მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კადიროვი მკვლელია, ისინი კი მისი ვაჟის დაბადების დღეზე წავიდნენ" - რატომ დადიან UFC-ის მებრძოლები კადიროვის შვილის დაბადების დღეზე
09:39 / 25-12-2022
UFC-ის ერთ-ერთი საუკეთესო მებრძოლი და მაშინ ჯერ კიდევ ჩემპიონი კამარუ უსმანი 2021 წლის ნოემბერში ჩეჩნეთში ჩავიდა. მკითხველი იფიქრებს, ალბათ სემინარს ჩაატარებდა, ან თავის გამოცდილებას გაუზიარებდა ახალგაზრდა მებრძოლებს, თუ როგორ უნდა მოხვდნენ UFC-ში, მაგრამ აღმოჩნდა, რომ უსმანის ჩეჩნეთში ვიზიტის მიზანი ჩეჩნეთის ლიდერის, რამზან კადიროვის უცროსი შვილისთვის, ადამ კადიროვისთვის დაბადების დღის მილოცვა იყო.
სოციალურ ქსელში დაბადების დღეზე გადაღებული კადრები ვრცელდებოდა, სადაც სტუმრებს თეფშზე თითო ბურგერი ედოთ. დიქტატორმა შვილს დაბადების დღეზე UFC-ის ჩემპიონი ჩაუყვანა.
2022 წლის ნოემბერში კი, უსმანთან ერთად, ადამის დაბადების დღეზე ჯასტინ გეიჯი და UFC-ის ჩემპიონი ორ წონით კატეგორიაში ჰენრი სეჰუდო ჩავიდნენ.
ამჯერად დაბადების დღის კადრები არ გავრცელდა, თუმცა მებრძოლები რუსული სპეცრაზმის უნივერსიტეტს ეწვივნენ და პოლიგონზე სხვადასხვა იარაღიდან ისროლეს. ცნობისთვის, ეს ის გადასამზადებელი პუნქტია, სადაც ოკუპანტებს უკრაინაში წასვლამდე ამზადებენ.
ამ ფაქტის ამსახველმა ვიდეოებმა სოციალურ ქსელში არაერთგვაროვანი რეაქციები გამოიწვია. გულშემატკივრების დიდი ნაწილი მებრძოლების გადაწყვეტილებას აკრიტიკებდა. ჯასტინ გეიჯს მართლებაც კი მოუწია.
- "რამზან კადიროვს არ შევხვედრივარ, საბავშვო დაბადების დღეზე სტუმარი ვიყავი“, - თავი იმართლა გეიჯიმ.
დაბადების დღეზე, ასევე, მიწვეული იყო კიდევ ერთი მებრძოლი შონ ო’მალი, რომელმაც წასვლაზე უარი განაცხადა.
"მე ვიკითხე, ვის გამო ეწყობა ეს ყველაფერი და როცა კონკრეტული პასუხი ვერ მივიღე, ვთქვი: "მკიდია, არ წავალ“.
- "სეჰუდო და გეიჯი ჩეჩნეთში კადიროვთან წავიდნენ, რომელიც მკვლელია, იქაური სიტუაციის გამგებელია, პუტინის მეგობარია. ის - ცუდი ადამიანია. ისინი მისი ვაჟის დაბადების დღეზე წავიდნენ და მეც იქ მეპატიჟებოდნენ. წარმოიდგინეთ, თქვენ გაკოტრებული ხართ და 150 000 დოლარს მხოლოდ იმის გამო გთავაზობენ, რომ სადღაც დაბადების დღეზე წახვიდეთ. მზად ვარ დავნაძლევდე, რომ სეჰუდო ამაზე თანახმა იყო. დიდი ალბათობით, ის ამას 100 000 დოლარის სანაცვლოდ დათანხმდა“, - განაცხადა ო’მალიმ.
ზოგადად, დიქტატორის მსგავსად, მისი შვილები ელი და ადამიც აქტიურად არიან ჩართული სპორტში. ადამი მოკრივეა, თუმცა გასულ წელს დიდ სკანდალში გაეხვა. ერთ-ერთი ბრძოლის დროს, როდესაც მოწინააღმდეგემ ადამს რამდენიმე ძლიერი დარტყმა მიაყენა, მსაჯმა ბრძოლა გააჩერა და გამარჯვება კადიროვს მისცა. პუბლიკა, კომენტატორები, თავად ადამიც შოკში იყვნენ. თუმცა...
ბოლო დროს კადიროვები ცნობილ ჩეჩენ მებრძოლთან, ხამზატ ჩიმაევთან ვარჯიშობენ. განსაკუთრებით აქტიურობს ელი, რომელიც დუბაიში იყო და ფაქტობრივად, საბრძოლო ბანაკი გაიარა. "ინსტაგრამზე", ჩიმაევის გვერდზე, მისი და ელის არაერთ ფოტოს ნახავთ.
ასევე, ხამზატის პოსტებიდან ირკვევა, რომ შვედური Allstar-ი, სადაც ასევე, გურამ ქუთათელაძე ვარჯიშობს, დუბაიში იმყოფებოდა. ფაქტობრივად, მთელი გუნდი იქ იყო. მსგავსი ინტენსიური ვარჯიშებისა და პროფესიონალ მებრძოლებთან ხშირი ერთობლივი სპარინგების კადრების გავრცელებით, ჩნდებოდა ეჭვი, რომ კადიროვები სპორტული კარიერის დაწყებას აპირებდნენ.
ასეც მოხდა, ACA 150-ზე, ელი კადიროვის პროფესიული დებიუტი შედგა. ელიმ მოწინააღმდეგე პირველივე რაუნდში დაამარცხა. მის კუთხეში კი ხამზატ ჩიმაევი იყო. სხვათაშორის, ACA (Absolute Championship Akhmat) რამზან კადიროვის ოჯახთან დაახლოებული პირების ორგანიზაციაა.
- ავტორი: ანრი კურტანიძე
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნაცებო,ვერ ეღირსებით,ღარიბაშვილი გადადგეს და ვაშაძე დადგეს????
ინატრეთ კიდევ რუსეთის დაშლა, ჩვენ მარტო ჩეჩნები გადაგვივლის.