სამ­ხრეთ კო­რე­ამ მსოფ­ლიო ჩემ­პი­ო­ნა­ტის 1/8 ფი­ნა­ლის საგ­ზუ­რი სას­წა­უ­ლებ­რი­ვად მო­ი­პო­ვა. ფაქ­ტობ­რი­ვად, ბოლო წუ­თებ­ზე პორ­ტუ­გა­ლი­ას მო­გე­ბა გა­მოგ­ლი­ჯა. მე­ო­რე მხრივ, კო­რე­ე­ლებს გა­ნას მარ­ცხი სჭირ­დე­ბო­დათ და ასეც მოხ­და - აფ­რი­კულ­მა ნაკ­რებ­მა ურუგ­ვა­ის­თან 2:0 წა­ა­გო. გა­ტა­ნილ გო­ლებს შო­რის სხვა­ო­ბის წყა­ლო­ბით, სამ­ხრეთ კო­რე­ამ ჯგუ­ფუ­რი ეტა­პი წარ­მა­ტე­ბით დაძ­ლია.

• აღ­სა­ნიშ­ნა­ვია, რომ მათ გა­დამ­წყვეტ შეხ­ვედ­რა­ში მთა­ვა­რი მწვრთნე­ლის გა­რე­შე ითა­მა­შეს, რად­გან გა­ნას­თან შეხ­ვედ­რა­ში პა­უ­ლუ ბენ­ტუმ მსაჯ ენ­ტო­ნი ტე­ი­ლორ­თან სკან­და­ლი მო­ა­წყო და მო­ედ­ნი­დან გა­ა­ძე­ვეს.

მე უბ­რა­ლო კაცი ვარ და სტრე­სულ სი­ტუ­ა­ცი­ებ­ში, შე­საძ­ლოა, არას­წო­რი რე­ა­გი­რე­ბა გა­მო­ვავ­ლი­ნო. მაგ­რამ ამ ჯენტლმე­ნებს ინ­გლი­სი­დან საღი აზრი აკ­ლი­ათ. მატ­ჩის დროს მე არ მო­მე­წო­ნა მსა­ჯე­ბის არა­თან­მიმ­დევ­რუ­ლო­ბა. ჩვენ შეგ­ვეძ­ლო მო­გე­ბა და ოც­ნე­ბის­კენ კი­დევ ერთი ნა­ბი­ჯის გა­დად­გმა, მაგ­რამ მსა­ჯებ­მა ძვირ­ფა­სი შან­სი წაგ­ვარ­თვეს - გა­ნა­ცხა­და მწვრთნელ­მა.

პორ­ტუ­გა­ლი­ას­თან მატ­ჩი კო­რე­ის მწვრთნე­ლის­თვის მნიშ­ვნე­ლო­ვა­ნი პი­რა­დი და­პი­რის­პი­რე­ბაც იყო. პა­უ­ლუ პორ­ტუ­გა­ლი­ე­ლია, მე­ტიც ერ­ნან­დუ სან­ტუ­შამ­დე ის იყო პორ­ტუ­გა­ლი­ის ნაკ­რე­ბის მთა­ვა­რი მწვრთნე­ლი, თუმ­ცა შთამ­ბეჭ­და­ვი შე­დე­გე­ბით ვერ გა­მო­ირ­ჩე­ო­და.

ფეხ­ბურ­თე­ლის ამ­პლუ­ა­ში ვარ­სკვლა­ვი ვერ გახ­და. "ბენ­ფი­კა­შიც“ თა­მა­შობ­და და "სპორ­ტინ­გშიც“, თუმ­ცა მა­ღალ დო­ნე­ზე ასას­ვლე­ლად რა­ღაც აკ­ლდა, ალ­ბათ ხა­სი­ა­თი. თა­ვად ბენ­ტუ თვლის, რომ მო­თა­მა­შის კა­რი­ე­რის დროს მას აკ­ლდა დის­ციპ­ლი­ნა და გამ­ბე­და­ო­ბა.

• "წარ­მა­ტე­ბა რა­ღაც სე­რი­ო­ზულს მო­ი­თხოვს. არას­დროს მქონ­და სურ­ვი­ლი, რომ რამე შე­მე­წი­რა უკე­თე­სი კა­რი­ე­რის­თვის. ზუს­ტად ამან არ მომ­ცა სა­შუ­ა­ლე­ბა, რომ ბო­ლომ­დე გავ­ხსნი­ლი­ყა­ვი. ამა­ში მხო­ლოდ სა­კუ­თარ თავს ვა­და­ნა­შა­უ­ლებ. სულ მინ­დო­და კომ­ფორ­ტის ზო­ნა­ში ყოფ­ნა და დიდი ფუ­ლის გა­მო­მუ­შა­ვე­ბა. ახლა მწვრთნე­ლი ვარ და მუდ­მი­ვად ვცდი­ლობ სხვა­დას­ხვა გა­მოწ­ვე­ვებ­ში ვსინ­ჯო თავი. ამას რაც შე­იძ­ლე­ბა ხში­რად ვა­კე­თებ. ჩემი ახა­ლი გზის ნა­წი­ლია“, - აღი­ა­რა პა­უ­ლუმ Record-თან ინ­ტერ­ვი­უ­ში.

2004 სა­ბო­ლო­ოდ და­ას­რუ­ლა ფეხ­ბურ­თე­ლის კა­რი­ე­რა და მწვრთნე­ლო­ბა და­ი­წყო. "სპორ­ტინ­გმა“ ახალ­გაზ­რდუ­ლი გუნ­დი ჩა­ა­ბა­რა, მკაც­რი მო­თხოვ­ნით - პირ­ვე­ლი­ვე სე­ზონ­ში ახალ­გაზ­რდუ­ლი ჩემ­პი­ო­ნა­ტის ტი­ტუ­ლი მო­ე­გოთ. ბენ­ტუმ და­ვა­ლე­ბა მარ­ტი­ვად შე­ას­რუ­ლა და გუნდს დიდი სხვა­ო­ბით გა­ა­მარ­ჯვე­ბი­ნა. გაკ­ვირ­ვე­ბულ­მა ხელ­მძღვა­ნე­ლო­ბამ ახალ­გაზ­რდა სპე­ცი­ა­ლისტს ძი­რი­თა­დი შე­მად­გენ­ლო­ბა ანდო.

მა­შინ პა­უ­ლუ 35 წლის იყო. Record-ის ინ­ფორ­მა­ცი­ით, ბენ­ტუმ არამ­ხო­ლოდ "სპორ­ტინ­გი“ გა­ა­ო­ცა, არა­მედ ევ­რო­პის ტოპ-კლუ­ბე­ბი, მათ შო­რის - "მან­ჩეს­ტერ იუ­ნა­ი­ტე­დი“. ინ­გლი­სე­ლე­ბი პორ­ტუ­გა­ლი­ელს ალექს ფერ­გი­უსო­ნის ერთ-ერთ ასის­ტენ­ტად მო­ი­აზ­რებ­დნენ. პა­უ­ლუმ ბევ­რი იყოყ­მა­ნა, თუმ­ცა კე­ის­რის იდე­ას მი­ემ­ხრო - აირ­ჩია "სო­ფელ­ში“ ყო­ფი­ლი­ყო პირ­ვე­ლი, ვიდ­რე ქა­ლაქ­ში - მე­ო­რე.

"სპორ­ტინ­გში“ მან არა­ერ­თი ტა­ლან­ტი აღ­მო­ა­ჩი­ნა: ჟოაუ მო­უ­ტი­ნი­ო­დან და­წყე­ბუ­ლი ნა­ნით დას­რუ­ლე­ბუ­ლი. ნა­ნიმ სა­ერ­თო­დაც გა­ნა­ცხა­და, რომ "იუ­ნა­ი­ტედ­ში“ გა­დას­ვლა­ში ყვე­ლა­ზე დიდი წვლი­ლი ბენ­ტუს მი­უ­ძღო­და.

პა­უ­ლუ - სის­ტე­მუ­რი მწვრთნე­ლია, რო­მე­ლიც მზად არის ვარ­სკვლა­ვი გუნ­დის გამო გა­წი­როს. ის გა­მო­ნაკ­ლისს არც ერთი ფეხ­ბურ­თე­ლის გამო არ უშ­ვებ­და. სუ­პერ­ვარ­სკვლა­ვე­ბით მა­შინ "სპორ­ტინ­გი“ არ გა­მო­ირ­ჩე­ო­და, ამი­ტომ მწვრთნელს გუნ­დზე სრუ­ლი კონ­ტრო­ლი ჰქონ­და დამ­ყა­რე­ბუ­ლი. 2009 წელს კი ყვე­ლა­ფე­რი ჩა­ი­შა­ლა, მაგ­რამ მწვრთნე­ლი აცხა­დებს, რომ სწო­რედ იმ მო­მენ­ტმა რა­დი­კა­ლუ­რად შეც­ვა­ლა მისი პი­როვ­ნე­ბა.

ამ თე­ატ­რში მე პა­ტა­რა მსა­ხი­ო­ბი ვარ, მაგ­რამ გუ­შინ თავი კარ­გად არ ვიგ­რძე­ნი. მივ­ხვდი, რომ მშობ­ლი­უ­რი კლუ­ბი­დან უნდა წა­ვი­დე. ჩემი პირ­ვე­ლი­ვე დღი­დან არ სჯე­რო­დათ. რო­გორც კი გავ­ხდი მთა­ვა­რი მწვრთნე­ლი, იმ დღი­დან ვფიქ­რობ­დი წას­ვლა­ზე. ეს ციკ­ლი 4 წე­ლი­წადს გაგ­რძელ­და. ვფიქ­რობ, კარ­გი იყო. "სპორ­ტინ­გი“ და­მეხ­მა­რა, რომ სა­კუ­თა­რი ნი­ჭის მერ­წმუ­ნა - თქვა პა­უ­ლუმ კლუ­ბი­დან წას­ვლის დროს.

ნაკ­რებ­ში 2010 წელს მოხ­ვდა მა­შინ, როცა გუნ­დი ნა­წი­ლე­ბად იშ­ლე­ბო­და: მარ­ტი­ვად შე­ეძ­ლოთ მოკ­რძა­ლე­ბუ­ლი კვიპ­რო­სის­გან 4 გოლი გა­ეშ­ვათ და შემ­დეგ დეპ­რე­სი­ულ ნორ­ვე­გი­ას­თან წა­ე­გოთ, თა­ნაც მა­შინ ჰა­ლან­დიც არ ჰყავ­დათ - ის ჯერ სკო­ლა­ში სწავ­ლობ­და.

პრობ­ლე­მე­ბი კარ­ლუშ კე­ი­რუ­შის წას­ვლის შემ­დეგ და­ი­წყო. 2010 წლის მსოფ­ლიო ჩემ­პი­ო­ნა­ტის შეკ­რე­ბა­ზე კე­ი­რუშ­მა ან­ტი­დო­პინ­გურ სამ­სა­ხურ­თან იჩხუ­ბა და ერთი თვით გა­ა­ძე­ვეს. აგ­ვის­ტო­ში გა­ნა­ჩე­ნი ნა­ხე­ვა­რი წლით გა­ა­ხან­გრძლი­ვეს, სექ­ტემ­ბერ­ში კი სა­ერ­თოდ, ნაკ­რე­ბი­დან გა­ა­თა­ვი­სუფ­ლეს.

შემ­ცვლელს დიდ­ხანს ეძებ­დნენ, ჟოზე მო­უ­რი­ნი­ოს "შე­ტყუ­ე­ბაც" სცა­დეს, თუმ­ცა "გან­სა­კუთ­რე­ბულს“ "რე­ა­ლი­დან“ წას­ვლა არ სურ­და და სწო­რედ მან ურ­ჩია ახალ­გაზ­რდა კო­ლე­გა ნაკ­რებს.

2 კვი­რა­ში ბენ­ტუ უკვე პორ­ტუ­გა­ლი­ის მა­ი­სუ­რით პრეს­კონ­ფე­რენ­ცი­ა­ზე თავს იწო­ნებ­და.

"მო­უ­რი­ნიო ძა­ლი­ან და­მეხ­მა­რა. მე ყო­ველ­თვის მისი მად­ლი­ე­რი ვიქ­ნე­ბი. ჟოზე გან­სა­კუთ­რე­ბუ­ლი ადა­მი­ა­ნია, დი­დე­ბუ­ლი მწვრთნე­ლი, ჩემ­პი­ო­ნად და­ბა­დე­ბუ­ლი. მინ­და, პორ­ტუ­გა­ლი­ის ეროვ­ნუ­ლი ნაკ­რე­ბი ახალ მწვერ­ვა­ლებ­ზე ავიყ­ვა­ნო“, - ემო­ცი­ებს ვერ მა­ლავ­და ნაკ­რე­ბის ახა­ლი მწვრთნე­ლი.

მწვრთნე­ლის შეც­ვლამ შე­დე­გე­ბი ნამ­დვი­ლად გა­ა­უმ­ჯო­ბე­სა. პორ­ტუ­გა­ლი­ე­ლე­ბი "ევრო 2012"-ზე მოხ­ვდნენ. თუმ­ცა ფეხ­ბურ­თე­ლებს პა­უ­ლუ არ მოს­წონ­დათ. ღიად აკ­რი­ტი­კებ­დნენ და კონ­ფლიქტსაც არ ერი­დე­ბოდ­ნენ. მა­გა­ლი­თად, 2011 წელს ბენ­ტუმ მცვე­ლი, რი­კარ­დუ კარ­ვა­ლიო ნაკ­რე­ბი­დან გა­ა­ძე­ვა.

"ცენ­ზუ­რა რომ და­ვიც­ვა, ბენ­ტუ უბ­რა­ლოდ და­ქი­რა­ვე­ბუ­ლი კა­ცია. ასე­თი ადა­მი­ა­ნე­ბი ომში მი­დი­ან არა სამ­შობ­ლოს სიყ­ვა­რუ­ლის, არა­მედ მხო­ლოდ ფუ­ლის გამო. ბენ­ტუ - ზუს­ტად ეს შემ­თხვე­ვაა. აი, მა­გა­ლი­თად, მე ნაკ­რებ­ში ფუ­ლის გამო არ ვთა­მა­შობ. ჩემი შეც­დო­მა ისაა, რომ შეკ­რე­ბა ისე დავ­ტო­ვე, არა­ვის არა­ფე­რი ვუ­თხა­რი. მე­გო­ნა მწვრთნე­ლე­ბი მენ­დო­ბოდ­ნენ, მაგ­რამ ასე არ ყო­ფი­ლა“, - ამ­ბობ­და კარ­ვა­ლიო.

კარ­ვა­ლი­ოს გარ­და, ბენ­ტუმ ნაკ­რებ­ში არც ჟოზე ბო­სინგვა გა­მო­ი­ძა­ხა.

"ამ ფეხ­ბურ­თე­ლებს არა­ვი­თა­რი გა­მარ­თლე­ბა აქვთ. ისი­ნი "ევრო 2012"-ს სახ­ლში უყუ­რე­ბენ. ნაკ­რე­ბის შე­მად­გენ­ლო­ბას მე ვა­კომ­პლექ­ტებ. ყვე­ლა ადა­მი­ან­მა პა­სუ­ხი უნდა აგოს თა­ვის შეც­დო­მებ­ზე. კარ­ვა­ლიო და ბო­სინგვა - გა­მო­ნაკ­ლი­სე­ბი ვერ იქ­ნე­ბი­ან“, - მკაც­რად უპა­სუ­ხა მწვრთნელ­მა ფეხ­ბურ­თე­ლე­ბის არ­წაყ­ვა­ნის სა­კი­თხთან და­კავ­ში­რე­ბულ კი­თხვას.

2012 წლის ევ­რო­პის ჩემ­პი­ო­ნატ­ზე, რო­ნალ­დუს მა­გი­ით, პორ­ტუ­გა­ლი­ე­ლებ­მა ნა­ხე­ვარ­ფი­ნა­ლამ­დე მი­აღ­წი­ეს. თუმ­ცა და­ძა­ბუ­ლო­ბა არ მი­ნელ­და - ფეხ­ბურ­თე­ლე­ბი "თავ­ხე­დობ­დნენ". მწვრთნე­ლი კი მთა­ვარ მე­ამ­ბო­ხე­ებს ნაკ­რე­ბი­დან აძე­ვებ­და.

2014 წლის მსოფ­ლიო ჩემ­პი­ო­ნატ­ზეც არა­ფე­რი შე­იც­ვა­ლა. გუნ­დი ტო­ტა­ლუ­რად ჩა­ვარ­და.

პირ­ველ მატჩში გერ­მა­ნი­ამ 4 გოლი გა­უ­ტა­ნა, ამე­რი­კას­თან ფრე ითა­მა­შეს და გაშ­ვე­ბუ­ლი გო­ლე­ბის სხვა­ო­ბის გამო, ფლეი-ოფში გერ­მა­ნია-აშშ გა­ვი­და, პორ­ტუ­გა­ლია კი სახ­ლში დაბ­რუნ­და. პა­უ­ლომ კი თა­ვის სტილ­ში, პირ­და­პირ აღი­ა­რა, რომ გუნ­დი უბ­რა­ლოდ არ იმ­სა­ხუ­რებ­და ჯგუ­ფი­დან გას­ვლას.

A Bola-ს ინ­ფორ­მა­ცი­ით, ფეხ­ბურ­თე­ლე­ბი მწვრთნელს არ უჯე­რებ­დნენ და მის მი­თი­თე­ბებს ხში­რად აიგ­ნო­რებ­დნენ. ერთ-ერთი კრიშ­ტი­ა­ნუ რო­ნალ­დუ იყო, რო­მელ­მაც "ევრო 2016"-ის შე­სარ­ჩე­ვის დროს, ალ­ბა­ნეთ­თან მარ­ცხის შემ­დეგ, ფეხ­ბურ­თის ფე­დე­რა­ცი­ის ბოსს მწვრთნე­ლის გაგ­დე­ბა მოს­თხო­ვა. მოგ­ვი­ა­ნე­ბით რო­ნიმ ყვე­ლა­ფე­რი უარ­ყო.

"არ­სე­ბობს სა­ფეხ­ბურ­თო ციკ­ლე­ბი. ბენ­ტუს ციკ­ლი ჩვენ­თვის სამ­წუ­ხა­როდ დას­რულ­და. სა­ჭი­რო იყო სე­რი­ო­ზუ­ლი ცვლი­ლე­ბე­ბი. ჩვენ მწვრთნე­ლის წი­ნა­აღ­მდეგ არა­ფე­რი გაგ­ვი­კე­თე­ბია. მეც მათ შო­რის, სხვა და­ნარ­ჩე­ნი ჭო­რია“, - გა­ნა­ცხა­და რო­ნალ­დუმ.

2016 წელს "კრუ­ი­ზე­რო“ ჩა­ი­ბა­რა, რო­მე­ლიც მა­შინ ბრა­ზი­ლი­ის ერთ-ერთი სა­უ­კე­თე­სო კლუ­ბი იყო. თუმ­ცა ბენ­ტუს პე­რი­ოდ­ში მე-19 ად­გილ­ზე ჩა­მოქ­ვე­ით­და, და­ნიშ­ვნი­დან 2.5 თვე­ში კი პორ­ტუ­გა­ლი­ე­ლი გა­ა­თა­ვი­სუფ­ლეს. იმა­ვე წლის აგ­ვის­ტო­ში პა­უ­ლუ ბერ­ძნულ "ოლიმ­პი­ა­კოს­ში“ გა­და­ვი­და და კვლავ ცუ­დად და­ას­რუ­ლა.

ევ­რო­პის შემ­დეგ იყო ჩი­ნე­თი. "ჩუნ­ცინ ლი­ანცსინ­მა“ პორ­ტუ­გა­ლი­ე­ლი მი­იწ­ვია, მაგ­რამ არა­და­მაკ­მა­ყო­ფი­ლე­ბე­ლი შე­დე­გე­ბის გამო, თით­ქმის ნა­ხე­ვარ წე­ლი­წად­ში და­ა­თა­ვი­სუფ­ლეს.

• აჟა­მად პა­უ­ლო სამ­ხრეთ კო­რე­ის ნაკ­რე­ბის მთა­ვა­რი მწვრთნე­ლია და საკ­მა­ოდ ბედ­ნი­ე­რიც არის. ის უკვე 4 წე­ლი­წა­დია, რაც ნაკ­რებს ავარ­ჯი­შებს.

"ეს მატ­ჩი არაფ­რით გან­სხვავ­დე­ბა და­ნარ­ჩე­ნის­გან. მაგ­რამ რა­ღა­ცე­ბი მა­ინც სხვა­ნა­ი­რად არის. ემო­ცი­უ­რი თვალ­საზ­რი­სით მი­ჭირს. ჩემ­თვის ეს თა­მა­ში ემო­ცი­უ­რი ატ­რაქ­ცი­ო­ნი იქ­ნე­ბა. ნე­ბის­მი­ერ შემ­თხვე­ვა­ში წა­ვა­გებ - მო­ე­დან­ზე თუ მის მიღ­მა. რო­გორ არ უნდა ვუ­გულ­შე­მატ­კივ­რო სა­კუ­თარ ნაკ­რებს? (გუ­ლის­ხმობს პორ­ტუ­გა­ლი­ის ნაკ­რებს).

მე და­ვი­ბა­დე პორ­ტუ­გა­ლი­ე­ლად. მოვ­კვდე­ბი პორ­ტუ­გა­ლი­ე­ლად. ამას ვერ შევ­ცვლი“, - თქვა პა­უ­ლუ ბენ­ტუმ სამ­ხრეთ კო­რე­ი­სა და პორ­ტუ­გა­ლი­ის მატ­ჩამ­დე.

პორ­ტუ­გა­ლი­ი­დან უარ­ყო­ფილ­მა მწვრთნელ­მა, გუ­შინ ის­ტო­რია და­წე­რა. მისი თა­მა­შის ფი­ლო­სო­ფი­ამ და სის­ტე­მამ სა­ბო­ლო­ოდ გა­ა­მარ­თლა და სამ­ხრეთ კო­რე­ის ნაკ­რე­ბი მსოფ­ლიო ჩემ­პი­ო­ნა­ტის 1/8 ფი­ნა­ლურ ეტაპ­ზე გა­იყ­ვა­ნა.

• ავ­ტო­რი: ანრი კურ­ტა­ნი­ძე