ალა პუგაჩოვა და ოლენა ზელენსკაია 2022 წლის 100 ყველაზე გავლენიანი ქალის სიაში არიან - კიდევ ვინ მოხვდნენ BBC-ის ჩამონათვალში?
რამდენიმე საათის წინ, BBC-მ 2022 წლის მსოფლიოს 100 ყველაზე გავლენიანი ქალის სია გამოაქვეყნა. ჩამონათვალში მოხვდნენ რუსი მომღერალი ალა პუგაჩოვა, ბილი ეილიში, პრიანკა ჩოპრა, სელმა ბლერი, უკრაინის პირველი ლედი ოლენა ზელენსკა, ასევე სპორტსმენები, აქტივისტები და მეცნიერები. სიაში მოხვდნენ ის ქალებიც, რომლებშიც ირანში საპროტესტო აქციებს შეუერთდნენ...
წელს პირველად, ახალი სიის შედგენაში მონაწილეობა მიირეს იმ ქალებმაც, რომლებიც გასულ წლებში იკავებდნენ გავლენიანი ქალების ასეულს. მაგალითად, ფინეთის პრემიერ მინისტრმა სანა მარინმა, რომელიც 2020 წლის ტოპ 100-ში მოხვდა, სიაში წარადგინა ევროკომისიის პრეზიდენტი ურსულა ფონ დერ ლაიენი, ხოლო მალალა იუსუფზაიმ ალისა პატაჰო ბრაზილიელი აქტივისტი, რომელიც იბრძვის ძველი მოსახლეობის უფლებებისთვის...
გავლენიანი ქალების ჩამონათვალში მოხვედრილ პერსონებიდან თითოეულს დოსიე ახლავს, თუ რა დამსახურებისთვის მოხვდნენ სიაში...
ოლენა ზელენსკა, უკრაინის Პირველი ლედი
ის წარმატებული სცენარისტი იყო ტელევიზიაში და არ იყო მიჩვეული საზოგადოების ყურადღების ცენტრში ყოფნას. ყველაფერი კი მას შემდეგ შეიცვალა, რაც მისი მეუღლე, ვოლოდიმირ ზელენსკი 2019 წელს უკრაინის პრეზიდენტად აირჩიეს. პირველი ლედის როლში ოლენა ზელენსკამ დაიეყო ბრძოლა ქალთა უფლებების გაუმჯობესებაზე და უკრაინული კულტურის გავრცელებაზე.
რუსეთის მიერ გაჩაღებული ომის შემდეგ, ოლენა ზელენსკამ თავისი პოზიცია გამოიყენა, რათა მთელ მსოფლიოს გაეგო უკრაინელი ხალხის ტანჯვის შესახებ. ის გახდა უცხოელი პრეზიდენტის პირველი ცოლი, რომელმაც სიტყვით მიმართა აშშ-ს კონგრესს. ახლა მისი საქმიანობა მიზნად ისახავს ომის შედეგად დაზარალებული ბავშვებისა და ოჯახების ფსიქოლოგიური დახმარების გაწევას.
„ქალებმა კიდევ უფრო დიდი პასუხისმგებლობა აიღეს, ვიდრე მშვიდობიან დროს... ქალები, რომლებმაც გაიარეს ეს (ომი) უკან არასოდეს იხევენ. და ეჭვი არ მეპარება, რომ ჩვენი შინაგანი თავდაჯერებულობა მხოლოდ გაიზრდება...“ - ოლენა ზელენსკა
გავლენიანი ქალების ასეულში მოხვდა იანა ზინკევიჩი, უკრაინელი პოლიტიკოსი და ფრონტის პარამედიკოსი მოხალისე
იანა ზინკევიჩმა შექმნა და დღემდე ხელმძღვანელობს ჰოსპიტალერთა სამედიცინო ბატალიონი, რომელმაც 2014 წელს დაარსებიდან 2700-ზე მეტი დაჭრილი უკრაინელი ჯარისკაცი და მშვიდობიანი მოქალაქე გადაარჩინა.
მან პირადად გადაიყვანა 200 დაჭრილი ჯარისკაცი უსაფრთხო ადგილას. მისი ბატალიონი აგრძელებს დაჭრილი ჯარისკაცებისა და სამოქალაქო პირებსთვის პირველადი დახმარების გაწევას. ის ასევე ატარებს პირველადი დახმარების კურსებს. იანა 27 წლისაა და ასევე არის უკრაინის რადას ერთ-ერთი ყველაზე ახალგაზრდა დეპუტატი, სადაც ის სამხედრო მედიცინის ქვეკომიტეტს ხელმძღვანელობს.
ალა პუგაჩოვა ჯერ კიდევ ომის დაწყებამდე ვერასოდეს წარმოიდგენდა თუ გავლენიანი ქალების სიაში უკრაინის ომზე გაკეთებული განცხადებებით მოხვდებოდა. მის დოსიეში ვკითხულობთ:
ალა პუგაჩოვას 250 მილიონზე მეტი ჩანაწერი აქვს გაყიდული. მისი რეპერტუარი მოიცავს 500-ზე მეტ სიმღერას და 100 ალბომს. მას სამართლიანად უწოდებენ "რუსული პოპ-მუსიკის დედოფალს". ის უკვე დიდი ხანია ლეგენდაა...
მან არაერთხელ მიიღო ჯილდოები რუსეთში, მაგრამ ამავე დროს ყოველთვის ეწინააღმდეგებოდა მთავრობას. მან ცოტა ხნის წინ ინსტაგრამის საკუთარ გვერდზე, რომელზეც 3,6 მილიონი გამომწერი ჰყავს, გამოაქვეყნა მესიჯი, სადაც დაგმო უკრაინის ომი. ამის გამო პუგაჩოვას ქვეყნის დატოვებაც კი მოუწია, რადგან სამშობლოში მას ღალატში დებენ ბრალს...