რომელია 10 ყველაზე სასიამოვნო სურნელი და რატომ უყვარს ისინი ყველაზე მეტ ადამიანს?

მიუხედავად იმისა, რომ ადამიანები ერთმანეთისგან განვსხვავდებით ეროვნების, კულტურის, ინტერესებისა თუ სურვილების მიხედვით, ერთი რამ ყველას საერთო გვაქვს: ჩვენ გვიყვარს ზოგიერთი სურნელი, ზოგიერთი კი იმდენად არ მოგვწონს, ცუდ ხასიათზეც კი გვაყენებს.

სურნელი, რომელიც ადამიანს კარგ ხასიათზე აყენებს - ამ პრინციპის გამოყენება კომპანიებმა რამდენიმე ათეული წლის წინ დაიწყეს და ასე ჩაეყარა საფუძველი არომა მარკეტინგს. ეს არის მიმართულება, რომელიც საშუალებას იძლევა ჩვენთვის სასურველი სურნელი გვქონდეს ნებისმიერ სივრცეში: სახლში, მანქანაში, მაღაზიაში, სპა-სალონებსა თუ სასტუმროებში.

სურნელი გავლენას ახდენს ადამიანის განწყობაზე, ქცევასა და მის გადაწყვეტილებაზეც კი. არომა მარკეტინგის მიმართულებით საქართველოში ოპერირებს კომპანია „არომაკო“, რომელსაც მსოფლიოს მასშტაბით უკვე 36000-ზე მეტი მომხმარებელი ჰყავს. თუ გაქვთ ბიზნესი, არომა მარკეტინგით შეძლებთ ეფექტურად გაზარდოთ თქვენი ბრენდის/კომპანიის ცნობადობა. ასევე, თუკი გსურთ სახლში მუდამ იგრძნობოდეს თქვენი საყვარელი სურნელი, „არომაკოს“ აპარატები თქვენს მოთხოვნებს სავსებით დააკმაყოფილებს. „არომაკოს“ სპეციალურ აპარატს სახლისთვის 4 სურნელი მოჰყვება და სმარტ სისტემაც აქვს, რაც საშუალებას გაძლევთ შეარჩიოთ სურნელის გავრცელების თქვენთვის სასურველი რეჟიმი.

სწორედ „არომაკოს“, როგორც სურნელის მიმართულებით ყველაზე კომპეტენტურ გუნდს მივმართეთ, რათა გაგვეგო, რომელია მსოფლიოში 10 ყველაზე პოპულარული სურნელი. ჩამონათვალი ასე გამოიყურება:

1. ფორთოხალი - ციტრუსის სიახლე აძლიერებს

ციტრუსი ერთ-ერთი ყველაზე სასიამოვნო სურნელია ადამიანისთვის. გრეიფრუტის, მანდარინისა და ფორთოხლის არომატი აღიარებულია, როგორც ყველაზე სასიამოვნო სუნი მსოფლიოში. ზოგადად, ამ კატეგორიაში უფრო მეტი ციტრუსის ხილის შეყვანა შეიძლება, მაგრამ ყველაზე დაბალანსებული არომატი სწორედ ფორთოხალს აქვს. ის ბუნებრივი ანტიდეპრესანტია, გვეხმარება შფოთვისგან თავის დაღწევაში, გვამშვიდებს, გვიუმჯობესებს განწყობას და გვავსებს ენერგიით. ასევე გვანიჭებს ეიფორიის შეგრძნებას, ამიტომ გასაკვირი არაა, რომ ციტრუსები დღესასწაულთან და გართობასთან ასოცირდება.

2. ახლად მოჭრილი ბალახი - ფსიქოტროპული და სიცოცხლის სუნი

ამ სურნელს მსოფლიოს გარშემო ბევრი ადამიანი მიიჩნევს ყველაზე სასიამოვნოდ. იგი ასოცირდება სიცოცხლესთან, სიწმინდესთან, სიცოცხლისუნარიანობასა და განახლებასთან. ბალახის სუნი მსუბუქი და მარტივია, მაგრამ იგი წარმოიქმნება რთული ქიმიური რეაქციით, ბალახის დაზიანების შედეგად. მაინც რატომ უყვართ იგი ადამიანებს? რთულია გადაჭრით თქმა, თუმცა მეცნიერებმა დაადგინეს, რომ მას ფსიქოტროპული ეფექტი აქვს.

3. დარიჩინი - მეფეების არომატი

დარიჩინის სასიამოვნო სუნი კულინარიაში ერთ-ერთი ყველაზე პოპულარულია. მას მოაქვს სითბოსა და კომფორტის შეგრძნება, ხსნის სტრესს. ყველაზე ხშირად ცომეულსა და სასმელში ამატებენ. ძველად ეს სანელებელი საკმაოდ დეფიციტური იყო და მხოლოდ სამეფო კარის წარმომადგენლებს შეეძლოთ მისი დახვეწილი არომატით დატკბობა.

4. ტყე - ბუნების სურნელი

ტყის სურნელი ერთ-ერთი ყველაზე სასიამოვნო და მრავალფეროვანია. ზაფხულში მზისგან გაცხელებულ სივრცეს მშრალი მიწის, ნესტიანი ხავსის, ფიჭვის და ახალი ფოთლების, სოკოს და კენკრის, ცხოველების და ჩამოცვენილი ფოთლების სუნი ასდის. ეს სუნი მოქმედებს ღრმად არაცნობიერზე, აღვიძებს უძველეს ინსტინქტებს, როდესაც ადამიანები ასეთ გარემოსთან ჰარმონიაში ცხოვრობდნენ.

5. წვიმა - სიცოცხლის ენერგია და განახლება

როგორი სუნი აქვს წვიმას? შეიძლება გაგიკვირდეთ, მაგრამ წვიმას სულაც არ აქვს სუნი. სინამდვილეში წვიმისას ერთ-ერთი ყველაზე სასიამოვნო არომატი ჩნდება ნიადაგისა და მისგან გამოთავისუფლებული ნივთიერება გეოსმინის გამო. სხვათა შორის, წვიმისშემდგომ სუნს პეტრიკორი ეწოდება.

6. შოკოლადი - ბუნებრივი ანტიდეპრესანტი, ხსნის სტრესს

შოკოლადი ითვლება სტრესისა და დეპრესიის მთავარ ლეგალურ სამკურნალო საშუალებად. მისი სუნიც კი სასიამოვნო ემოციებს იწვევს, ამშვიდებს, რომანტიკულ განწყობას ქმნის და სტრესსაც ხსნის.

7. თივა - მზიანი და თბილი განწყობა

მშრალი ბალახის სუნი იწვევს უსაფრთხოების, კომფორტისა და სითბოს შეგრძნებას. თივის ზვინებში შენარჩუნებულია ცოცხალი ბალახის არომატი: სასიამოვნო, დამამშვიდებელი, რომელიც საშუალებას გაძლევთ დაივიწყოთ პრობლემები და სრულად შეიგრძნოთ ბუნების სურნელი.

8. ზღვა - თავისუფლების და ენერგიის სუნი

ზღვას მასში შემავალი მარილების იონების, ასევე წყალმცენარეების სუნი ასდის. აქ ასევე არის ოზონის მსუბუქი არომატი: კომბინაციაში ეს ნივთიერებები იძლევა სიახლის, თავისუფლებისა და ხალისის შეგრძნებას.

9. ვანილი - ბუნებრივი აფროდიზიაკი

ძალიან სასიამოვნო და მრავალმხრივი სუნია. მეცნიერულად დამტკიცებულია, რომ ვანილის სუნი აუმჯობესებს განწყობას, ეხმარება დეპრესიასთან ბრძოლაში და ხელს უწყობს სიხარულის ჰორმონების გამომუშავებას.

10. ყავა - მხნეობა

ყავის სუნი გვაფხიზლებს და მხნეობას გვმატებს. ასევე, ხელს უწყობს ინტელექტუალური შესაძლებლობების ამაღლებას, რაც საშუალებას გვაძლევს უკეთ გავუმკლავდეთ რთულ დავალებებს.

და თქვენი საყვარელი სურნელი რომელია?