჩემპიონები ვართ. ისეთი ბედნიერი ვიყავი, რომ ჩემი გული იდეალურ მდგომარეობაში იყო, მე დასალევის ორმაგი დოზა დავლიე.
ბიჭებს სურდათ, რომ არგენტინაში მათთან ერთად გავფრენილიყავი. მითხრეს რომ მეჩქარა, რადგან ჩვენი რეისი ახლოვდებოდა. მე ვუპასუხე: "მოდი, წავედით, წარვადგინოთ პასპორტები“. უკვე ნაკრებთან ერთად ვიყავი, როდესაც გამახსენდა, რომ შვილი სასტუმროში დამრჩა და მისი მარტო დატოვება არ შემეძლო. ისეთი აღგზნებული ვიყავი, რომ ყველაფერი დამავიწყდა“, - იხსენებს აგუერო სიცილით.
ცნობისთვის, სერხიომ კარიერა გულთან დაკავშირებული პრობლემების გამო დაასრულა.
- ავტორი: ანრი კურტანიძე
ინგრე, ჯო! ჩვენებური ყოფილხარ შენცა და... შეგარგოს ღმერთმა, მაშა!
შვილი დარჩა?! როგორ გავს მამაჩემის საქციელს პატარა რომ ვიყავი მეტროში დავრჩი და პატრულმა დაწია ჩემი თავი გზად ვფიქრობ საშინელი საქციელია და უპატიებელი! იმიტომ რომ ამის შემდეგ მეტროში არასდროს ვყოფილვარ პანიკურად მეშინია არავის ვუსურვებ მსგავსი გადახდეს თავს.