მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მძღოლი სიგარეტის მოსაწევად იყო გადასული, ავტობუსში მყოფმა ორმა ნასვამმა ახალგაზრდამ (მესაჭე 22 წლისაა) დრო იხელთა და..." - რა მოხდა ქუთაისში და რა გადაწყვიტეს დაკავებულებთან დაკავშირებით?
16:32 / 19-12-2022
ახალგაზრდები, რომლებმაც ქუთაისში, არაფხიზელ მდგომარეობაში მგზავრებით სავსე ავტობუსის გატაცება სცადეს, 1 საათის წინ საპროცესო შეთანხმების საფუძველზე გათავისუფლდნენ. შემთხვევა 16 დეკემბერს საღამოს მოხდა - ორი ნასვამი მამაკაცი ქუთაისში, ჭავჭავაძის გამზირზე გაჩერებულ ავტობუსში ავიდა და საზოგადოებრივი ტრანსპორტი თავის მგზავრებიანად გაიტაცა. როგორც თვითმხილველები აცხადებენ, ავტობუსის მძღოლი შესვენებაზე იყო გასული და სწორედ ამ დროს მათ გაჩერებული ავტობუსი 20 მგზავრთან ერთად გაურკვეველი მიმართულებით წაიყვანეს. ერთ-ერთი მამაკაცი საჭესთან დაჯდა, ხოლო მეორემ მგზავრებს განუცხადა, რომ ყველანი მათთან საქეიფოდ მიჰყავდათ. ახალგაზრდების დაკავება პოლიციამ მალევე შეძლო, ისინი ერთ-ერთ გაჩერებაზე აიყვანეს. შინაგან საქმეთა სამინისტროს ინფორმაციით, გამოძიება 19-178-ე მუხლით აღიძრა, რაც ძარცვის მცდელობას გულისხმობს.
"თვითმარქვია მძღოლის“ ინტერესს ადვოკატი არჩილ ნიჟარაძე იცავს. როგორც ადვოკატი გვეუბნება, გადაჭარბებული ალკოჰოლური თრობის ქვეშ მყოფი ახალგაზრდები თავს ვერ აკონტროლებდნენ და მათ არც ვინმეს გატაცება და არც ქონების მართლსაწინააღმდეგოდ მისაკუთრების მცდელობა არ ჰქონიათ.
არჩილ ნიჟარაძე:
"ეს შემთხვევა ქუთაისში, ჭავჭავაძის გამზირზე მოხდა. იმ დროს, როდესაც ავტობუსის მძღოლი სიგარეტის მოსაწევად იყო გადასული, ავტობუსში მყოფმა ორმა ნასვამმა ახალგაზრდამ (მესაჭე 22 წლისაა) დრო იხელთა, ერთ-ერთი საჭეს მიუჯდა და ავტობუსი, მგზავრებინად ასე წაიყვანეს. იმ გაჩერებაზე დაახლოებით 4 წუთს იცდის მძღოლი. ისინი ძლიერი ალკოჰოლური თრობის ქვეშ იმყოფებოდნენ და თავს ვერ აკონტროლებდნენ. მათ არც არავისთვის მიუმართავთ, არც უძალადიათ და არც არავინ შეუშინებიათ. მგზავრებს განუცხადეს, რომ ყველანი მათთან საქეიფოდ მიჰყავდა, დაძრეს ავტობუსი და დაახლოებით 20 მეტრი გაიარეს, რის შემდეგაც ისინი პოლიციამ გააჩერა. ჩემი დაცვის ქვეშ მყოფს არც ვინმეს გატაცების და არც ავტობუსის მისაკუთრების განზრახვა არ ჰქონია. დაცვის მხარეს გვქონდა ასეთი პოზიცია, რომ ეს არ იყო ძარცვის მცდელობა, არამედ იყო ნასვამი ადამიანის ქმედება, რომელიც ძლიერი ალკოჰოლური თრობის გამო თავს ვერ აკონტროლებდა. ხალხის ნაწილმა შენიშნა ეს ამბავი და ისიც, რომ ახალგაზრდები არაფხიზელ მდგომარეობაში იყვნენ. მათ ერთადერთი საფრთხე იგრძნეს, ტრანსპორტი რამეს არ დაჯახებოდა, თორემ ის, რომ გატაცება იყო, არავის უფიქრია. პირდაპირ რომ გითხრათ, ეს ახალგაზრდები "ღადაობდნენ“. პოლიციამ განყოფილებაში "მძღოლს“ ჰკითხა, რა გინდოდაო და ამან უპასუხა, მე კი არა, თქვენ რა გინდოდათ, გეცლიათ და ყველას სახლებში დავარიგებდიო, - ანუ ისიც ხუმრობდა. იმას არ ვამბობ, რომ კონკრეტული მგზავრებისთვის სასიამოვნო და მისასალმებელი მოვლენა იყო, მათ მართლა შეეშინდათ, მაგრამ ნამდვლად არ ყოფილა ვინმეს გატაცების, ან ქონების მისაკუთრების მცდელობა. პოლიციაც მიხვდა, რაში იყო საქმე და პროკურატურამაც ნაწილობრივ გაიზიარა ჩვენი პოზიცია - რომ აქ დანაშაულს არ ჰქონია ადგილი და ამიტომ დღეს, დაახლოებით 1 საათის წინ ორივე ახალგაზრდა საპროცესო შეთანხმების საფუძველზე გათავისუფლდა.
საპროცესოს კონკრეტულ პირობებს ვერ გეტყვით, მაგრამ შემიძლია გითხრათ, რომ ორივე მათგანი გათავისუფლდა პირობითი მსჯავრით.
"მძღოლი“ როცა გამოფხიზლდა, არც ახსოვდა, ამბობდა, სად უნდა წამეყვანა, ან რად მინდოდა ეს ამხელა ავტობუსი თავისი მგზავრებიანადო, მაგრამ ჩემს საქციელს ვერ ვაკონტროლებდიო. ისეთი ნასვამი იყო, ბევრი დეტალი არც ახსოვდა. მოკლედ, ასეთი საქმე არასდროს მქონია, არც გამიგია. თვითმფრინავის გატაცება გამიგია (ღმერთმა დაგვიფაროს), მაგრამ ავტობუსის ასეთი "გატაცება" თავის მგზავრებიანად, უპრეცედენტოა“, - ამბობს ambebi.ge-სთან არჩილ ნიჟარაძე.
მკითხველის კომენტარები /
27 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თავიდან არ მომეწონა მათი საქციელი მაგრამ ბოლოში ძალიან მომეწონა სამართალდამცველისა და დამნაშავის დიალოგი. არ ყოფილან მაინცდამაინც ცუდი ბიჭები
თბილისი საქართველოს დედაქალაქია, ქუთაისი - ქართველების.