დღის ფოტო: გიორგი ასანიძის რეაქცია, როცა ლაშა ტალახაძე ექვსგზის ჩემპიონი გახდა

ქართველი ძალოსანი ლაშა ტალახაძე კოლუმბიის დედაქალაქ ბოგოტაში მიმდინარე მსოფლიოს ჩემპიონატის გამარჯვებულია. ქართველმა მძიმეწონოსანმა ატაცში 215 კილოგრამი დაძლია და ოქროს მედალი მოიპოვა.

აკვრაში ლაშა ტალახაძემ 251 კილოგრამი ასწია და ამ დისციპლინაშიც პირველი ადგილი დაიკავა. ორჭიდის ჯამში ტალახაძემ 466 კილოგრამი დააფიქსირა და ოქროს მედალს დაეუფლა.

აღსანიშნავია, რომ ქართველი ძალოსანი კარიერის მანძილზე მეექვსედ გახდა მსოფლიოს ჩემპიონი.

კოლუმბიაში გამართულ ძალოსანთა მსოფლიო ჩემპიონატზე საქართველოს ნაკრებმა გუნდურ ჩათვლებშიც წარმატებას მიაღწია. დახურვის საზეიმო ცერემონიაზე ნაკრები მოპოვებული 528 ქულით ვიცე-ჩემპიონად გამოცხადდა და შესაბამისი თასითაც დაჯილდოვდა. მოპოვებული 3 ოქროსა და 2 ვერცხლის მედლით ნაკრებმა მესამე გუნდური ადგილი მოიპოვა.

საოცარი ამბავი კოლუმბიიდან - ლაშა ტალახაძე მსოფლიოს ექვსგზის ჩემპიონია

ნახეთ ვიდეო: ლაშა ტალახაძის შთამბეჭდავი მოგება და გიორგი ასანიძის რეაქციები