მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გაიცემა თუ არა ვირუსების გამო სწავლების რეჟიმის ცვლილების რეკომენდაცია - რას ამბობს გაბუნია გავრცელებულ ვირუსებზე და როდის ელოდებიან სიტუაციის დასტაბილურებას?
10:11 / 09-12-2022
ჯანდაცვის მინისტრის მოადგილის, თამარ გაბუნიას განცხადებით, ამ ეტაპზე ქვეყანაში, ძირითადად, A ტიპის გრიპის ვირუსი ცირკულირებს, სიტუაცია კი დეკემბრის მესამე-მეოთხე კვირიდან უნდა დასტაბილურდეს.
როგორც გაბუნიამ „ინტერპრესნიუსს“ განუცხადა, აქტიური გავრცელების შემდეგ, კლინიკებისადმი მიმართვიანობის კუთხით ახლა შედარებით სტაბილური სიტუაციაა.
"გრიპის მაგვარი დაავადებების გავრცელება ნოემბრის მეორე ნახევარში დაიწყო. გავრცელება იყო აქტიური. ამ პერიოდში მეტად იყო რესპირაციულ-სინციტიური ვირუსი, ადენოვირუსი, რინოვირუსი. ახლა უკვე რესპირაციულ-სინციტიური ვირუსის პროპორცია საერთო გავრცელებაში შემცირდა. გამოჩნდა უკვე A ტიპის ვირუსი და ძირითადად, ახლა ცირკულაციაშია A ტიპის გრიპის ვირუსი, სხვადასხვა ქვეტიპებით. ამასთან, ისევ ცირკულირებს ადენოვირუსი, რინოვირუსი, რესპირაციულ-სინციტიური უფრო ნაკლებად. კორონავირუსები ამ განაწილებაში არის დაბალი პროცენტი. A ტიპის ვირუსი არის 11%; A ტიპის H1 არის 8%, H3 არის 19%. მთლიანად გრიპის ვირუსი არის 38%, B ტიპის ვირუსი არ ცირკულირებს, რინოვირუსი არის 8% და დანარჩენი არის სხვადასხვა ვირუსი, ადენოვირუსი და ენტეროვირუსი ძალიან მცირე ოდენობითაა“, - განაცხადა გაბუნიამ.
მისივე თქმით, გასული ორი წლის განმავლობაში, გრიპის ვირუსები მინიმალური ოდენობით ცირკულირებდა.
"გასული ორი წელი იყო განსაკუთრებული, იქიდან გამომდინარე, რომ გრიპის ვირუსები მინიმალური ოდენობით ცირკულირებდა და გასაგებია, რატომაც - ინფექციის კონტროლი იყო მაქსიმალურად გამკაცრებული, პირადი დაცვის საშუალებები, პირბადის გამოყენება და აქედან გამომდინარე, მათი გავრცელების შანსი პრაქტიკულად არ რჩებოდა. წელს ამ ვირუსების რაიმე უჩვეულო შემადგენლობა, ტიპები ან გავრცელების ინტენსივობა, რაც 2019 წელს არ იყო, არაა. ეს არის ჩვეულებრივი ტიპური მიმდინარეობა, რომელიც იყო 2018, 2019 წელსაც და მანამდეც. არცერთი არ არის ახალი ვირუსი. აქ თემა არის ის, რომ ამ ვირუსების გავრცელება უფრო ადრე დაიწყო წელს და შედარებით უფრო სწრაფად გავრცელდა, რადგან იმუნიტეტი ამ ვირუსებთან მიმართებით გასული ორი წლის განმავლობაში მოსუსტდა. თუნდაც ბავშვებს, რომლებიც შარშან, შარშანწინ დაიბადნენ, არ ჰქონდათ ეს ვირუსები გადატანილი, მათ ორგანიზმს უფრო მკვეთრი რეაგირება ჰქონდათ ამ ვირუსებზე, რომლებიც წელს ისევ გამოჩნდნენ აქტიურ ცირკულაციაში.
ეს ტალღა წესით დეკემბერში უნდა წამოვიდეს ქვემოთ. დეკემბერი და თებერვალი არის სეზონური გრიპებისთვის გავრცელების პერიოდი. ჩვენთან წელს რადგან ეს ადრე დაიწყო, ვფიქრობ, რომ უნდა წამოვიდეს და დასტაბილურდეს დეკემბრის მესამე, მეოთხე კვირიდან. უკვე დღესაც, საწყისი აქტიური გავრცელების შემდეგ, შედარებით სტაბილიზაციაა მიმართვიანობის კუთხით. პირველ ეტაპზე, ბევრი ადამიანი მიმართავდა პირველადი ჯანდაცვის დაწესებულებებს, სასწრაფო გამოძახების მაჩვენებელი მაღალი იყო, ასევე ჰოსპიტალში მიდიოდნენ, ახლა დასტაბილურდა ეს სიტუაცია.
რაც შეეხება ჩუტყვავილას ინფექციას, უჩვეულო მატება ამ ეტაპზე არ ფიქსირდება“, - განაცხადა თამარ გაბუნიამ.
- თამარ გაბუნიას განცხადებით, გრიპის ვირუსის გამო, სასწავლო დაწესებულებებში სწავლების რეჟიმის ცვლილების რეკომენდაციის აუცილებლობა არ დგას.
"ეს არის ხანმოკლე პერიოდი. სეზონური გრიპის გავრცელებას არ აქვს ხანგრძლივი პერიოდი. სულ რამდენიმე კვირაზეა საუბარი. საუკეთესო პრევენცია სკოლის გარემოში არის ის, რომ თუ ბავშვს აქვს სიცხე და თავს არ გრძნობს კარგად, არ უნდა წავიდეს სკოლაში და გაკვეთილს არ უნდა დაესწროს. მოგვარდება ეს სიტუაცია და ვფიქრობ, რომ ბავშვები არ ჩამორჩებიან. ყოველთვის იყო ეს პრობლემა კოვიდამდეც და ახლაც მსგავსი სიტუაციაა. არაფერია განსხვავებული. პერიოდი იქნება ხანმოკლე, ჩვენი მოლოდინი ასეთია და გამოცდილებაც წლების განმავლობაში ამას უჩვენებს. ვფიქრობ, რომ სწრაფად დაბრუნდებიან იმავე რეჟიმზე, რა რეჟიმიც ჩვეულებრივ სკოლებში მიმდინარეობს. ამის რაიმე განსაკუთრებული რეჟიმის რეკომენდაციას ნამდვილად არ ვიძლევით, რადგან ამ ვირუსების ჩვეულებრივზე მაღალი გავრცელება, ამ ეტაპზე არ არის“, - განაცხადა თამარ გაბუნიამ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
