აშშ-ის პრეზიდენტმა ჯო ბაიდენმა მიმდინარე კვირაში ვოლოდიმირ ზელენსკი ვაშინგტონში მიიწვია, რადგან თეთრი სახლი მიიჩნევს, რომ ომი ახალ ფაზაში შევიდა. ამის შესახებ აშშ-ის სახელმწიფო დეპარტამენტის სპიკერმა ჯონ კირბიმ განაცხადა.
"პრეზიდენტს ნამდვილად სჯერა, რომ ზამთრის მოახლოებასთან ერთად, როდესაც ჩვენ შევდივართ პუტინის აგრესიის ომის ახალ ფაზაში, ახლა არის შესაფერისი დრო, რომ ორი ლიდერი პირისპირ დასხდნენ და ისაუბრონ“, - განაცხადა მან.
მისივე თქმით, პრეზიდენტები, ასევე, განიხილავენ ომის დასრულების შესაძლო სცენარებს.
მანვე დასძინა, რომ "ეს სენსიტიური თემაა და დასავლელ ლიდერებს შორის გარკვეული კამათის საგანია“ .
"ეჭვი არ მეპარება, რომ ისინი ისაუბრებენ იმაზე, თუ რას ფიქრობს ზელენსკი სამართლიანი სამყაროს შესახებ, რა არის მისი კომპონენტები და როგორ შეგვიძლია დავეხმაროთ უკრაინას მის მიღწევაში“, - განუცხადა კირბიმ CNN-ს.
მისივე თქმით, რუსეთის პრეზიდენტი, ვლადიმერ პუტინი არ არის დიპლომატიით დაინტერესებული.
"ბატონი პუტინი აშკარად არ არის დაინტერესებული დიპლომატიაში ახლა. პირიქით, ის დაინტერესებულია მეტი უკრაინელი მშვიდობიანი მოქალაქის მოკვლით“ , - აღნიშნა კირბიმ.
ამის შესახებ ინფორმაციას უკრაინული მედია ავრცელებს.
მათივე ცნობით, ეს ამერიკელი ლიდერის ყოველდღიური რუტინიდან გამომდინარეობს.
"აშშ-ის პრეზიდენტის განრიგის მიხედვით, ჯო ბაიდენი ადგილობრივი დროით 14:00 საათზე (კიევის დროით 21:00 საათზე) „უკრაინის პრეზიდენტ ვოლოდიმირ ზელენსკის თეთრი სახლის სამხრეთ ეზოში მიესალმება“ , - აღნიშნულია ინფორმაციაში.
კიევის დროით 21:30 საათზე ორ ლიდერს შორის მოლაპარაკებებია დაგეგმილი, ხოლო 23:30 საათზე - ერთობლივი პრესკონფერენცია გაიმართება.