PSP-მ წინანდლის პრემიის 3 ნომინანტს სპეციალური პრიზები გადასცა
2022 წლის ერთ-ერთი მნიშვნელოვანი მოვლენის „წინანდლის პრემიის“ ლაურეატები 9 დეკემბერს თეატრალურ სივრცეში “ჰარაკი” დაჯილდოების ოფიციალურ ცერემონიაზე დასახელდნენ. წინანდლის პრემია 2022“ ზურაბ ჟვანიას ფონდის ორგანიზებით ხორციელდება. კონკურსის მიზანია ახალგაზრდა მეცნიერთა და შემოქმედთა პოპულარიზაცია, წახალისება და ხელშეწყობა. სპეციალური ჟიურის გადაწყვეტილებით, წინანდლის პრემია მეცნიერებისა და ხელოვნების 8 ნომინაციაში გაიცა. წინანდლის პრემიის” ლაურეატები დაჯილდოვდნენ დიპლომით, ჯილდოთი, სპეციალური პრიზებითა და ფულადი პრემიით.
კომპანია „PSP“-ს სპეციალური პრიზები გადაეცათ თეატრალურ კომპანიას „ჰარაკი“ და სამუსიკო ხელოვნების 2 გამორჩეულ ნომინანტს იოსებ ჯუღაშვილსა (დირიჟორი) და გიორგი კობერიძეს (კომპოზიტორი).
„PSP, როგორც მაღალი სოციალური პასუხისმგებლობის კომპანია განათლებისა და ხელოვნების არაერთი პროექტის მხარდამჭერია. „წინანდლის პრემია“ ახალგაზრდა ხელოვანთა და მეცნიერთა პოპულარიზაციასა და მათ წახალისებას ემსახურება. „წინანდლის პრემიის“ ახალგაზრდა ლაურეატების მხარდაჭერა წლების მანძილზე, სწორედ ამ მიზანს ემსახურება“- აცხადებენ PSP-ში.
R