მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამერვე დღე დაიწყება 02:47-ზე, მთვარე ტყუპშია – შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი, ხილი და ბოსტნეული. უმჯობესია რაციონიდან გამორიცხოთ მარცვლეული და ცხოველური საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსებს არ მიაქვთ თავიანთი ცხედრები, ასე, ყრია ქუჩაში“. - რას ყვება მამუკა მამულაშვილი ბახმუტზე და რას ამბობს ექსპერტი ამ ქალაქის პოლიტიკურ-სტრატეგიულ მნიშვნელობაზე?
16:01 / 05-12-2022
აგვისტოს ბოლოდან მოყოლებული, უკრაინის არმია განაგრძობს რუსეთის შეტევების მოგერიებას დონეცკის ოლქის ქალაქ ბახმუტში, რომელში შეღწევასაც რუსეთის სარდლობა დონბასის რეგიონზე კონტროლის გაფართოების მიზნით დიდი ძალებით ცდილობს. ბრძოლების ინტენსივობას თავად ბახმუტის დიდი სტრატეგიული მნიშვნელობა განაპირობებს. სამხედრო ექსპერტების თქმით, ქალაქის აღება რუსეთის არმიას გზას გაუხსნის დონეცკის ოლქის ქალაქებზე - სლავიანსკზე, კრამატორსკზე, კონსტანტინოვკასა და სევერსკიზე სწრაფი შეტევისთვის. ხოლო უკრაინის შეიარაღებული ძალებისთვის ქალაქი ბახმუტი, რომელიც დონეცკელი სეპარატისტებისგან 2014 წლის ივლისში გათავისუფლდა, მნიშვნელოვან სატრანსპორტო კვანძს წარმოადგენს. ბახმუტი რუსეთის არმიის ფოკუსში მას მერე მოექცა, რაც საოკუპაციო ძალებმა მაის-ივნისში ქალაქები სევეროდონეცკი და ლისიჩანსკი დაიკავეს. ქალაქი, რომელშიც უკრაინაში რუსეთის არაპროვოცირებულ შეჭრამდე 70 000-მდე მოსახლე ცხოვრობდა, მასობრივი საარტილერიო და სარაკეტო იერიშების შედეგად თითქმის მთლიანად განადგურებულია.
უკრაინაში "ქართული ლეგიონის“ მეთაური მამუკა მამულაშვილი ჩვენთან საუბარში ამბობს, რომ: "ბახმუტი არის საკვანძო პუნქტი, სადაც გადის რუსული ლოჯისტიკა და სწორედ ამ გზაზეა ბრძოლა. რაც ახლა ძალიან სჭირდებათ რუსებს, ეს ბახმუტის გზაა და ყველაფერს აკეთებენ საიმისოდ, რომ ის არ გადაეკეტოთ. რუსებმა თავისი არტილერიის კონცენტრაცია მოახდინეს და, ფაქტობრივად, ანადგურებენ ქალაქს, ანგრევენ შენობებს... ბახმუტი ამ ომში საკმაოდ დაძაბული ფრაგმენტია. ბახმუტის მიმართულებით ჩემი დანაყოფიც იბრძვის. რა თქმა უნდა, გვაქვს ამ ქალაქის შენარჩუნების იმედი, უბრალოდ, მიდის ინტენსიური დაბომბვები და ვინც ამ დაბომბვის ქვეშ ჰყვება, სამწუხაროდ, ბევრი ადამიანი იღუპება, ბევრი უკრაინელია გარდაცვლილი, თუმცა 3-ჯერ მეტი რუსია დაღუპული, უბედურება ტრიალებს, რუსებს არც მიაქვთ თავიანთი ცხედრები, ასე, ყრია ქუჩაში“...
GIPA-ს პროფესორი გიორგი კობერიძე ambebi.ge-სთან მიმოიხილავს, თუ რა ვითარებაა ამჟამად ბახმუტში:
"ბახმუტი ამ წუთას მთლიანად კონტროლდება უკრაინელების მიერ. ქალაქის შემოგარენშიც სიტუაცია სტაბილურია, უბრალოდ, ამ ეტაპზე მომიჯნავე სამხრეთის ტერიტორიაზე _ ოპიტნასა და ივანჰრადში მიმდინარეობს მთავარი ინტენსიური შეტაკებები, მას, დაახლოებით, 30 ათასი რუსი სამხედრო უტევს, რომელთაგან ნაწილი დონეცკელი სეპარატისტია, ნაწილი - პატიმარი, დანარჩენი კი "ვაგნერის“ დაჯგუფებაა. საბოლოო ჯამში, უკრაინელების წინააღმდეგობა ეფექტურია, მაგრამ რუსებს აქვთ უპირატესობა არტილერიის მიმართულებით, რაც, რა თქმა უნდა, სიტუაციას ართულებს. მეორეს მხრივ, აღმოსავლეთის მიმართულებით (სადაც სოლედარის გზა მდებარეობს) შეტევა ისეთი მძლავრი ვეღარ არის, თუმცა ამ მიმართულებითაც ყოველდღიურად, პერიოდულად მიდის ტალღოვანი შეტევები - მაგალითად, რუსები წინ გაუშვებენ 1000 - კაციან დაჯგუფებას და აქედან შეიძლება უკან დაბრუნდეს 700, ამის მერე შეტევაზე შემდგომი 1000 გავა. ანუ ტალღოვანად ხდება შეტევები, რაც ამ მიმართულებით ვითარებას ძალიან ამძიმებს. სიტუაცია ქალაქში იმიტომაც სტაბილურდება, რომ ამ დღეებში უკრაინელებმა ბახმუტში დამატებითი ძალები შეიყვანეს. შესაბამისად, იმის ალბათობა, რომ ახლა ბახმუტში სიტუაცია კრიტიკულად შეიცვალოს, გამორიცხულია. მიუხედავად იმისა, რუსები ცდილობენ ბახმუტში გადაიტანონ ბრძოლა და ბახმუტი წლის ბოლომდე აიღონ, ქალაქი იმდენად კარგადაა დაცული, საეჭვოა, რუსებმა შეძლონ მისი აღება. აღსანიშნავია, რომ უკრაინელებს მარტო ქალაქთან არ აქვთ საყრდენი პუნქტი მოწყობილი, მათი საყრდენი პუნქტი ქალაქშია, შესაბამისად, რუსები ქალაქში რომც შევიდნენ, ეს იქნება ჩვეულებრივი სასაკლაოს გაგრძელება.
ახლანდელი მონაცემები არ არის ცნობილი, მაგრამ დაღუპულთა რაოდენობა რუსების მხრიდან მარტო ბახმუტთან შესაძლოა 5 ათასი და მეტი იყოს. ანუ ესაა მოცემულობა, რომელსაც უკრაინელები ვარაუდობენ. ეს კატასტროფული მაჩვენებელია, ვინაიდან მარიუპოლში, სადაც რუსებმა ყველაზე მძიმე ბრძოლა გადაიხადეს, 6 ათასი მებრძოლი დაკარგეს და ის ფაქტი, რომ ამ ქალაქის მისადგომებთან 5000 მებრძოლი დაუწვათ, ძალიან დიდი ციფრია“.
გიორგი კობერიძე ამბობს, რომ სტრატეგიულზე მეტად, რუსების მხრიდან ბახმუტის აღებას პოლიტიკური მნიშვნელობა აქვს:
"როდესაც იზიუმი რუსების ხელში იყო, ბახმუტის აღება ბევრად საშიში იყო, ვინაიდან ქალაქის აღებით შესაძლოა ალყაში მოქცეულიყო სლავიანსკი და კრამატორსკი. დღეს ბახმუტის აღებას ისეთი სტრატეგიული მნიშვნელობა არ აქვს, თუ არ ჩავთვლით რამდენიმე ასპექტს:
1. ზოგადად, ლისიჩანსკსა და სევეროდონეცკზე თუ იქნება შეტევა, ბახმუტი იქნება მომარაგების ზურგი. ამ ქალაქებისკენ ორი გზა მიდის - კრემინას და ბახმუტის. ბახმუტის გზა იყო პირველი მომარაგების ცენტრი, როდესაც სევეროდონეცკისათვის ბრძოლა მიმდინარეობდა. ამიტომ ეს მნიშვნელოვანია.
2. თვითონ გზა მიდის სლავიანსკისა და კრამატორსკისაკენ და, შესაბამისად, ბახმუტის გზის გამოყენება ამ მიმართულებითაც შეიძლება. მაგრამ ბახმუტი უფრო შორსაა სლავიანსკიდან, ვიდრე, მაგალითად, თუნდაც იზიუმი იყო, ამიტომ, რომ ვთქვათ, ბახმუტის თუნდაც აღების შემთხვევაში, სლავიანსკის ბედი გადაწყვეტილია - არანაირად, ამ ამბავში საერთოდ არაფერი შეიცვლება. უბრალოდ ისაა, რომ ეს არის მომარაგების კვანძი, მიმართულება რამდენიმე გზიდან მიმდინარეობს და შესაბამისად, ბახმუტს ახლა აქვს დიდი პოლიტიკური მნიშვნელობა იმიტომ, რომ "ვაგნერმა“ და მისმა ლიდერმა ევგენი პრიგოჟინმა დაისახეს მიზნად, რომ ბახმუტს ყველაფრის ფასად აიღებდა. შესაბამისად, სტრატეგიულად მნიშვნელოვანია თუ არა, აქ ამაზე აღარ არის საუბარი. ეს არის პრიგოჟინის პოლიტიკური სვლა და პირველ რიგში, მან უნდა დაუმტკიცოს რუსეთის ხელისუფლებას და რუსეთის სამხედრო ნაწილებს, რომ ის ჭკვიანია და თავის მოქმედებებს უფრო მეტი შედეგი მოაქვს, ვიდრე რუსეთის გენშტაბის მოქმედებებს ერთად. ამიტომაც ეს უფრო პოლიტიკური საკითხია, ვიდრე სტრატეგიული.
იმაში დარწმუნებული ვარ, რომ უკრაინელები დაიცავენ ქალაქს. ბახმუტში რუსების შესვლა გაჭირდება და რომც შევიდნენ, დიდი ალბათობით, უკრაინელები შეძლებენ ქალაქის შენარჩუნებას. უკრაინელები ხედავენ, რომ რუსებს იმხელა სამხედრო ძალა ჰყავთ მობილიზებული, რომ შეუძლიათ გენერალური ბრძოლასავით გაუხადონ ბახმუტში. ამიტომ ეს რეალურად, უკრაინელებისთვის არის შანსი იმისა, რომ დიდი დარტყმა მიაყენონ რუსებს და შემდგომი შეტევების საშუალება ზამთარში მაინც ჩაუგდონ. უკრაინელები ამაზე არ დაზარდებიან და არც უკან დაიხევენ. ამ ქალაქს დიდად სტრატეგიული მნიშვნელობა შეიძლება არ ჰქონდეს, მაგრამ დიდი მნიშვნელობა აქვს, გადაუხადონ დიდი ბრძოლა რუსებს კოლოსალური დანაკარგებით. რუსული არტილერია მუშაობს დიდი ინტენსივობით (ისევე, როგორც უკრაინული), ამ ეტაპზე ყველა სახის იარაღს იყენებენ და აქედან გამომდინარე, სიტუაცია არ არის იოლი“, - გვეუბნება გიორგი კობერიძე.
იხილეთ ასევე:
- "ძალიან მაგარი ბიჭები დავკარგეთ, მაგრამ რუსების მხარეს, დამიჯერეთ, 100-ჯერ დიდია მსხვერპლი" - რას ჰყვება ვანო ნადირაძე ბახმუტში არსებულ ვითარებაზე?
- "ბიჭებმა ორი ტალღა მოიგერიეს და მესამე არ დათმეს... ჩემთვის სირცხვილია, რომ ცოცხალი გამოვედი" - უკრაინაში მებრძოლი ქართველი სამხედრო ბახმუტთან შეტევის დეტალებს იხსენებს
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ვაშაძე დააკავეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საინტერესო კომენტარებია, ალბათ ყველა განვიცდით.
ვერ გავიგე " ამის მტკიცებით " პონტის " გამო ხოცავენ ერთმანეთს?