პრემიერ-მინისტრმა ირაკლი ღარიბაშვილმა დღევანდელ მთავრობის სხდომაზე არაერთი ინიციატივა გაახმაურა, რომლის განხორციელებასაც მთავრობა გეგმავს.
გთავაზობთ 5 საკითხს, რაზეც პრემიერმა ილაპარაკა.
1. ანაკლიის პორტის მშენებლობს საკუთარ თავზე იღებს სახელმწიფო. "ჩვენი გადაწყვეტილებით, ანაკლიის პორტი აშენდება სახელმწიფოს თანამონაწილეობით, სადაც 51%-ის მფლობელი იქნება სახელმწიფო, დანარჩენზე გამოვაცხადებთ საერთაშორისო კონკურსს და შევარჩევთ პარტნიორ კომპანიებს", - განაცხადა ღარიბაშვილმა. (იხილეთ სრულად)
2. იგეგმება ქვეყნის განვითარების გენგეგმის შექმნა. "ჩვენ ყველა ქალაქის გენგეგმას გავამზადებთ. ეკონომიკის სამინისტრო აქტიურად მუშაობს ამ მიმართულებით. გვინდა, რომ ჩამოიყვანოთ მაგარი კომპანიები, ყველაზე წარმატებული უცხოური ევროპული კომპანიები, რომლებიც მიიღებენ მონაწილებას ჩვენს ქართულ კომპანიებთან ერთად და დაიდება ერთხელ და სამუდამოდ მთელი ქვეყნის განვითარების გეგმა“, - ბრძანა პრემიერმა.
3. სავალდებულო სამხედრო სამსახური გადაიხედება, მისი რეფორმირების შედეგად ყველა პირი სავალდებულო სამხედრო სამსახურს მხოლოდ თავდაცვის უწყებაში გაივლის.
4. მთავარობა ბოლო წლების განმავლობაში შეჩერებულ ჰესების პროექტს ააქტიურებს. "გაეშვება 800 მგვტ-მდე ჰესის ასაშენებლად პროექტი, რომელშიც, ალბათ, დაახლოებით მილიარდზე მეტი დაიხარჯება. ამას გარდა, წლის ბოლოს 1500 მგვტ-ზე გამოვაცხადებთ ტენდერს. ეს არის 2.5 მილიარდი დოლარის პირდაპირი ინვესტიცია", - განაცხადა ღარიბაშვილმა. (იხილეთ სრულად)
5. მთავრობა "გირჩის“ რელიგიურ ორგანიზაციებს აუქმებს. (იხილეთ სრულად)
